Sõadga 20:15 - WẼNNAAM SEBRE 2014

¹⁵ Hal pĩnda, tõnd yaab-rãmbã rag n kẽng n tɩ kẽe Ezɩpte, n zĩnd be n kaoos wʋsgo, la Ezɩpt nebã namsa tõnd ne d yaab-rãmbã.

SEBR SÕNGO

¹⁵ D yaab rãmb waa n kẽe Ezipt tɩ d pa be n kaoose. Ezipt rãmb ka zã-d neer ye, tõnd la d yaab rãmba.

Sõadga 20:15 Iomraidhean Croise

Sɩngrẽ 15:13

Sẽn-Ka-Saab yeela a Abram yaa: «Bãng tɩ fo yagensã na n yɩɩ sãamb n zĩnd tẽng sẽn ka bãmb tẽng pʋga. Bãmb na n lebga yembse, la b na n namsa bãmb yʋʋm kobs-naase.

Sɩngrẽ 46:6

Bãmb kãaga b rũmsã, la b wʋk b paoongã b sẽn dag n paam Kana tẽngã n zã n kẽng Ezɩpt tẽnga. Dẽ, a Zakoob talla a yirã rãmb fãa n kẽng Ezɩpt tẽnga.

Sɩngrẽ 46:7

A Zakoob peega a kom-dibli wã ne a kom-pugli wã, la a kambã kom-dibli ne a kambã kom-pugli, la a yirã rãmb fãa n kẽng Ezɩpt tẽnga.

2 Sãmwɛlle 12:18

La rasem a yopoe zugẽ, biigã kiime. Dẽ, a Davɩɩd tʋmtʋmdbã rag n yɛɛsdame n ka rat n togs-a a biigã kũum ye. Bãmb yeelame yaa: «Biigã sẽn dag n ket n vɩ-wã menga, tõnd goma ne rĩmã tɩ b rag n ka sakd n kelg tõnd ye. La moasã, tõnd na n maana a wãn n togs-b tɩ biigã kiime? Rẽ yĩnga, b kõn maan b meng yell sɩda?»

Yikri 1:16

Rĩmã yeela bãmb yaa: «Yãmb sã n wa rogsd Ebre nebã pagbã, yãmb sã n ges b rogmã zĩigẽ n mik tɩ bi-pɛɛlgã yaa bi-ribla, bɩ y kʋ-a, la a sã n yaa bi-pugla, bɩ y bas-a t'a vɩɩmde.»

Yikri 1:22

Dẽ, Faarõ yeela a nebã fãa yaa: «Kom-dibli nins fãa sẽn na n dogã bɩ y lob-b Nill kʋɩlgã pʋgẽ, la y bas kom-pugli wã fãa tɩ b vɩɩmde.»

Yikri 12:40

Israyɛll nebã zĩnda Ezɩpt yʋʋm kobs-naas la pis-tã.

Yikri 5:14

Faarõ tʋʋm-soaadbã tol n pãba neb nins bãmb sẽn dag n yãk Israyɛll nebã sʋk tɩ b yaa seb-gʋndbã, n sok bãmb tɩ yaa bõe tɩ bãmb ka sak n wẽ tãn-koɛɛmã zaamẽ ne rũndã tɩ b sõorã ta wa b sẽn dag n mi n maand raasenkamã?

Sõadga 11:5

Tõnd ket n tẽrame tɩ Ezɩpt tẽngã, tõnd dag n dɩta d sẽn date: kʋmba, yoaga, niiri, gãbdo, la albasle.

Sõadga 16:13

Fo yiisa tõnd tẽng sẽn pid ne bĩisim la sɩɩd wʋsg pʋgẽ, n tall tõnd n wa weoogã pʋgẽ ka tɩ d na n ki, tɩ rẽndã ka sek foom ye, tɩ f leb n dat n modg tõnd n soog-do!

Sõadga 20:14

La a Moyiis zĩnda Kadɛɛs n tʋm neb tɩ b kẽng Edom rĩmã nengẽ n tɩ yeel-a yaa: «Ade, fo saam-biisã sẽn yaa Israyɛll nebã yeelame yaa: Yãmb miime tɩ tõnd paama tood buud toor-toore.

Sõadga 20:16

Tõnd kelmame n bool Sẽn-Ka-Saabo, la bãmb wʋma tõnd kelemsã n tʋm malɛɛk t'a wa yiis tõnd Ezɩpt tẽngã. Moasã, tõnd bee Kadɛɛse, tẽng ning sẽn yaa toadg ne fo tẽngã.

Tʋʋma 7:15

A Zakoob kẽnga Ezɩpt la b kii be. La tõnd yaab-rãmbã me kii be.

Tʋʋma 7:19

Rĩm‑kãng maana sɩlem n zãmb tõnd buudã n maan tõnd yaab-rãmbã pãng n kɩt tɩ b bas b kom-peels tɩ b ki.

Yaoolem 26:6

Ezɩpt nebã namsa tõnd n maan tõnd pãnga, n kẽes-d yembd sẽn yaa toog pʋgẽ.