Sõadga 18:5 - WẼNNAAM SEBRE 2014

⁵ Yaa yãmb bal n tog n maand sɛk roogã tʋʋmde, la tẽn-kugrã tʋʋmd me. Woto, maam a Sẽn-Ka-Saab sũurã ka na n leb n yik ne Israyɛll nebã ye.

SEBR SÕNGO

⁵ Yãmb n so zakã la sɛka rooga tʋʋma la Israyɛl kamba sũur kõn le kãb ne y ye.

Sõadga 18:5 Iomraidhean Croise

1 Kibayã 23:24

Nin-bãmbã n dag n yaa Leevi buudã neb b sẽn sõd roog-roogo, ne b buudã kãsem-dãmbã, neb nins b sẽn sõde, n bool b yʋyã kãsem-kãsmã. Sẽn tar-b yʋʋm pisi la sẽn yɩɩd dẽ wã n dag n get Sẽn-Ka-Saab roogã yelle.

1 Kibayã 23:32

Bãmb n na n get sɛk roogã tʋʋm yelle, ne zĩ-sõngã tʋʋm yelle. La b na n naaga a Aarõ kom-dibli wã sẽn yaa b saam-biisã, n maand Sẽn-Ka-Saab roogã tʋʋmã.

1 Kibayã 24:5

B maana poeer n yãk ned fãa ne a sulli, bala, yaa a Eleyazaar ne a Itamaar kom-dibli wã n dag n yaa zĩ-sõngã nanambse, n yaa nanambs Wẽnnaam sẽn yãke.

1 Kibayã 9:19

A Koore biig a Salum sẽn yaa a Ebiyazaf yageng la a Koore yagen-tʋbrakẽegã ne a ba-biisi, n paas a Koore buudã neb a taabã, n dag n yaa sɛk roogã noor gũudba. Bãmb yaab-rãmbã rag n yɩɩ Sẽn-Ka-Saab nebã tãb-sik noor gũudba,

1 Kibayã 9:23

Bãmb ne b kom-dibli wã n dag n gũud Sẽn-Ka-Saab roogã ne sɛk roogã.

1 Kibayã 9:33

Dẽ, Leevi buudã kãsem-dãmb nins sẽn yaa yɩɩn-yɩɩndb n be rotã pʋsẽ wã la woto. B rag n ka kõ bãmb tʋʋm a taabã tɩ bala, b rag n tʋmda wĩntoog la yʋngo.

Yikri 27:21

Yaa sɛk roogã pʋgẽ, zĩig ning sẽn ka ta fuug sẽn lillid kaset koglgã, la bɩ a Aarõ ne a kom-dibli wã ges fɩtl-dãmbã yelle, tɩ b wid Sẽn-Ka-Saab taoor zaabr tɩ ta yibeoogo. Yõwã na n yɩɩ no-tũudg sẽn ka sɛta, Israyɛll yagensã zamaan fãa yĩnga.»

Zeremi 23:15

Woto yĩnga, ad Saasẽ-Pãng-Soabã sẽn yet no-rɛɛsdbã wɛɛngẽ: «Mam na n kõo bãmb rɩɩb sẽn yaa toog liga tɩ b rɩ, la m kɩt tɩ b yũ koom sẽn tar zẽnem. Bala, Zeruzalɛm no-rɛɛsdbã kɩtame tɩ tẽngã fãa pid ne rẽgdo.»

Ezekiyɛl 44:15

Sã n yaa ne Leevi buudã maan-kʋʋdbã sẽn yaa a Sadok yagensã sẽn ges m zĩig ning sẽn welg toorã yelle, wakat ning Israyɛll nebã sẽn wa n kẽ moog n zãag ne maamã, bãmb na n waa mam taoore, n maan tʋʋmdã mam yĩnga. Bãmb na n yalsa mam taoore, n dɩk nem-kaamã ne zɩɩmã n kõ maam. Maam a Zu-soab a Sẽn-Ka-Saab n yeele.

Ezekiyɛl 44:16

Bãmb na n kẽeda mam zĩig ning sẽn welg toorã pʋga. Bãmb na n yalsa mam taablã taoore, n maand tʋʋmdã mam yĩnga, la yaa bãmb n na n get mam tʋʋmdã yelle.

Maan‑kʋʋre 10:6

A Moyiis yeela a Aarõ ne a kom-dibli wã, a Elyazaar ne a Itamaare: «Da zũndg-y y zoobdã, la y ra pãrs y fut n wilg tɩ y bee sũ-sãang pʋg ye. Dẽ, yãmb kõn ki, la y kõn tak Sẽn-Ka-Saab sũ-puugrã n sik nebã zug ye. Bas-y tɩ yãmb saam-biisã sẽn yaa Israyɛll nebã yãb neb nins Sẽn-Ka-Saab sẽn kɩt tɩ bugmã rɩ n kʋ wã yĩnga.

Maan‑kʋʋre 24:3

A Aarõ tog n ninga fɩtl-dãmbã sɛk roogã pʋg n pẽneg fu-lillidgã sẽn lill kaoolã koglgã. La a tog n yõgen-b-la zaabr fãa tɩ b be Sẽn-Ka-Saab taoor n wit hal tɩ ta yibeoogo. Yõwã yaa no-tũudg sẽn ka sɛta, yãmb yagensã fãa yĩnga.

Zakari 10:3

«Mam sũurã puuga ne pe-kɩɩmbã, mam na n sɩbga boeesã. Saasẽ-Pãng-Soabã gesa Zʋʋda buudã sẽn yaa bãmb piisã yelle. Bãmb kɩtame tɩ b lebg b weef sẽn tar ziir zabr zĩigẽ.

Sõadga 1:50

Bɩ f rɩk kaoolã sɛk roogã ne a teedã fãa yell gesgo, n kõ Leevi buudã. La yaa bãmb n na n tʋkd sɛk roogã ne a teedã fãa, la b maand sɛk roogã pʋgẽ tʋʋmde. La bɩ b ti b fu-rotã n gũbg sɛk roogã.

Sõadga 1:53

La yaa Leevi buudã neb n tog n tilg b fu-rotã n gũbg kaoolã sɛk roogã. Yãmb sã n maan woto, mam sũurã ka na n yik ne Israyɛll nebã ye. Yaa Leevi buudã n so kaoolã sɛk roog yell gesgo.»

Sõadga 18:4

Bãmb na n sõngda yãmb sɛk roogã tʋʋm fãa pʋgẽ. La ned sẽn ka Leevi buudã ka tog n wa naag yãmb ye.

Sõadga 4:18

«Bɩ y modg t'a Kehat yagensã ra wa menem zãng Leevi buudã sʋk ye.

Sõadga 8:19

Mam yãka bãmb Israyɛll nebã sʋka, n dɩk-b n kõ a Aarõ ne a kom-dibli wã, tɩ b reeg Israyɛll nebã zĩiga, n maan tʋʋmdã sɛk roogã pʋgẽ, tɩ Israyɛll nebã tõe n paam b yel-wẽnã sugri. Woto, baa Israyɛll buudã ned sã n kolg zĩ-sõngã, mam ka na n sɩbg a soab ye.»

Sõadga 8:2

yeel a Aarõ yaa: «Fo sã n wa na n ning fɩtl-dãmb a yopoe wã b zĩigẽ, bɩ f kɩt tɩ b vẽenemã tees fɩtl doagendgã taoore.»

1 Tɩmote 1:18

M biig a Tɩmote, koɛɛg ning mam sẽn yet foom, a wa sẽn zems bãngr gomdã sẽn gom a yellã, yaa tɩ f zab zab-sõngã wa b sẽn yeelã,

1 Tɩmote 3:15

tɩ baa mam sã n wa n kaoosdẽ, fo na bãng f sẽn na n maan bũmb ning Wẽnnaam zakã pʋga, sẽn dat n togs tɩ Wẽnnaam sẽn vɩ wã nin-tũusdsã sʋka, sẽn yaa sɩd ra-luka, la a yẽbgr sẽn tebended-a wã.

1 Tɩmote 5:21

Mam kota foom Wẽnnaam taoore, la a Zeezi Kiris taoore, la maleg-tũusdsã taoore, tɩ f tũ no-kãens n da tũus nebã, wall f bak neb kẽer n na n sõng ye.

1 Tɩmote 6:20

Tɩmote, tall bũmb nins sẽn bĩng fo pʋgẽ wã, la f mao n zãag f meng ne gom-vɩɩd sẽn ka kẽed ne Wẽnnaam yell ye. Zãag ne no-koɛɛma, la ne zĩrẽ-bãngre.