Sõadga 22:5 - WẼNNAAM SEBRE 2014

⁵ Dẽ, Moaab rĩmã tʋma neb tɩ b kẽng a Bewoor biig a Balaam nengẽ. A Balaam dag n bee Petoor sẽn be kʋɩlgã rʋʋnde, a tẽngẽ wã. La Moaab rĩmã yeelame tɩ b tɩ yeel-a yaa: «Neb n yi Ezɩpt n wa, la b yaa wʋsg hal n yɛdg n pid tẽngã, la bãmb wa n tilg n pẽnega mam soolmã.

SEBR SÕNGO

⁵ A Balak tʋma neb a Balaam nengẽ. Yẽ yaa a Beor biiga la a ra bee Petor, Efrat kʋɩlga noore, Amavitsa tẽn-peelmẽ. A tʋmame tɩ b yeel-a woto: «Ad-y neb n yi Ezipt tẽnga la b sẽega mooga tõre la bãmb n wa n kẽed m tẽngẽ.

Sõadga 22:5 Iomraidhean Croise

Sɩngrẽ 13:16

Mam na n kɩtame tɩ fo yagensã yɩ wʋsg wa tẽng tom. Ned sã n tõog n sõd tẽngã tomã sõore, a na n tõog n sõda fo yagensã me sõore.

Yɩɩn‑sõamyã 105:24

Sẽn-Ka-Saab kɩtame tɩ Israyɛll buudã fɩɩge, n kɩt tɩ b paam pãng n yɩɩd b bɛɛbã.

Yikri 10:15

Sʋyã rag n luda tẽngã fãa, la tẽn-gãongã zãng rag n sobame. Sʋyã rɩɩ koodã ne tɩɩsã biis zãnga, la bũmb nins fãa sẽn pa sapɩlmã loogr zugẽ wã. Ezɩpt tẽngã fãa pʋgẽ, vãoog ka pa tɩɩg zugu, la moog me ka pa pʋtã pʋs ye.

A Miise 6:5

Mam nebã, m kotame tɩ y tẽeg Moaab rĩm a Balak sẽn dag n sagl a Balaam t'a maan bũmb ningã, la a Bewoor biig a Balaam sẽn leok yẽnda to-to wã. Tẽeg-y bũmb nins sẽn maan yãmb y sẽn wa n na n pɩʋʋg Sitim n kẽng Gilgallã yelle, tɩ yãmb tõe n bãng tɩ maam a Sẽn-Ka-Saab sẽn maan bũmb ninsã zemsame.

Sõadga 23:7

Dẽ, a Balaam goma gom-minim goam n yeel yaa: «Moaab naab a Balak kɩtame tɩ b bool maam, Yẽnda kɩtame tɩ m yi Siiri tãmsã sẽn be yaangã n wa, Yẽnda yeela maam yaa: Wa kãab a Zakoob yagensã wẽng n kõ-ma, Wa kãab Israyɛll nebã wẽnga!

Sõadga 31:8

La bãmb kʋʋ Madiyã nanambs a nu wã me: Yaa a Evi, a Rekɛm, a Suuri, a Ʋʋre, ne a Reba, la b kʋ a Bewoor biig a Balaam n paase.

Yaoolem 23:4

Amo nebã ne Moaab nebã ka tõe n kẽ Sẽn-Ka-Saab nebã tiging zĩigẽ ye. Baa bãmb yagens ne a yagen-tʋb-ra-kẽes n tɩ tãag zamaan piig ka tõe n kẽ beenẽ ye. Bõn-kãng na n yɩɩ woto wakat fãa.

Yaoolem 23:5

Bala, bãmb ka tall rɩɩb ne koom n seg yãmb sorã zug y sẽn wa n yi Ezɩpt wakatẽ wã ye. La sẽn paas me, bãmb kõo a Bewoor biig a Balaam sẽn yit Petoor sẽn be Mezopotami soolmẽ wã ligd t'a kãab yãmb wẽnga.

Zozuwe 13:22

Israyɛll nebã sẽn kʋ neb nins ne zabr sʋʋgã sʋka, a Bewoor biig a Balaam sẽn yaa bagã rag n naaga be.

Zozuwe 24:9

A Sipoor biig a Balak sẽn yaa Moaab rĩmã yikame n zab ne Israyɛlle. A Balak kɩtame tɩ b bool a Bewoor biig a Balaam t'a wa kãab yãmb wẽnga.

A Zʋʋde 1:11

Bãmb na paam toogo, bala, b tũu a Kaẽ sorã, bãmb kẽesa b mens a Balaam tudgrã pʋgẽ, yaood yĩnga. La bãmb sẽn kɩɩs wala a Koore wã, b sãamame.

Vẽnegre 2:14

La mam tara yell bilf ne yãmba. Yaa tɩ neb n be yãmb sʋkã n tũud a Balaam zãmsgã. Yẽnda ra zãmsa a Balak t'a maan bẽdg n kɩt t'a Israyɛll yagensã rɩ wẽnd-naands maand nemdo, la b maan yoobo, tɩ rẽ lub-ba.