Sõadga 22:7 - WẼNNAAM SEBRE 2014

⁷ Dẽ, Moaab ne Madiyã kãsem-dãmbã zãa kũun n kẽng n na n tɩ kõ bãngd a Balaam. La bãmb sẽn ta a Balaam nengẽ, b togs-a-la a Balak koɛɛgã.

SEBR SÕNGO

⁷ Moab la Madiã nin-kẽemsa bobame la b talla bũmb n na n tɩ yao baga a Balaam. B sẽn ta a Balaam nengẽ, b togs-a-la a Balak goama.

Sõadga 22:7 Iomraidhean Croise

A Ezayi 1:23

Fo nanambsã lebga kɩɩsdba, la b lebg wagda tũud-n-taase. Bãmb fãa nongame tɩ b kõt-b kũuni, la b zoet n pʋgd zãmb keoore. Bãmb ka kaood kɩɩb bʋʋd tɩrga, la pʋg-kõap yell gesg ka pak-b ye.

A Ezayi 56:11

Bãmb yaa wa baas sẽn yaa yão-be-rãmba, bãmb ka tol n tɩgd ye. Bãmb yaa pe-kɩɩmb sẽn ka tol n mi baa fɩ ye. B fãa yaa neb sẽn maand b sẽn date, ned kam fãa baooda a meng sõngr bala.

Ezekiyɛl 13:19

Nug pʋgẽ Oorz ne rɩɩb bilf yĩnga, yãmb paoogda maam m nebã taoore. Yãmb yagda zĩrẽ ne mam nebã tɩ b kelgd yãmb zirẽ-beedã, la y kɩtdẽ tɩ b kʋʋd neb nins sẽn dag n ka tog n ki wã, la y kɩtdẽ tɩ b basd b sẽn dag n tog n kʋ-b rãmbã tɩ b vɩɩmde.»

Ezekiyɛl 21:21

B sẽn na n bool foom zĩig ning fãa, bɩ f kɛ n leb rɩtgo, segl n kɛ n leb goabga!

A Miise 3:11

Zeruzalɛm nanambsã reegda kũun n yaool n kao bʋʋdo. Bãmb maan-kʋʋdbã zãmsda nebã n deegd yaoodo, la b no-rɛɛsdbã togsda pĩnd-n-bãngr goamã n deegd wanzuri. Bãmb yaool n tika Sẽn-Ka-Saab n yetẽ yaa: «Sẽn-Ka-Saab sẽn be tõnd sʋkã yĩnga, yel-beed kõn tol n paam-d ye.»

Sõadga 22:8

La a Balaam yeela bãmb yaa: «Gãand-y ka yʋngã, tɩ beoogo, m na togs-y koɛɛg ning Sẽn-Ka-Saab sẽn na n kõ-ma. La Moaab nanambsã pa a Balaam yirã.»

Sõadga 23:23

Tɩɩm ka tõe n maan a Zakoob yagensã bũmb ye, La bagr me ka tõe Israyɛll nebã ye. Wẽnnaam vẽnegda bãmb bũmb fãa, Wa sẽn zems a wakate.

Sõadga 24:1

A Balaam bãngame tɩ Sẽn-Ka-Saab tolg n dat n ninga Israyɛll nebã barka. Dẽ, a Balaam ka leb n nams a meng n na n bao vẽnegr wa pĩndã ye. Yẽnda wẽnemda a neng n tees weoogã.

Rom Dãmba 16:18

Bala, neb a woto ka tʋmd tõnd Zu-soabã, Kiris yĩng ye, yaa b mens pʋs yĩnga. B belsda neb nins sẽn ka yamã ne gom-noodo la ne pẽgre.

A Titi 1:11

F tog n kɩtame tɩ b sĩndi. Bãmb lubda zags zãnga n zãmsd nebã bũmb sẽn ka zems ye, n baood paoong ne zãmbo.

Zozuwe 13:22

Israyɛll nebã sẽn kʋ neb nins ne zabr sʋʋgã sʋka, a Bewoor biig a Balaam sẽn yaa bagã rag n naaga be.

2 Pɩyɛɛr 2:15

Bãmb bʋdg n basa so-tɩrgã, n menem n tũ a Bewoor biig a Balaam sore. Yẽnda sakame n na n maan wẽng n deeg yaoodo,

A Zʋʋde 1:11

Bãmb na paam toogo, bala, b tũu a Kaẽ sorã, bãmb kẽesa b mens a Balaam tudgrã pʋgẽ, yaood yĩnga. La bãmb sẽn kɩɩs wala a Koore wã, b sãamame.