Sõadga 19:18 - WẼNNAAM SEBRE 2014

¹⁸ La bɩ ned sẽn ka rẽgem a meng rɩk izop wãad n sũk ko-kãng pʋg n mes fu-roog ning kũumã sẽn ki-a pʋgẽ wã, la a mes teed nins fãa la neb nins fãa sẽn da be roogã pʋgẽ wã. Ka rẽ bɩ a mes ned ning sẽn sɩɩs-a ninsaal kõabã, bɩ ninsaal kũumã, wall yaoogã.

SEBR SÕNGO

¹⁸ Ned sẽn ka rẽgem n dɩkd tɩɩg a ye sẽn tar yũ-noog vão-killi n tʋm ko-sõngã n mes rooga la a lagdã, n mes neb niyns sẽn be a pʋgẽ, n mes ned ninga sẽn sɩɩs-a kõaba, ned b sẽn kʋ, ned sẽn ki a meng yĩnga, bɩ yaoogo.

Sõadga 19:18 Iomraidhean Croise

Yɩɩn‑sõamyã 51:7

Ade, mam doga kongrã pʋga. Hal mam sẽn dag n ket m ma pʋgẽ, mam yaa yel-wẽnã soaba.

Yɩɩn‑sõamyã 51:9

Yɩlg-y maam ne Izop n yiis m yel-wẽnã tɩ m yɩ yɩlemde. Pek-y maam tɩ m yɩ pɛɛlg n yɩɩg lam-palga.

A Ezayi 52:15

Woto me, bãmb na n mesa neb wʋsg n yɩlg-ba, Rĩm-dãmb na n sĩnda b noor yẽnda taoore. Bala, bãmb na n yãnda b sẽn zɩ n wʋm tɩ b gomdã, la bãmb na n wʋma bũmb ning b sẽn zɩ n wʋmã võore.

Sõadga 19:17

Sẽn na yɩl n yɩlg nin-kãngã, b na n yãka naafã b sẽn kʋ n yõog yel-wẽnã sugr kosg yĩnga tompeglem, n ning laok pʋgẽ, la b yãk ko-yɩlemd n ningi.

Sõadga 19:19

La rasem a tãab daarã ne rasem a yopoe daarã, ned ning sẽn ka rẽgem a mengã na n yãka yɩlgr koomã, n mes ned ning sẽn dẽgem a mengã. La rasem a yopoe wã daare, yẽnda na n pegsa a futã, la a so koom, la zaabr sã n ta, yẽnda na n lebga yɩlemde.

Sõadga 19:9

La bɩ ned sẽn ka rẽgem a meng wʋk naafã tompeglmã, n yi sikã zĩig kɩreng n tɩ bao zĩig sẽn welg toor n dʋʋg-a be. La b na n bĩng-a-la be tɩ Israyɛll nebã yãkd n maand yɩlgr koom. Woto fãa yaa sẽn na yɩl n paam yel-wẽnã sugri.

A Zã Sõng 17:17

Soog‑y bãmb zãng ne‑y sɩdã. Yaa yãmb goamã la sɩdã.

A Zã Sõng 17:19

Mam welga m meng toor bãmb yĩnga, tɩ bãmb me na welg toor sɩdã pʋgẽ.

1 Korẽnt rãmba 1:30

Yaool n yaa Wẽnnaam n kɩt tɩ yãmb be a Zeezi Kiris pʋgẽ, Wẽnnaam kɩtame tɩ Kiris lebg tõnd yam, la d tɩrlem, la d welg-toore, la d fãagre,

Ebre rãmba 9:14

Kirisã zɩɩm n yɩɩda. Bãmb sẽn dɩk b meng n kõ Wẽnnaam tɩ rẽgd tosb kaẽ, Sɩɩg sẽn paad wakat sẽn kõn sa yĩngã, bãmb na n yɩlga tõnd sũ-bãngrã n yiis tʋʋm nins sẽn yaa kũumã, tɩ tõnd tõe n tʋm Wẽnnaam sẽn vɩ wã yĩnga.

Ebre rãmba 9:19

Sɩd me, a Moyiis sẽn wilg nebã fãa Wẽnnaam yeelsmã fãa yembr-yembr wa tõogã sẽn yetã, a rɩka nag-bi ne boeese, la koom, la pe-kõbd sẽn ning monem, la izop n mes sebrã menga, la nebã fãa n yeele: