Sõadga 22:12 - WẼNNAAM SEBRE 2014

¹² La Wẽnnaam yeela a Balaam yaa: «Ra tũ a Balak sẽn tʋm b rãmbã n kẽng ye. La ra kãab neb nins yell bãmb sẽn gomdã wẽng ye. Bala mam ning-b-la barka.»

SEBR SÕNGO

¹² Soaala-Wẽnd yeela a Balaam: «Da tũ-b ye, da tɩ kãab beed ye, tɩ maam, Naaba-Wẽnd, zoe n ninga buud kãnga barka.»

Sõadga 22:12 Iomraidhean Croise

Sɩngrẽ 12:2

Mam na n kɩtame tɩ fo lebg buud wʋsg ba, la m na n ning-f-la barka. Mam na n kɩtame tɩ f yʋʋrã yi, la m kɩt tɩ fo yɩ bark sore.

2 Kibayã 31:10

La maan-kʋʋd kãsem a Azariya sẽn yaa a Sadok buudã nedã leoka yẽnda n yeele: Nebã sẽn sɩng n wat ne b kũunã Sẽn-Ka-Saab roogẽ wã tɛka, tõnd dɩtame n tɩgda, la baoosgo, keta wʋsgo. Bala, Sẽn-Ka-Saab ninga b nebã barka, la yaa sẽn ketã la sẽn sam rʋy-rʋyã.

Yɩɩn‑sõamyã 144:15

Bark bee neb nins sẽn paam bõn-kãensã zutu! Bark bee neb nins sẽn paam tɩ Sẽn-Ka-Saab yaa b Wẽnnaamã zutu!

Yɩɩn‑sõamyã 146:5

Bark bee ned ning sẽn paam t'a Zakoob Wẽnnaamã yaa a sõangdã zugu. Sẽn teeg-a Sẽn-Ka-Saab tɩ b yaa a Wẽnnaam tara barka.

A Ezayi 61:9

Buud a taabã na n bãnga bãmb yagensã, la b bãng bãmb pendã nebã, bu-zẽmsã sʋka. Neb nins fãa sẽn na n yãnd bãmbã na n bãngame tɩ b yaa buud Sẽn-Ka-Saab sẽn ning barka.»

A Miise 6:5

Mam nebã, m kotame tɩ y tẽeg Moaab rĩm a Balak sẽn dag n sagl a Balaam t'a maan bũmb ningã, la a Bewoor biig a Balaam sẽn leok yẽnda to-to wã. Tẽeg-y bũmb nins sẽn maan yãmb y sẽn wa n na n pɩʋʋg Sitim n kẽng Gilgallã yelle, tɩ yãmb tõe n bãng tɩ maam a Sẽn-Ka-Saab sẽn maan bũmb ninsã zemsame.

Sõadga 22:11

Neb n yi Ezɩpt n wa, la b yaa wʋsg n pid tẽnga fãa. Dẽ yĩngã, m kot-f lame tɩ f wa kãab bãmb wẽng n kõ-ma. Fo sã sak n kãab-ba, daar ning bɩ m zab ne-b n tõog n dig-ba.»

Sõadga 22:13

Dẽ, vẽkembeoog yibeoogo, a Balaam yikame n yeel nanambs nins a Balak sẽn tʋmã yaa: «Lebg-y n leb-y y tẽngẽ, tɩ bala, Sẽn-Ka-Saab yeela maam tɩ m da tũ yãmb n kẽng ye.»

Sõadga 22:6

Dẽ wã, mam kota foom tɩ f wa kãab nin-bãmbã wẽng n kõ-ma, bala, b tara pãng n yɩɩd mam nebã. La fo sã n sak n wa kãab-b wẽnga, daar ning bɩ m tõog-ba, n dig-b n yiis tẽngã. Bala, mam miime tɩ fo sẽn ning ned ning barka, a soab paamda barka, la fo sẽn kãab ned ning wẽnga, kãabgã tũuda a soaba.»

Sõadga 23:23

Tɩɩm ka tõe n maan a Zakoob yagensã bũmb ye, La bagr me ka tõe Israyɛll nebã ye. Wẽnnaam vẽnegda bãmb bũmb fãa, Wa sẽn zems a wakate.

Sõadga 23:3

Dẽ, a Balaam yeela a Balak yaa: «Pa ka, n yals maoongã fo sẽn maanã sɛɛgẽ, tɩ m leb kɛɛnga, n ges Sẽn-Ka-Saab kõn vẽneg b meng ne-ma. B sã n vẽneg b meng ne-ma, m na togs-f koɛɛg ning b sẽn na n kõ-ma.»

Sõadga 23:8

La mam na n yɩɩ wãna, N kãab Wẽnnaam sẽn ka kãab b rãmb wẽngã wẽnga?

Sõadga 24:9

Bãmb wũunduda wa gɩgemde, N wũg wa gɩgem-yãanga, La ãnda n tõe n modg-b tɩ b yiki? Israyɛll nebã, ned ning fãa sẽn ningd yãmb barka, A soab na n paama barka, La ned ning fãa sẽn kãabd yãmb wẽnga, A soab na n paama kãab-wẽnga.»

A Matiye Sõng 27:19

La yẽnda sẽn wa n zĩ bʋʋdã zĩigẽ wã, a pagã tʋma ned t'a wa yeel-a yaa: «Da kẽes f toog nin-tɩr-kãngã yellẽ wã ye. Bala, rũndã, mam namsa wʋsg zãmsd pʋgẽ dao‑kãnga poorẽ.»

Rom Dãmba 11:29

Bala, bũmb nins Wẽnnaam sẽn kõ zaalmã, ne boolg ning Wẽnnaam sẽn boolã ka tõe n viig ye.

Efɛɛz Rãmba 1:3

Pẽgr Wẽnnaam sẽn yaa tõnd Zu-soab a Zeezi Kiris ba wã! Bãmb sẽn kõ tõnd Sɩɩg-sõng bark buud fãa sẽn yit yĩngri, Kiris maasem yĩngã.

Yaoolem 2:7

Bala, Sẽn-Ka-Saab sẽn yaa yãmb Wẽnnaamã ninga bũmb ning fãa yãmb sẽn maandã barka. B yãnda y kẽnã fãa we-raoogã pʋgẽ ka. Yʋʋm pis-naas la woto, Sẽn-Ka-Saab sẽn yaa yãmb Wẽnnaamã sẽn be ne yãmba, la bũmb ka paoog yãmb ye.»

Yaoolem 23:5

Bala, bãmb ka tall rɩɩb ne koom n seg yãmb sorã zug y sẽn wa n yi Ezɩpt wakatẽ wã ye. La sẽn paas me, bãmb kõo a Bewoor biig a Balaam sẽn yit Petoor sẽn be Mezopotami soolmẽ wã ligd t'a kãab yãmb wẽnga.

Yaoolem 28:6

Yãmb na n paama bark y kõom la y yiib wakate.

Yaoolem 33:29

Israyɛll nebã, yãmb tara sũ-noogo. Ãnda n yaa wa yãmba? Buud Sẽn-Ka-Saab sẽn fãage, bãmb yaa yãmb sõngr gãongo. Bãmb yaa yãmb naam zabr sʋʋg sẽn tõogde. Yãmb bɛɛbã na n wõgemda yãmb taoore, la yãmb na n taba b maoong kʋʋb zĩisã.»

Yaoolem 7:14

Yãmb na n paama bark n yɩɩd buud a taabã fãa. B ka na n yãnd rao bɩ pag yãmb sʋk t'a yaa kiiri, wall rũms sẽn yaa kiir y rũmsã sʋk me ye.