Sõadga 18:7 - WẼNNAAM SEBRE 2014

⁷ La foom a Aarõ ne f kom-dibli wã na n maana y maan-kʋʋr tʋʋmdã tẽn-kugrẽ wã, ne zĩig sẽn welg toor n yɩɩd fãa wã sẽn be fu-lillidgã poorẽ wã. Yaa maam n kõ yãmb tʋʋm-kãnga. La nin-zaalg sẽn ka Leevi ned sã n kolg be, bɩ b kʋ-a.»

SEBR SÕNGO

⁷ Foo ne f kamba n na n tʋm maan-kʋʋra tʋʋma, sẽn get maan-kugrã la sẽn be peen-lilla poore. Maan-y y tʋʋma neere, yɩ-y maan-kʋʋdba, tʋʋmd kãng la m kõt yã. Nin-zaalg fãa sã n kolg be bɩ b yãk a yõore.»

Sõadga 18:7 Iomraidhean Croise

Yɩɩn‑sõamyã 115:10

A Aarõ yagense, teeg-y Sẽn-Ka-Saabo! Sẽn-Ka-Saab n yaa bãmb sõangda, la b gãongo.

Yikri 28:1

«Bool f kẽem a Aarõ ne a kom-dibli wã tɩ b yi Israyɛll nebã sʋk n wa fo nengẽ, n wa maan maan-kʋʋr tʋʋmd mam waoogr yĩnga. Yaa a Aarõ ne a kom-dibli wã, a Nadaabe, ne a Abihu la a Eleyazaar ne a Itamaare.»

Yikri 29:9

La f sẽbg a Aarõ ne a kom-dibli wã sẽbdse, n fõgen bãmb pugli. La maan-kʋʋrã tʋʋmd na n yɩɩ bãmb dẽnda, n yaa no-tũudg sẽn ka sɛta. Yaa woto la fo na n ning tʋʋmdã a Aarõ ne a kom-dibli wã zutu.

Ezekiyɛl 44:15

Sã n yaa ne Leevi buudã maan-kʋʋdbã sẽn yaa a Sadok yagensã sẽn ges m zĩig ning sẽn welg toorã yelle, wakat ning Israyɛll nebã sẽn wa n kẽ moog n zãag ne maamã, bãmb na n waa mam taoore, n maan tʋʋmdã mam yĩnga. Bãmb na n yalsa mam taoore, n dɩk nem-kaamã ne zɩɩmã n kõ maam. Maam a Zu-soab a Sẽn-Ka-Saab n yeele.

Ezekiyɛl 44:16

Bãmb na n kẽeda mam zĩig ning sẽn welg toorã pʋga. Bãmb na n yalsa mam taablã taoore, n maand tʋʋmdã mam yĩnga, la yaa bãmb n na n get mam tʋʋmdã yelle.

Ezekiyɛl 44:8

Yãmb ka maan bũmb ning sẽn welg toor mam yĩngã tʋʋm ye. Yãmb dɩka nin-bãmbã tɩ b ledg yãmb zĩig n maand tʋʋmdã mam zĩig ning sẽn welg toorã pʋgẽ.»

Maan‑kʋʋre 16:2

Sẽn-Ka-Saab yeela a Moyiis yaa: «Yeel f kẽem a Aarõ t'a ra n kẽed sɛk roogã pʋg wakat fãa ye, t'a ra lɩk fu-lillidgã sẽn be kaset koglgã sɛɛgã ye. Sẽn na n yɩlẽ t'a ra wa ki ye. Bala, mam na n puka m meng sawadg pʋg bas-taal koglgã zugu.

Maan‑kʋʋre 7:35

Yaa bõn-kãng n na n yɩ a Aarõ ne a kom-dibli wã pʋɩɩre, maoong sẽn yõogd bugum Sẽn-Ka-Saab taoorã zugu. La yaa sẽn sɩng ne daar ning bãmb sẽn lebg maan-kʋʋdb n sɩng b maan-kʋʋr tʋʋmd Sẽn-Ka-Saab yĩngã.› »

Sõadga 1:51

Yãmb sã n na n yik n looge, yaa Leevi buudã nebã n tog n viig sɛk roogã. La yãmb sã n ta y sik zĩigẽ, leb n yaa bãmb n tog n ti sɛk roogã. La ned sẽn ka Leevi buudã ned sã n kolg be, bɩ b kʋ-a.

Sõadga 18:20

Sẽn-Ka-Saab leb n yeela a Aarõ yaa: «Tẽng ning mam sẽn kõ Israyɛll nebã pʋgẽ, fo ka na n paam zĩiga, wall pʋɩɩr ye. Yaa maam a Sẽn-Ka-Saab n na n yɩ fo pʋɩɩr la f paoongo, Israyɛll nebã sʋka.»

Sõadga 18:3

Leevi buudã sẽn yaa fo saam-biisã na n maana fo sẽn date, la b maan sɛk roogã tʋʋma. La bãmb ka tog n kolg bũmb nins sẽn welg toorã, wall tẽn-kugrã ye. Woto, bãmb ne yãmb ka na n ki ye.

Sõadga 3:10

Bɩ f bãng tɩ yaa a Aarõ ne a kom-dibli wã bal n tog n maan maan-kʋʋr tʋʋmdã. La nin-zaalg sã n kolg be bɩ f kɩt tɩ b kʋ-a.»

Sõadga 3:38

A Moyiisi, a Aarõ ne a kom-dibli wã rag n tii b fu-rotã yaanga, sɛk roogã neng taoore. Bãmb n dag n get sɛk roogã tʋʋm yelle, Israyɛll nebã yʋʋr yĩnga. La nin-zaalg sã n kolg be, b tog n kʋ-a lame.

A Matiye Sõng 10:8

Maag-y bãad-dãmba, la y vʋʋg kũum, la y kɩt tɩ yĩn-gãong bãas sẽn tar‑b rãmbã lebg yɩlma, la y rig zĩn-dãmba. Yãmb deega zaalem, bɩ y kõ zaalem.

A Zã Sõng 3:27

A Zã leokame n yeele: «Ninsaal ka tõe n deeg bũmb baa fʋɩ, tɩ sã n ka sẽn yi arzãnã n kõ-a ye.

Efɛɛz Rãmba 3:8

Mam sẽn yaa Wẽnnaam nebã fãa yao-zʋʋgã, Wẽnnaam kõo maam bakr‑kãnga, tɩ m moon koe-noog ning sẽn wilgd Kiris arzegs sẽn ka sɛtã bu-zẽmsã sʋka,

Yaoolem 18:2

Bãmb ka na n paam pʋɩɩr b saam-biisã sʋk ye. Yaa Sẽn-Ka-Saab n yaa bãmb pʋɩɩr wa b sẽn dag n yeel bãmb wɛɛngẽ wã.

Ebre rãmba 5:4

Ned baa a yembr ka tõe n bao waoogr n yik n kẽes a meng maan-kʋʋr kãoseng tʋʋmd pʋgẽ ye. Yaa Wẽnnaam n boond a soaba, wa b sẽn bool a Aarõ mengã.

Zozuwe 18:7

La a Leevi yagensã ka tog n paam pʋɩɩr yãmb sʋk ye. Bala, Sẽn-Ka-Saab maan-kʋʋrã tʋʋmd n yaa bãmb puɩɩre. Dẽ, a Gaad buudã ne a Rubɛn buudã la a Manaase buudã pʋɩ-sʋkã reega Zʋrdẽ kʋɩlgã rʋʋnde, wa sẽn zems pʋɩɩr ning Sẽn-Ka-Saab tʋmtʋmd a Moyiis sẽn dag n pʋɩ n kõ bãmb yaangã.»

1 Pɩyɛɛr 5:2

Rɩlg-y Wẽnnaam piisã sẽn be ne yãmbã. La ka ne modgr ye, yaa ne yamleoogo wa sẽn zems Wẽnnaam daabã. La ka paoong ratem yĩng ye, yaa ne sũur sẽn yaa sõama.

1 Pɩyɛɛr 5:3

La ka tɩ y soog nebã b sẽn gũnug yãmbã ne pãng ye, la yaa tɩ yãmb na yɩ mamsg wʋsg piisã yĩnga.

1 Sãmwɛlle 2:28

Mam yãka bãmb Israyɛll buudã fãa sʋk tɩ b yɩ mam maan-kʋʋdba, n get maan-kʋʋrã tʋʋmd yelle, la b kẽnd m tẽn-kugrẽ wã n yõogd wisdu, la b yeelgd maan-kʋʋr futã mam taoore. La mam dɩka Israyɛll nebã kũunã buud fãa, ne maand nins sẽn yõogd bugmã n kõ y yaab-rãmbã.