Sõadga 21:24 - WẼNNAAM SEBRE 2014

²⁴ La Israyɛll nebã tõoga Amoor-dãmbã n deeg b tẽngã, sẽn sɩng ne Arno kʋɩlgã n tɩ tãag Yaaboke, n ta Amo nebã tẽngã toadga, bala, Amo nebã tẽngã toadgã rag n meeme n gũbgi.

SEBR SÕNGO

²⁴ A Israyɛl zẽk a sʋʋga la a wẽe n deega tẽngã, sẽn sɩng Arno kʋɩlga n tãag Yabok, n tãag Amonitsa toaaga sẽn tong ne tãnsoaben-doto.

Sõadga 21:24 Iomraidhean Croise

Sɩngrẽ 32:22

Dẽ, kũunã renga a Zakoob taoor n looge. La yẽnda mengã kell n paa sikã zĩigẽ yʋn-kãnga.

A Neemi 9:22

Yãmb kɩtame tɩ b tõog tẽmse, la buud toay-toaya. Bãmb sooga soolem toay-toaya. Bãmb deega Ɛsbon dĩm a Sihon tẽngã, ne Basan dĩm a Oog tẽngã.

Yɩɩn‑sõamyã 136:19

Yaa Amoor-dãmbã rĩm a Sihon, bala, bãmb nonglmã paada wakat fãa!

A Amoose 2:9

Mam yaool n sãama Amoor-dãmbã bãmb nifẽ, Amoor-dãmbã rag n zẽk n taa sɛɛdr tɩɩs woglem, tɩ b pãngã tat sɛn tɩɩse. La mam sãama b sẽn wom biis ninsã, la m võ b yẽgã me.

Sõadga 21:13

La bãmb leb n yii zĩ-kãng n kẽng n tɩ ti Arno kʋɩlgã rʋʋnde. Arno kʋɩlgã ko-zoetem pɩʋʋgda Amoor-dãmbã soolem, n dabd weoogã pʋga. Bala, Arno kʋɩlgã n yaa toadga, Moaab tẽngã ne Amoor-dãmbã soolem sʋka.

Yaoolem 1:4

Yaa yẽnda sẽn wa n zab n tõog Amoor-dãmbã naab a Sihon sẽn be Hɛsbõ wã, ne Basan naab a Oog sẽn be Astarot ne Edreyi wã zugẽ.

Yaoolem 29:7

La tõnd deega bãmb tẽngã n kõ a Rubɛn ne a Gaad yagensã la a Manaas buud pʋɩ-sʋkã yagensã tɩ b sooge.

Yaoolem 3:16

Mam kõ a Rubɛn yagensã ne a Gaad yagensã Galaad tẽngã pʋɩ-sʋka, hal n tãag Arno ko-soogã, la hal tɩ ta Yabok ko-soogã sẽn yaa Amo nebã toadgã.

Yaoolem 31:4

Sẽn-Ka-Saab na n maana bu-kãens wa b sẽn dag n maan Amoor-dãmbã rĩm-dãmbã a Sihon ne a Oog ne b tẽmsã. Bãmb sãam-b lame.

Yaoolem 4:46

Dag n yaa b sẽn wa n be Amoor-dãmbã rĩm a Sihõn sẽn be Hɛsbõ wã tẽngẽ Zʋrdẽ kʋɩlgã rʋʋnd longã sẽn tot ne Bɛt-Pewoorã. Yaa yẽnda la a Moyiis ne Israyɛll nebã sẽn tõoge, b sẽn wa n yi Ezɩptã poorã.

Zozuwe 13:12

Tẽn-kãens yaa rĩm a Oog sẽn be Basan wã soolem. A Oog rag n soo Astarot ne Edreyi sẽn dag n yaa Refayim dãmbã yaoolem tẽngã. A Moyiis n dag n zab n tõog n dees tẽn-bãmba.

Zozuwe 24:8

Mam talla yãmb n kẽng Amoor-dãmbã tẽng sẽn be Zʋrdẽ kʋɩlgã rʋʋndã, la b zaba ne yãmba. Mam kɩtame tɩ y tõog-ba, n deeg b tẽngã, la mam sãam-b-la yãmb nifẽ.

Zozuwe 9:10

Tõnd wʋma bũmb nins fãa bãmb sẽn maan Amoor dãmbã rĩm-dãmb a yiibã Zʋrdẽ kʋɩlgã rʋʋndã. Yaa a Sɩhon sẽn yaa Hɛsbon rĩmã, la a Oog sẽn yaa Basan rĩm n be Astarotã.

Bʋ-kaoodba 10:11

Sẽn-Ka-Saab yeela Israyɛll nebã yaa: «Wakat n zĩndi, tɩ Ezɩpt nebã, ne Amoor-dãmbã, la Amo-rãmbã, ne Filistẽ-dãmbã nams yãmba.

Bʋ-kaoodba 11:13

Amo-rãmbã rĩm leoka a Zefte nebã yaa: «Yaa tɩ Israyɛll nebã sẽn yi Ezɩpt tẽngã, b wa n deega mam tẽmse, sẽn sɩng ne Arno kʋɩlgã n tɩ tãag Yabok kʋɩlgã ne Zʋrdẽ kʋɩlgã. Lebs-y maam m tẽmsã tɩ ket n maasa.»

Bʋ-kaoodba 21:8

Dẽ, Israyɛll nebã sokame yaa: «Rẽ yĩnga, buud bee Israyɛll buudã sʋk n ka tũ n kẽng Sẽn-Ka-Saab taoor Mispa bɩ?» La b mikame tɩ Galaad-Yabɛɛs ned ba a yembr ka wa tiging sẽn zĩnd tãb-sikẽ wã ye.