Sõadga 21:5 - WẼNNAAM SEBRE 2014

⁵ Dẽ, Israyɛll nebã sɩngame n yẽgem ne Wẽnnaam, la ne a Moyiis n yeele: «Bõe yĩng tɩ yãmb yiis tõnd Ezɩpt tẽngã tɩ d na n wa ki weoogẽ ka? Bur ka be ka, koom me ka be ka. La tõnd yamã me yaa n yii ne mandã sẽn yaa nin-bãan-dɩɩbã»

SEBR SÕNGO

⁵ B sɩngame n na n wɩd Soaala-Wẽnd la a Moyiiz. B ra gomda woto: «Pʋs n yaa bõe yĩng la y yiis tõnd Ezipt tẽnga? Ka y sẽn dat tɩ d pa zĩ-peen-daagẽ wã bal laa! Bur ka be ka, koom ka be ka la d yam yaa n yii ne nimbãan-dɩɩbã!»

Sõadga 21:5 Iomraidhean Croise

Yɩɩn‑sõamyã 68:6

Wẽnnaam sẽn be b ro-sõngã pʋgẽ wã n yaa kɩɩbs ba, la b yaa pʋg-kõap sõangda.

Yɩɩn‑sõamyã 78:19

Bãmb goma Wẽnnaam wẽnga, B yeelame: «Wẽnnaam tõe n yãnd rɩɩb we-raoogẽ ka n kõ tõndo?

Yikri 14:11

Israyɛll nebã yeela a Moyiis yaa: «Yaa yaad zĩig n ka be Ezɩpt tẽngã pʋg bɩ, bɩ yaa bõe tɩ yãmb tall tõnd n wa tɩ d na n ki we-raoogẽ ka? Yaa bõe tɩ yãmb maan tõnd woto, n yiis tõnd Ezɩpt soolmã pʋgẽ?

Yikri 15:24

La nebã yẽgma ne a Moyiis n yeele: «Tõnd na n yũu bõe?»

Yikri 16:15

La Israyɛll nebã sẽn yãnd mandã, b soka taab yaa: «Yõwã yaa bõe?» Bala, bãmb dag n ka mi a sẽn yaa bũmb ning ye. La a Moyiis yeela bãmb yaa: «Yõwã yaa rɩɩb Sẽn-Ka-Saab sẽn kõt yãmb tɩ y rɩ.

Yikri 16:31

Israyɛll nebã pʋda rɩɩbã yʋʋr tɩ mande. A rag n wẽnda wa baninga, n yaa pɛɛlga. La a noosmã wẽnda wa bur-maas sẽn maan ne sɩɩdo.

Yelbũna 27:7

Ned sã n dɩ n tɩge, a zãgsda sɩɩdo, la kom sẽn tar-a soab getame tɩ bõn-tɩɩsg buudã fãa yaa noogo.

Ezekiyɛl 20:21

La kambã me yik n kɩɩsa maam. Bãmb ka sak m noyã, la b ka kẽn wa sẽn zems m no-tũuds nins ninsaal sẽn tog n tũ n paam n vɩɩmdã ye. Bãmb dẽgma mam vʋʋsg rayã. Mam yeelame tɩ mam na n basame tɩ m sũ-puugrã maan a tʋʋmd ne bãmb we-raoogã pʋg n tãag a tɛka.

Sõadga 11:20

Yãmb na n wãba nemdã kiuug tõre. Y na n wãb-a lame t'ɩ loog-yã, hal n wa yit y yõ-bogdẽ wã, tɩ y yamã yi-a. Bala yãmb basa Sẽn-Ka-Saab sẽn be ne yãmbã, n yẽgem n yeel tɩ maana a wãn tɩ b yiis yãmb Ezɩpt tẽngã.»

Sõadga 17:12

Dẽ, a Aarõ maana wa a Moyiis sẽn yeelã. Yẽnda rɩka wisd yõogr laagã n zoe n kẽng nin-buiidã sʋka, n ta zĩig ninga sãoongã sẽn da zoe n sɩngã, la yẽnda yõoga wisdã n maan sugr kosg tʋʋmdã nebã yel-wẽnã sugr kũun yĩnga.

1 Korẽnt rãmba 10:9

Tɩ d da mak Zu-soabã wa bãmb neb kẽer sẽn mak-ba, tɩ wiis sãam-ba ye.