Sõadga 20:8 - WẼNNAAM SEBRE 2014

⁸ «Dɩk f rasaarã tɩ foom ne f kẽem a Aarõ kẽng n tɩ tigim Israyɛll nebã. La y yals bãmb taoor n gom ne pĩigã yãmb sẽn ne wã, la pĩigã na n pusga koom tɩ y yũ. Fo na n maana woto n kɩt tɩ koom yi pĩigã pʋgẽ, tɩ Israyɛll nebã ne b rũmsã fãa yũ.»

SEBR SÕNGO

⁸ «Dɩk f rasaarã, la yi ne a Aarõ, n tigim nebã. Gom ne pĩiga bãmb fãa gill taoore la pĩiga na kõ-y koom tɩ y yũ. F na n kɩtame tɩ pĩiga pusg koom tɩ f kõ neba tɩ b yũ, bãmb ne b rũmsi.»

Sõadga 20:8 Iomraidhean Croise

Sɩngrẽ 18:14

Rẽ yĩnga, bũmb bee Sẽn-Ka-Saab sẽn ka tõe n maan sɩda? Vẽer woto wẽnde, mam na n lebg n waa fo nengẽ, la rẽ t'a Saara paama bi-ribla.»

A Neemi 9:15

Yãmb kɩtame tɩ bur yi yĩngr n sig tɩ b rɩ n yiis b kom, la y kɩt tɩ koom pusg pĩig zug n yi, tɩ b yũ n yiis b ko-yũudu. La yãmb yeel-b lame tɩ b kẽng n tɩ reeg tẽng ning yãmb sẽn dag n zẽk y nug n wẽen n yeel tɩ y na n kõ-b lame tɩ b soogã.

Yɩɩn‑sõamyã 105:41

Sẽn-Ka-Saab kɩtame tɩ pĩig pusg tɩ koom zoe. Koomã zoeeme n yɛdg tẽn-koɛɛngã zug wa kʋɩlga.

Yɩɩn‑sõamyã 114:8

Bãmb n tõe n tek pĩig t'a lebg ko-kãsenga, la b tõe n tek kugã tɩ lebg ko-budum zĩiga.

Yɩɩn‑sõamyã 33:9

Bala, bãmb sã n yeel bũmbu, a pidsdame. Bãmb sã n kõ noor tɩ bũmb zĩndi, a zĩndidame.

Yikri 14:16

La bɩ fo zẽk f rasaarã n tẽeg f nugã ko-kãsengã zug n welg-a, tɩ Israyɛll nebã kẽ koomã sʋka, n kẽn tẽn-koɛɛng zug n looge.

Yikri 17:9

Dẽ, a Moyiis yeela a Zozoe yaa: «Yãk neb tõnd yʋʋr yĩng n yi n tɩ zab ne Amalɛk rãmbã n kõ-do. Beoogo, mam na n zãa Wẽnnaam dasaarã n tɩ yals tãn-bilã zugu.»

Yikri 4:17

La bɩ f zã dasaarã f nugẽ, tɩ yaa yẽnda la fo na n tall n maan bõn-bãna.»

Yikri 4:2

La Sẽn-Ka-Saab soka yẽnda yaa: «Yaa bõe n be fo nugẽ wã?» Yẽnda leokame: «Yaa dasaare.»

Yikri 4:20

Dẽ, a Moyiis kɩtame t'a pagã ne a kom-dibli wã zomb bõense. La yẽnda leba Ezɩpt tẽnga. A Moyiis rag n zãada Wẽnnaam dasaarã a nugẽ.

Yikri 7:20

A Moyiis ne a Aarõ maana wa Sẽn-Ka-Saab sẽn yeel bãmbã. Yẽnda zẽka a rasaarã Nill kʋɩlgã koom zug Faarõ ne a tʋmtʋmdbã nifẽ, la Nill kʋɩlgã koom fãa lebga zɩɩm.

A Ezayi 43:20

We-rũmsã na n waooga maam, yaa we-baasã ne naneendã. Bala, mam kɩtdame tɩ koom zĩnd we-raoogẽ, la m kɩtdẽ tɩ kʋɩls zĩnd zĩ-peen-daasẽ, tɩ mam nebã mam sẽn yãkã tõe n yũ.

A Ezayi 48:21

Ko-yũud kõn tol n yõk bãmb weo-raoog ning pʋg bãmb sẽn tat-bã ye. Bãmb na n kɩtame tɩ koom pusg pĩig zug tɩ b yũ, bãmb na n pãrga pĩig tɩ koom zoe.

Sõadga 20:11

Dẽ, a Moyiis zẽka a rasaarã n wẽ pĩigã naoor a yiibu, la wakat-kãng bala, koom pusga pĩigã zug n yi wʋsgo, tɩ Israyɛll nebã ne b rũmsã yũ.

Sõadga 20:7

Dẽ, Sẽn-Ka-Saab yeela a Moyiis yaa:

Sõadga 21:15

La Arno koomã sẽn zoet n teesd Aar tẽngã, n yaa Moaab tẽngã toadga.

Sõadga 21:18

Bul-kãng yaa nanambsã n tuki, Bul-kãng yaa kasem-dãmbã n tuki, B tuk-a-la ne b naam dasabã.» Dẽ, Israyɛll nebã yii weoogẽ wã n kẽng Mataniya,

A Matiye Sõng 21:21

A Zeezi leoka bãmb n yeele: Mam yeta yãmb sɩda, tɩ yãmb sã n tar tẽeb n ka sãmbdẽ, yãmb na n maana bũmb ning sẽn maan kankangã, la ka rẽ bal ye. Yãmb sã n yeel tãn-kãngã t'a yik a sẽn beẽ wã n kẽ ko-kãsengã pʋgẽ, a na n yɩɩ a woto bala.

A Luk Sõng 11:13

Sã n yaa tɩ yãmb sẽn yaa nin-wẽnsã miime tɩ kõ y kambã bõn-sõamyã, yãmb ba sẽn be arzãnã n mi n yɩɩda, n na n kõ neb nins sẽn kot bãmbã Sɩɩg-sõngo.

A Zã Sõng 16:24

Hal tɩ ta moasã, yãmb nan ka kos bũmb ne mam yʋʋr ye. Kos-y tɩ y na n deegame, tɩ y sũ-noogã tõe n pid zãnga.»

Tʋʋma 1:14

Bãmb fãa lagma taab ne yam a yembr n kẽngd taoor n pʋʋsd daar fãa, ne pagbã, la a Zeezi ma a Maari ne a Zeezi ma-biisã.

Zozuwe 6:20

Bardã sẽn peebã, nebã kaasa zabr kaasgo. Nebã sẽn wʋm bardã peebgã, b kaasa ne pãnga, la lalgã lʋɩ a toor bala, la nebã wudg n kẽe tẽngã. Ned kam fãa kell n tũ a sẽn dag n be zĩig ningã n kẽ. La b reega tẽngã.

Zozuwe 6:5

La yãmb sã n wʋm baorgã peebg rãamde, bɩ nebã fãa zẽk b koees n kaas ne koe-kãsenga. La wakat-kãng bala, tẽngã lalg na n sirgame n lʋɩ a toore, la ned kam fãa na n kell n tũu zĩig ning a sẽn beẽ wã n kẽ.»

Vẽnegre 22:1

Malɛɛkã wilga maam vɩɩm koomã kʋɩlga, kʋɩlg sẽn pɩnd wa vɛɛre, la a yita Wẽnnaam ne pe-bilã geerẽ wã.

Vẽnegre 22:17

Sɩɩg-sõng ne pʋg-paalã yetame yaa: Wa-y-yã! Bɩ ned ning sẽn wʋmd-a yeel tɩ: Wa-y-yã! Bɩ ko-yũud sẽn tar‑a soab wa, la sẽn dat-a bɩ a reeg vɩɩm koom zaalem!