Sõadga 19:17 - WẼNNAAM SEBRE 2014

¹⁷ Sẽn na yɩl n yɩlg nin-kãngã, b na n yãka naafã b sẽn kʋ n yõog yel-wẽnã sugr kosg yĩnga tompeglem, n ning laok pʋgẽ, la b yãk ko-yɩlemd n ningi.

SEBR SÕNGO

¹⁷ Nin kãng yɩlgr yĩnga b yãkda tompɛglem zĩig ning b sẽn yõog yel-wẽnd sugr kosg maoonga rũngã, tompɛglma ningda laok pʋga la b wat n saam-a-la ne kʋɩlg koom.

Sõadga 19:17 Iomraidhean Croise

Sɩngrẽ 26:19

A Izak tʋmtʋmdbã tuka bulg Geraar ko-soogẽ, la b paama ko-bundum zĩig sẽn yaa sõama.

A Salmo yɩɩla 4:15

Fo yaa wa ko-bundum sẽn be zẽed zĩisẽ, la bulg koom sẽn kõt vɩɩm, la ko-zoetem sẽn yit Libã.

Ezekiyɛl 36:25

Mam na n dɩka ko-yɩlemd n zãgs yãmba, la yãmb na n yɩɩ yɩlma. Mam na n yɩlga yãmb n yiis y rẽgdã ne y bõn-naandsã.

Zakari 13:1

Badaare, ko-bundum n na n pusg n yi a Davɩɩd buudã ne Zeruzalɛm nebã yel-wẽnã ne b rẽgdã pekr yĩnga.

Sõadga 19:18

La bɩ ned sẽn ka rẽgem a meng rɩk izop wãad n sũk ko-kãng pʋg n mes fu-roog ning kũumã sẽn ki-a pʋgẽ wã, la a mes teed nins fãa la neb nins fãa sẽn da be roogã pʋgẽ wã. Ka rẽ bɩ a mes ned ning sẽn sɩɩs-a ninsaal kõabã, bɩ ninsaal kũumã, wall yaoogã.

Sõadga 19:9

La bɩ ned sẽn ka rẽgem a meng wʋk naafã tompeglmã, n yi sikã zĩig kɩreng n tɩ bao zĩig sẽn welg toor n dʋʋg-a be. La b na n bĩng-a-la be tɩ Israyɛll nebã yãkd n maand yɩlgr koom. Woto fãa yaa sẽn na yɩl n paam yel-wẽnã sugri.

Sõadga 31:23

sẽn dat n togs tɩ teoog buud fãa sẽn ka rɩt bugmã, bɩ y ning-a bugmẽ, tɩ bugmã yɩlg-a. La sã n yaa ne teoog ning fãa sẽn ka tõe ning bugmẽ wã, bɩ los-a yɩlgr koomã pʋga.

A Zã Sõng 7:38

Kʋɩlse, b koom sẽn kõt vɩɩm na n yii ned ning sẽn tẽed maamã pʋgẽ, wa Wẽnnaam gʋls-sõamyã sẽn yetã.

Ebre rãmba 9:13

Bala, boeesã ne lolsã zɩɩm, la nag-sadg tompeglem b sẽn yugl neb nins sẽn dẽgmã sã n manegda bãmba, n yɩlgd bãmb yĩnsã,

Vẽnegre 7:17

Bala, Pe-bilã sẽn be geerã sʋkã na n dɩlga bãmba, la b tall-b n kẽng vɩɩm ko-bunds zĩisẽ, la Wẽnnaam na n yẽesa bãmb nintãmã fãa.