Sõadga 18:4 - WẼNNAAM SEBRE 2014

⁴ Bãmb na n sõngda yãmb sɛk roogã tʋʋm fãa pʋgẽ. La ned sẽn ka Leevi buudã ka tog n wa naag yãmb ye.

SEBR SÕNGO

⁴ Bãmb n na n sõng foo, sɛka roog tʋʋma yĩnga la nin-zaalg da wa naag-y ye.

Sõadga 18:4 Iomraidhean Croise

Ezekiyɛl 44:14

Mam na n kɩtame tɩ b maan Wẽnd doogã tʋʋmde. Bãmb na n maana Wẽnd doogã tʋʋm fãa ne tʋʋm nins fãa sẽn be beenẽ n segd ne maanegã.

Sõadga 1:51

Yãmb sã n na n yik n looge, yaa Leevi buudã nebã n tog n viig sɛk roogã. La yãmb sã n ta y sik zĩigẽ, leb n yaa bãmb n tog n ti sɛk roogã. La ned sẽn ka Leevi buudã ned sã n kolg be, bɩ b kʋ-a.

Sõadga 1:53

La yaa Leevi buudã neb n tog n tilg b fu-rotã n gũbg kaoolã sɛk roogã. Yãmb sã n maan woto, mam sũurã ka na n yik ne Israyɛll nebã ye. Yaa Leevi buudã n so kaoolã sɛk roog yell gesgo.»

Sõadga 18:3

Leevi buudã sẽn yaa fo saam-biisã na n maana fo sẽn date, la b maan sɛk roogã tʋʋma. La bãmb ka tog n kolg bũmb nins sẽn welg toorã, wall tẽn-kugrã ye. Woto, bãmb ne yãmb ka na n ki ye.

Sõadga 18:5

Yaa yãmb bal n tog n maand sɛk roogã tʋʋmde, la tẽn-kugrã tʋʋmd me. Woto, maam a Sẽn-Ka-Saab sũurã ka na n leb n yik ne Israyɛll nebã ye.

Sõadga 3:10

Bɩ f bãng tɩ yaa a Aarõ ne a kom-dibli wã bal n tog n maan maan-kʋʋr tʋʋmdã. La nin-zaalg sã n kolg be bɩ f kɩt tɩ b kʋ-a.»

Sõadga 31:30

La pʋɩɩr ning sẽn yaa Israyɛll nebã sẽn ketã rẽndã pʋgẽ, fo tog n yãka nin-yɛng neb pis-nu pʋgẽ, la niigã ne bõensã, la rũm-bãoonegã, rũmsã fãa, yaa rũm-yɛng rũms pis-nu pʋgẽ, la f yãkd n kõ Leevi buudã, tɩ yaa bãmb n get Sẽn-Ka-Saab sɛk roogã yelle.»

Sõadga 8:26

Bãmb tõe n sõngda Leevi buud nins sẽn ket n maand b tʋʋmd sɛk roogã pʋgẽ wã, la b ka tog n leb n kõ bãmb tʋʋmd toor zall ye. Leevi buudã tʋʋmd wɛɛngẽ, yaa woto la fo na n maane.»

1 Sãmwɛlle 6:19

Sẽn-Ka-Saab kʋʋ Bɛt-Semees neb kẽere, b sẽn lɩk n ges Sẽn-Ka-Saab kaoolã koglgã pʋgẽ wã yĩngã. Neb tus pis-nu wã sʋka, bãmb kʋʋ neb pis-yopoe. Nebã sũyã sãama hal wʋsgo, Sẽn-Ka-Saab sɩbgrã sẽn yɩ toog wʋsgã yĩnga.