Sõadga 19:13 - WẼNNAAM SEBRE 2014

¹³ Ned sã n sɩɩs ninsaal kũum n yaool n ka yɩlg a menga, yẽnda soab rẽgemda maam a Sẽn-Ka-Saab sɛk zĩigã, la b na yiisa yẽnda Israyɛll buudã sʋka. Bala, b sẽn ka mes yẽnda ne yɩlgr koomã yĩnga, yẽnda ket n yaa rẽgdo.

SEBR SÕNGO

¹³ Sẽn na n sɩɩs-a kũum, sẽn na n sɩɩs-a ninsaal sẽn ki paalem, la a zãgs yɩlgre, yẽ soab rẽgemda Soaala roogo la b na n yiisa a soab Israyɛl buudẽ. B sã n ka mes-a ne ko-sõng fãa, a paada ne a rẽgdo, a ka yɩlg ye.

Sõadga 19:13 Iomraidhean Croise

Yikri 30:33

Ned sã n maan ka-kãngã buudu, wall ned sã n ning-a ned sẽn ka maan-kʋʋd zugu, bɩ b yiis-a a buud sʋk n kʋ.»

Yelbũna 14:32

Nin-wẽng tʋʋm n lubd-a, la baa nin-tɩrg kũum wakate, a ket n tara tẽebo.

Ezekiyɛl 44:26

Maan-kʋʋdã sã n wa yɩlg a meng n sɛ, b tog n kõo yẽnda rasem a yopoe.

Maan‑kʋʋre 15:31

Bɩ y kɩt tɩ Israyɛll nebã sã n wa be rẽgd pʋga, bɩ b zãag b mens ne sɛk-roogã. Dẽ, bãmb ka na n ki b rẽgdã yĩng ye. Yaa sẽn na n yɩlẽ tɩ bãmb da wa rẽgem mam sɛk-zĩigã sẽn be bãmb sʋkã ye.

Maan‑kʋʋre 20:3

Mam na n kisga a soabã, la m na n yiisa a soabã a buudã sʋk n kɩt tɩ b kʋ, tɩ bala, yẽnda rɩka a biig n kɩs tɩ b kʋ n kõ Moloke, n kɩt tɩ mam sɛk roogã rẽgme, la a kɩt tɩ mam yʋʋrã sẽn welg toorã paam paoogre.

Maan‑kʋʋre 22:3

Bɩ f yeel-b yaa: «Zamaan woo zamaane, yãmb yagensã ned ning sẽn dat-a n kolg kũun ning Israyɛll nebã sẽn wa n kõ Sẽn-Ka-Saabã, n yaool n be rẽgd pʋga, bɩ b yiis nin-kãng mam taoor n tɩ kʋ. Mam yaa Sẽn-Ka-Saabo.

Maan‑kʋʋre 22:4

A Aarõ yagensã sʋka, yĩn-gãong bãag bɩ taoor bãag sã n tar neda, a soabã tog n gũusame n da rɩ kũun sẽn welg toorã, hal t'a wa n lebg yɩlemde. A yaa woto me ne ned ning sẽn sɩɩs ned a to sẽn sɩɩs kũum n dẽgem a menga, wall a sẽn sɩɩs neda, a soab rogem bõn-buud koom sẽn daagd wakate,

Maan‑kʋʋre 5:17

Ned sã n maan bũmb sẽn ka zemse, n kɩɩs Sẽn-Ka-Saab tõogã, baa sã n yaa ne yĩdgu, yẽnda na n yɩɩ bɛɛgda, la yellã bee a meng zugu.

Maan‑kʋʋre 5:3

Ned sã n sɩɩs ninsaal sẽn yaa rẽgdo, n dẽgem a meng n ka bãnge, n yaool n wa bãng tɩ yẽnda sɩɩsa kũum, a ninga yell a meng zugu.

Maan‑kʋʋre 5:6

la yẽnda tog n talla rũm-sãd-bãooneg n wa kõ Sẽn-Ka-Saabo. Yaa pe-sãdga, bɩ bʋ-sãdg la a wat ne tɩ b maan maoong a kongrã sugr kũun yĩnga.

Maan‑kʋʋre 7:20

La ned sã n yaa rẽgdo, n yaool n dɩ zems-n-taar maoong ning b sẽn maan n kõ Sẽn-Ka-Saabã nemdo, bɩ b yiis-a a buudã sʋka.

Maan‑kʋʋre 7:21

La ned ning sẽn na n sɩɩs-a bũmb sẽn yaa rẽgdo, sã n yaa nin-saan-dẽgdo, wall rũm-dẽgdo, wall sẽn yaa rẽgd ning fãa sẽn yaa kisgu, la a yaool n dɩ zems-n-taar maoongã b sẽn maan n kõ Sẽn-Ka-Saabã nemdo, bɩ b yiis nin-kãng a buudã sʋka.

Sõadga 15:30

La Israyɛll ned wall sãan sã n maan yel-wẽnd ne yamleoogo, a beega maam, la b tog n diga a soabã n yiis Israyɛll nebã sʋka.

Sõadga 19:14

Ad tõod a taab mam sẽn kõt foom: Ned sã n wa ki fu-roog pʋgẽ, neb nins sẽn kẽed-b fu-roogã pʋgẽ, wall sẽn be fu-roogã pʋgẽ wã yaa rẽgd hal tɩ ta rasem a yopoe.

Sõadga 19:18

La bɩ ned sẽn ka rẽgem a meng rɩk izop wãad n sũk ko-kãng pʋg n mes fu-roog ning kũumã sẽn ki-a pʋgẽ wã, la a mes teed nins fãa la neb nins fãa sẽn da be roogã pʋgẽ wã. Ka rẽ bɩ a mes ned ning sẽn sɩɩs-a ninsaal kõabã, bɩ ninsaal kũumã, wall yaoogã.

Sõadga 19:19

La rasem a tãab daarã ne rasem a yopoe daarã, ned ning sẽn ka rẽgem a mengã na n yãka yɩlgr koomã, n mes ned ning sẽn dẽgem a mengã. La rasem a yopoe wã daare, yẽnda na n pegsa a futã, la a so koom, la zaabr sã n ta, yẽnda na n lebga yɩlemde.

Sõadga 19:20

La ned sẽn dẽgem sã n ka yɩlg a menga, b na n yiisa yẽnda Israyɛll buudã sʋka, tɩ bala, yẽnda rẽgemda Sẽn-Ka-Saab zĩ-sõngã. Bala, b sẽn ka mes yẽnda ne yɩlgr koomã yĩnga, yẽnda ket n yaa rẽgdo.

Sõadga 19:9

La bɩ ned sẽn ka rẽgem a meng wʋk naafã tompeglmã, n yi sikã zĩig kɩreng n tɩ bao zĩig sẽn welg toor n dʋʋg-a be. La b na n bĩng-a-la be tɩ Israyɛll nebã yãkd n maand yɩlgr koom. Woto fãa yaa sẽn na yɩl n paam yel-wẽnã sugri.

Sõadga 8:7

Ad fo sẽn na n yɩlg-b to-to: Bɩ f rɩk yɩlgr koomã n mes-ba, la f kɩt tɩ b rɩk barg n põng b yĩngã fãa, la b pegs b futã n lebg yɩlma.

Sõadga 9:13

La ned sã n zãgs n ka maan Pak tigrã, n yaool n yaa yɩlemde, la a ka tog sor me, bɩ b yiis a soab Israyɛll buudã sʋka. Bala, yẽnda sẽn ka wa ne kũun n wa kõ Sẽn-Ka-Saab wa sẽn zems wakat ning b sẽn yãkã, yẽnda beegame.

A Zã Sõng 8:24

Dẽnda n kɩt tɩ mam yeel yãmb tɩ y na n kii y yel-wẽnã pʋgẽ wã. Bala, yãmb sã n ka tẽed tɩ mam yaa m sẽn yaa a soabã, yãmb na n kii y yel-wẽnã pʋgẽ.

Ebre rãmba 10:29

La yãmb ka tagsd tɩ ned sã n tab Wẽnnaam Bi-riblã ne a naoã, la a ges kaoolã zɩɩm ning sẽn kɩt tɩ yẽ lebg toor Wẽnnaam yĩngã wa bõn-zaalga, la a paoog Sɩɩg ning sẽn wat ne sugrã, a na n paama sɩbgr sẽn yaa toog n yɩɩd sɩda?

Ebre rãmba 9:10

Tõ-kãensã yaa yĩng yell tõodo, sẽn kẽed ne rɩɩbo, la bõn-yũudlɩ, la pegsg buud toay-toay yelle, tɩ ya tɩlɛ tɩ nebã tũ hal tɩ ta tedgr wakate.

Vẽnegre 21:8

La sã n yaa ne rabɛɛmbã, la ka-tẽeb rãmbã, la tʋʋm-dẽgd maandbã, la nin-kʋʋdbã, la nin-yoaadbã, la tɩ-maandbã, la wẽn-naands pʋʋsdbã, la zĩrẽ‑be‑nebã fãa, bãmb pʋɩɩr na n yɩɩ tɩ kẽ bugum mogrẽ wã, zĩig ning kidbr sẽn dɩtã. Rẽ yaa kũum a yiib soabã.

Vẽnegre 22:11

Bɩ ned ning sẽn yaa ka-tɩrlem soab kell n paas a ka-tɩrlmã, tɩ ned ning sẽn yaa tʋʋm-dẽgd soab kell n dẽgem a meng n paase, tɩ ned ning sẽn yaa tɩrg kell n maan tɩrlem n paase, tɩ ned ning sẽn yaa yolgemd kell n yɩ yolgemd n paase!

Vẽnegre 22:15

Ninsaan-baasã, tɩ-rɩtbã, nin-yoaadbã, nin-kʋʋdbã, wẽnd-naands pʋʋsdbã, la ned ning fãa sẽn nong zĩrẽ la sẽn yagd zĩrẽ paada yɩnga, n ka kẽ tẽngã pʋg ye.