Sõadga 18:8 - WẼNNAAM SEBRE 2014

⁸ Sẽn-Ka-Saab yeela a Aarõ yaa: «Maam a Sẽn-Ka-Saab kõta foom noore, tɩ f get kũun nins fãa Israyɛll nebã sẽn na n talld n wat n kõt maamã yelle. Mam dɩkda kũun-kãens n kõt foom ne f kom-dibli wã, ne bũmb nins fãa Israyɛll nebã sẽn wat n kõtẽ wã, tɩ yɩ fo nug-tikr kaamã pʋɩɩre, la a yaa no-tũudg sẽn ka sɛta.»

SEBR SÕNGO

⁸ Soaala-Wẽnd yeela a Aarõ: «Ade, yaa foo n na deesd neba sẽn wat ne kũun niyns mam yĩngã, Israyɛl kamba sẽn tog n dɩk bũmb ning fãa n kõ maama. Bãmb na n yɩɩ foo ne f kamba soolem, zamaan woo zamaana.

Sõadga 18:8 Iomraidhean Croise

2 Rĩm-dãmba 12:16

Bãmb sã n dag n sõd ligdã n kɩs tɩ b yao tʋmtʋmdbã, b ka leb n sokd bãmb b sẽn tall ligdã n maan bũmb ning ye. Bala, bãmb dag n tʋmda tʋʋmdã ne pʋ-peelem.

2 Kibayã 31:4

La rĩmã yeela Zeruzalɛm nebã tɩ b ges maan-kʋʋdbã ne Leevi nebã yell n kõb-b pʋɩɩre, tɩ b tõe n paam daood Sẽn-Ka-Saab tõogã sakr pʋgẽ.

2 Kibayã 31:5

Rĩmã koɛɛgã sẽn saagã kɩtame tɩ Israyɛll kambã wa kõ bɩle wã, la reezẽ rãamã, kaamã, la sɩɩdã, ne bõn-koaadlã fãa dẽenem biisã. La bãmb talla bõn-bãmbã fãa piig pʋɩɩr me n wa.

Yikri 28:43

A Aarõ ne a kom-dibli wã sã n wa na n kẽ sɛk roogã pʋgẽ, wall b sã n wa na n kolg tẽn-kugrã n maan sɛk zĩigã tʋʋmde, b tog n sẽgna kur-bãmba, tɩ yel-wẽnã ra zĩnd bãmb zut tɩ b wa ki ye. Bõn-kãng na n yɩɩ no-tũudg sẽn ka sɛta, a Aarõ ne a yagensã sẽn na n pʋgl yẽnda wã yĩnga.»

Yikri 29:21

Yãk zɩɩm ning sẽn be tẽn-kugrã zugã ne tikr kaamã n mes a Aarõ ne a futã, la yẽnda kom-dibli wã me ne b futã. Yaa woto la f na n welg yẽnda toor ne a futã, la yẽnda kom-dibli wã me ne b futã b tʋʋmdã yĩnga.

Yikri 29:28

Yãoogã ne gerã na n yɩɩ a Aarõ ne a kom-dibli wã pʋɩɩre, la a na n yɩɩ no-tũudr wakat sẽn ka sɛta yĩnga. B tog n yãka bãmb Israyɛll nebã sẽn so wã pʋgẽ. Bõn-kãng yaa pʋɩɩr b sẽn yãkde. Rẽndã na n yɩɩ pʋɩɩr b sẽn yãkd Israyɛll nebã sẽn so wã pʋgẽ. Yaa bãmb zems-n-taar maandã zug la b tog n yãk-a. Yaa kũun bãmb sẽn yãkd n kõt Sẽn-Ka-Saabo.

Yikri 29:29

A Aarõ maan-kʋʋr tʋʋmdã fut sẽn welg toorã na n yɩɩ yẽnda kom-dibli wã sẽn na n led yẽnda wã rẽnda. Bãmb na n yeelga fu-bãmb wakat ning b sẽn na n tik bãmb ne kaam n ning maan-kʋʋr tʋʋmd bãmb zutã.

Yikri 40:13

La f sã n so bãmb koomã n sɛ, bɩ f yeelg a Aarõ a fut sẽn welg toorã, n pʋdg a zug kaam, n welg-a toor t'a maan maan-kʋʋr tʋʋmd mam taoore.

Yikri 40:15

La f pʋdg kaam bãmb zut wa fo sẽn dag n pʋdg bãmb ba wã zugã tɩ bãmb me yɩ maan-kʋʋdb mam taoore. La kaam ning sẽn pʋdg bãmb zutã na n kɩtame tɩ bãmb yagensã yɩ maan-kʋʋdb bãmb zamaanã fãa tɛka.»

A Ezayi 10:27

Badaare, bãmb na n sika b zɩɩbã n bas f bãgdã, la b yiis b yubl balgrã n bas f yublã. Fo na n nobame hal tɩ f yubl balgrã kaooge.»

Maan‑kʋʋre 21:10

Maan-kʋʋd ning b sẽn pʋdg a zug kaam n dogl-a maan-kʋʋr tʋʋmdã, la b yeelg-a fu-welgdsã n kɩt t'a yaa a saam-biisã kãsmã ka tog n zũndg a zoobdo, la a ka tog n pãrs a fut me ye.

Maan‑kʋʋre 23:20

Bɩ maan-kʋʋdã reeg-b n yuum Sẽn-Ka-Saab taoor tɩ yɩ kũuni, n paas ne dẽenem biisã bur n kõ n naag ne pe-ribli a yiibã. Bɩ b rɩk-b n kõ Sẽn-Ka-Saabo, la bõn-kãens na n yɩɩ maan-kʋʋdã rẽnda.

Maan‑kʋʋre 6:16

Maan-kʋʋd fãa kũun tog n yõoga bugum zãnga, la b ka tog n dɩk-a n dɩ ye.»

Maan‑kʋʋre 6:18

«Yeel a Aarõ ne a kambã yaa: ‹Ad yel-wẽnã maoong tõog sẽn yaa to-to. Yaa zĩig ning b sẽn maand maoongã la b na n kodg rũngã b sẽn kõ yel-wẽnã yĩngã Sẽn-Ka-Saab taoore. Yõwã yaa bũmb sẽn welg toor zãnga.

Maan‑kʋʋre 6:20

Bũmb ning fãa sẽn na n sɩɩs-a maoongã nemd na n lebga bũmb sẽn welg toore. La a zɩɩmã sã n yɩk n tosg fuugu, bɩ f pek-a zĩig sẽn welg toorã pʋga, zĩig ning zɩɩmã sẽn yi wã.

Maan‑kʋʋre 7:14

La bɩ b yãk-yãk kũunã buud toor-toorã n wilg Sẽn-Ka-Saabo. Bõn-kãens na n yɩɩ maan-kʋʋd ning sẽn maan-a zems-n-taar maoongã, la a yãk zɩɩmã n mesã pʋɩɩre.

Maan‑kʋʋre 7:28

Sẽn-Ka-Saab goma ne a Moyiis n yeel-a yaa:

Maan‑kʋʋre 7:6

Yaa maan-kʋʋdbã buud neb nins sẽn yaa raopã bal n tar noor tɩ rɩ maoon-kãngã nemdã. B tog n dɩ-a-la zĩig sẽn welg toor pʋga, bala, a yaa bũmb sẽn welg toor zãng fasɩ.

Maan‑kʋʋre 8:30

A Moyiis rɩka bark ningr kaamã ne zɩɩmã sẽn dag n be tẽn-kugrã zugã n mes a Aarõ ne a futã, la a mes a kom-dibli wã me ne b futã. Woto, yẽnda welga a Aarõ ne futã, la a kom-dibli wã me ne b futã toore, b tʋʋmdã yĩnga.

Sõadga 18:9

Rẽ wã, b sã n wa yãk kũun ning sẽn yaa mam dẽndã n yõog bugum tẽn-kugrã zug n sɛ, sẽn kell-a wã na n yɩ fo pʋɩɩre. Yaa zomã kũunã, yel-wẽnã sugr kũun maoongã kũuni, ne zems-n-taar maoongã kũun Israyɛll nebã sẽn tall n wa kõ maamã. Kũun-kãensã fãa b sẽn wa n kõ maamã na n yɩɩ foom ne f yagensã rẽnda.

Sõadga 5:9

Kũun ning fãa Israyɛll nebã sẽn yãk Sẽn-Ka-Saab yĩng n tall n tɩ kɩs maan-kʋʋdã, yaa maan-kʋʋdã n so.

1 Korẽnt rãmba 9:13

Yãmb ka mi tɩ neb nins sẽn maand-b Wẽnnaam tʋʋmdã, wẽnd doogã n dɩlgd‑ba, la tɩ neb nins sẽn tʋmd tẽn-kugrẽ wã paamda pʋɩɩr bũmb nins b sẽn yõogd tẽn-kugrã zugã pʋgẽ la?

Yaoolem 12:11

yaa zĩig ning Sẽn-Ka-Saab sẽn yaa yãmb Wẽnnaamã sẽn na n yãk n ning b yʋʋrã la y na n tall bũmb nins mam sẽn yeel yãmbã n wa: Yãmb maand nins sẽn yõogd bugmã ne y maand a taabã, la y piig pʋɩyã ne y kũunã, la bũmb nins fãa yãmb sẽn pʋlem Sẽn-Ka-Saabã.

Yaoolem 12:6

Yaa beenẽ la yãmb na n tall y maand sẽn yõogd bugmã, ne y maand a taabã, la y piig pʋɩyã, ne y kũunã, la bũmb nins yãmb sẽn dag n pʋlem Wẽnnaamã, la yamleoog kũunã, ne yãmb rũm-bɛdã ne y rũm-bãoonegã kom-dẽemsã n kẽnge.

Yaoolem 18:1

Leevi buudã neb nins sẽn yaa maan-kʋʋdbã ne Leevi buudã fãa ka na n naag Israyɛll buud a taabã n paam zĩig Israyɛll soolmã pʋgẽ ye. Maoong sẽn yõogd bugmã sẽn kõt Sẽn-Ka-Saabã, ne b pʋɩɩrã n na n yɩ bãmb dɩɩbo.

Yaoolem 26:13

Dẽ, bɩ y yeel Sẽn-Ka-Saab sẽn yaa yãmb Wẽnnaamã taoor yaa: Mam yiisa bũmb ning sẽn welg toorã m zakã pʋgẽ n kõ a Leevi buudã nebã, ne sãambã la kɩɩbsã la pʋg-kõapã, wa sẽn zems tõod nins fãa yãmb sẽn kõ maamã. Mam ka bas tõog baa a yembre, la m ka yĩm ba a yembr yell ye.

Ebre rãmba 1:9

Fo nonga tɩrlem, la f kisga wẽnga. Wẽnnaam, yaa rẽndã n kɩt tɩ f Wẽnnaamã kõ foom sũ-noogo, la b bas f tũud-n-taasã.

1 Zã 2:20

Yãmb mensã paamame tɩ soab ning sẽn welg-a toorã kõ yãmb b Sɩɩgã, la yãmb fãa tara bãngre.

1 Zã 2:27

La ne yãmba, Sɩɩg-sõng ning yãmb sẽn deeg bãmb nengẽ wã bee yãmb pʋse, la yãmb ka baood tɩ b zãms yãmb ye. La wa bãmb Sɩɩgã sẽn zãmsd yãmb bũmb fãa wã, tɩ yaa sɩdã, la ka zĩrẽ wã, woto me, bɩ y pa ne Kiris wa Sɩɩg-sõng sẽn zãms yãmb to-to wã.