Sõadga 18:3 - WẼNNAAM SEBRE 2014

³ Leevi buudã sẽn yaa fo saam-biisã na n maana fo sẽn date, la b maan sɛk roogã tʋʋma. La bãmb ka tog n kolg bũmb nins sẽn welg toorã, wall tẽn-kugrã ye. Woto, bãmb ne yãmb ka na n ki ye.

SEBR SÕNGO

³ B na n maana fo sẽn yet tɩ b maan fãa, b na n sõng-f la ne sɛka rooga tʋʋma; b sẽn pa na n sɩɩs yaa te-sõma wã, yaa maan-kugrã; woto b kõn bao yell n kõ b menga, la b kõ yãmb ye.

Sõadga 18:3 Iomraidhean Croise

Ezekiyɛl 44:13

Bãmb kõn tol n leb n kolg maam n maan maan-kʋʋr tʋʋmdã mam yĩng ye. Bãmb kõn leb n kolg bũmb nins fãa sẽn welg toor mam yĩngã, ne bũmb nins sẽn welg toor n yɩɩdã ye. Bãmb yãndã ne yel-beedã b sẽn maanã taal na n lʋɩ b zugu.

Sõadga 1:51

Yãmb sã n na n yik n looge, yaa Leevi buudã nebã n tog n viig sɛk roogã. La yãmb sã n ta y sik zĩigẽ, leb n yaa bãmb n tog n ti sɛk roogã. La ned sẽn ka Leevi buudã ned sã n kolg be, bɩ b kʋ-a.

Sõadga 1:53

La yaa Leevi buudã neb n tog n tilg b fu-rotã n gũbg kaoolã sɛk roogã. Yãmb sã n maan woto, mam sũurã ka na n yik ne Israyɛll nebã ye. Yaa Leevi buudã n so kaoolã sɛk roog yell gesgo.»

Sõadga 18:4

Bãmb na n sõngda yãmb sɛk roogã tʋʋm fãa pʋgẽ. La ned sẽn ka Leevi buudã ka tog n wa naag yãmb ye.

Sõadga 18:7

La foom a Aarõ ne f kom-dibli wã na n maana y maan-kʋʋr tʋʋmdã tẽn-kugrẽ wã, ne zĩig sẽn welg toor n yɩɩd fãa wã sẽn be fu-lillidgã poorẽ wã. Yaa maam n kõ yãmb tʋʋm-kãnga. La nin-zaalg sẽn ka Leevi ned sã n kolg be, bɩ b kʋ-a.»

Sõadga 3:25

Ad bũmb nins yell Gɛrsõ yagensã sẽn dag n get sɛk roogã pʋgẽ: yaa sɛk roogã fuugu, a fu-pindgã, ne a gãn-luts a yiibã, la sɛk roogã noor peen-lillã.

Sõadga 3:31

A Kehat yagensã n da get kaoolã koglgã yelle, la b get taablã, ne fɩtl doagendgã, la tẽn-kug a yiibã, ne lagd nins fãa b sẽn tar n tʋmd zĩig sẽn welg toor n yɩɩdã pʋgẽ tʋʋmã, n paas ne peen-lillã sẽn lill zĩig sẽn welg toor n yɩɩdã sɛk roogã pʋgã, ne a teed a taabã fãa yelle.

Sõadga 3:36

Meraari buudã n dag n get sɛk roogã ra-pegdã, a ra-paadsã, ne a ra-lugdsã ne b tebendsã yelle, ne teed a taabã fãa yelle.

Sõadga 31:30

La pʋɩɩr ning sẽn yaa Israyɛll nebã sẽn ketã rẽndã pʋgẽ, fo tog n yãka nin-yɛng neb pis-nu pʋgẽ, la niigã ne bõensã, la rũm-bãoonegã, rũmsã fãa, yaa rũm-yɛng rũms pis-nu pʋgẽ, la f yãkd n kõ Leevi buudã, tɩ yaa bãmb n get Sẽn-Ka-Saab sɛk roogã yelle.»

Sõadga 4:15

La yikr fãa wakate, yaa a Aarõ ne a kom-dibli wã n tog n deng n wa vil zĩ-sõngã teedã ne a te-tũudsã n sɛ, tɩ Kehat yagensã yaool n wa tʋk-ba. Bala, a Kehat yagensã ka tog n sɩɩs zĩ-sõngã teedã meng ye. B sã n sɩɩse, b na n kiime. Yaa a Kehat yagensã n na n tʋkd zĩ-sõngã pʋgẽ teedã.