Sõadga 18:9 - WẼNNAAM SEBRE 2014

⁹ Rẽ wã, b sã n wa yãk kũun ning sẽn yaa mam dẽndã n yõog bugum tẽn-kugrã zug n sɛ, sẽn kell-a wã na n yɩ fo pʋɩɩre. Yaa zomã kũunã, yel-wẽnã sugr kũun maoongã kũuni, ne zems-n-taar maoongã kũun Israyɛll nebã sẽn tall n wa kõ maamã. Kũun-kãensã fãa b sẽn wa n kõ maamã na n yɩɩ foom ne f yagensã rẽnda.

SEBR SÕNGO

⁹ Kũun sõma niyns sẽn ka na n yõog bugum la sẽn na n yɩ fo rẽnna yaa zoma, yaa rũms niyns sẽn kʋ sugr kosg la yell manegr yĩnga, Israyɛl kamba sẽn kõt-ma. Bãmb la kũun sõma wã foo ne f kamba sẽn na n sooge.

Sõadga 18:9 Iomraidhean Croise

2 Rĩm-dãmba 12:17

Beegr maoongã ligdi, ne yel-wẽnã maoongã ligd rag n ka wat Sẽn-Ka-Saab roogẽ wã ye. Ligd-kãng yaa maan-kʋʋdbã n so.

A Neemi 10:36

Sẽn paas me, tõnd pʋlmame tɩ yʋʋmd fãa, tõnd na n yãka d tẽn-gãongã bõn-koaadlã dẽenem biisi, ne d tɩɩsã dẽenem biisi, n tall n wa kɩs Sẽn-Ka-Saab roogẽ wã.

Ezekiyɛl 42:13

Raoã yeela maam yaa: «Ro-bãooneg nins sẽn be nug-goabgã ne nug-rɩtgã, sẽn be zĩ-vɩʋʋgã taoorã yaa rot sẽn welg toore. Yaa ro-bãmb pʋs la maan-kʋʋdbã na n wat n yalsd Sẽn-Ka-Saab taoore, n dɩt bũmb nins sẽn welg toor n yɩɩdã. Yaa beenẽ la bãmb na n wat n bĩngd bũmb nins sẽn welg toor n yɩɩdã: bõn-koaadl kũunã, yel-wẽnã sugr kũun maandã, ne zems-n-taar maandã. Zĩ-kãng yaa zĩig sẽn welg toore.

Ezekiyɛl 44:29

Bãmb dɩɩb na n yɩɩ bõn-koaadl kũunã, ne yel-wẽnã sugr kosg maandã ne zems-n-taar maandã. La bũmb ning fãa b sẽn welg toor mam yĩng Israyɛll pʋgẽ wã na n yɩɩ bãmb dẽnda.

Maan‑kʋʋre 10:17

«Bõe yĩng tɩ yãmb ka kẽng zĩig sẽn welg toorã pʋg ne kongr maoongã rũng n tɩ rɩ-a? Bõn-kãng yaa bũmb sẽn welg toor zãng fasɩ Sẽn-Ka-Saab yĩnga. La Sẽn-Ka-Saab rɩka bõn-kãng n kõ yãmba, tɩ yãmb tõe n tʋk Israyɛll nebã kongrã, n maan paasg tʋʋmd Sẽn-Ka-Saab taoore, tɩ Israyɛll nebã tõe n paam b yel-wẽnã sugri.

Maan‑kʋʋre 14:13

La bɩ maan-kʋʋdã kodg pe-riblã zĩig ning b sẽn kʋʋd beegr rũngã ne maoong sẽn yõogd bugmã, sẽn yaa zĩig sẽn welg toorã pʋgã. Bala, beegr maoongã rũngã, ne maoong sẽn yõogd bugmã rũng yaa maan-kʋʋdã n so. Yẽnda yaa bũmb sẽn welg toor wʋsgo.

Maan‑kʋʋre 2:10

La bõn-koaadl kũunã zom sẽn kellã na n yɩ a Aarõ ne a kom-dibli wã rẽnda. Rẽndã yaa bũmb sẽn welg toor n yaa sõama zãnga, kũun sẽn yõogd bugum Sẽn-Ka-Saab taoorã sʋka.

Maan‑kʋʋre 22:11

La maan-kʋʋdã sã n da yamb ne ligdi, yambã tõe n dɩɩ kũun sẽn welg toorã. Sẽn paase, yamb sẽn dog zakã pʋg me tõe n dɩɩ kũun sẽn welg toorã. Bãmb tõe n dɩɩme tɩ bala, yaa b soaal rɩɩbo.

Maan‑kʋʋre 22:7

la wĩntoogã kõom poore, a soabã na n yaool n lebga yɩlemde, la wakat-kãnga, a tõe n dɩɩ kũun ning sẽn welg toorã, bala, yaa yẽnda rɩɩbo.

Maan‑kʋʋre 4:22

Taoor soab sã n tudg n maan yel-wẽnd ne yĩdgu, n kɩɩs Sẽn-Ka-Saab sẽn yaa yẽnda Wẽnnaamã tõodã tõog a yembre, tɩ lebg kongr ne yẽnda,

Maan‑kʋʋre 4:27

La Israyɛll nebã ned a yembr sã n maan bũmb ne yĩdgu, tɩ kɩɩsd Sẽn-Ka-Saab tõodã tõog a yembre, a lebga bɛɛgda.

Maan‑kʋʋre 5:1

Ned tʋbr sã n wʋm yelle, wall a nif sã n yãnd tɩ ned n maan yelle, la yẽnda sã n wʋm tɩ b kotame tɩ b wa kɩs yellã kaseto, t'a ka kẽng n tɩ kɩs kasetã, yẽnda maana yel-wẽnde.

Maan‑kʋʋre 5:6

la yẽnda tog n talla rũm-sãd-bãooneg n wa kõ Sẽn-Ka-Saabo. Yaa pe-sãdga, bɩ bʋ-sãdg la a wat ne tɩ b maan maoong a kongrã sugr kũun yĩnga.

Maan‑kʋʋre 6:17

Sẽn-Ka-Saab goma ne a Moyiis n yeele:

Maan‑kʋʋre 6:19

Maan-kʋʋd ning sẽn na n kodg-a rũngã yel-wẽnã yĩngã tõe n dɩ-a lame. B tog n dɩ-a-la zĩig sẽn welg toorã pʋga, yaa sɛk roogã samandẽ.

Maan‑kʋʋre 7:1

Ad beegr maoong tõogo: Yõwã yaa bũmb sẽn yaa sõama zãng fasɩ.

Maan‑kʋʋre 7:6

Yaa maan-kʋʋdbã buud neb nins sẽn yaa raopã bal n tar noor tɩ rɩ maoon-kãngã nemdã. B tog n dɩ-a-la zĩig sẽn welg toor pʋga, bala, a yaa bũmb sẽn welg toor zãng fasɩ.

Maan‑kʋʋre 7:7

Yel-manegr maoongã tõod ne yel-wẽnã sugr kosg maoongã tõod fãa yaa bũmb a yembre. Rũng ning b sẽn maan maoongã yaa maan-kʋʋd ning sẽn maan-a paasg maoongã n so.

Sõadga 18:10

Bõn-kãens na n yɩɩ yãmb dɩɩbo. La yaa raopã ne kom-dibli wã bal n tar noor tɩ rɩ rɩ-kãnga, bala, a yaa rɩɩb sẽn welg toore.

Yaoolem 18:1

Leevi buudã neb nins sẽn yaa maan-kʋʋdbã ne Leevi buudã fãa ka na n naag Israyɛll buud a taabã n paam zĩig Israyɛll soolmã pʋgẽ ye. Maoong sẽn yõogd bugmã sẽn kõt Sẽn-Ka-Saabã, ne b pʋɩɩrã n na n yɩ bãmb dɩɩbo.