Sõadga 18:21 - WẼNNAAM SEBRE 2014

²¹ Sẽn-Ka-Saab leb n yeelame: «Ad pʋɩɩr ning mam sẽn na n kõ Leevi buudã tɩ yɩ b yaoodo, tʋʋmd ning bãmb sẽn maand sɛk roogã yĩngã yĩnga. Bõn-koaadl nins fãa piig pʋɩɩr Israyɛll nebã sẽn na n yãk n wa kõ maamã na n yɩɩ bãmb dẽnda.

SEBR SÕNGO

²¹ Soaala paasame: «A Levi kamba pʋɩɩr la woto: B tʋʋmda keoor yĩnga, b sẽn tʋmd sɛka roog tʋʋma yĩnga, bãmb na n sooga Israyɛl kamba sẽn yãkd b paoong pʋgẽ, pʋɩɩr a ye piig fãa zugu n kõt Soaala-Wẽndã.

Sõadga 18:21 Iomraidhean Croise

Sɩngrẽ 14:20

Bɩ Saasẽ-Pãng-Soab a Wẽnnaam sẽn kɩte, tɩ f tõog f bɛɛbã paam pẽgre!» La a Abram yãka bũmbã fãa piig pʋɩɩr n kõ yẽnda.

Sɩngrẽ 47:24

La tigsgã wakate, yãmb na n yãka y bõn-koaadlã sẽn pʋɩ zĩis a nu pʋɩɩr a yembr n wa kõ Faarõ, la yãmb tall pʋɩɩr a naasã sẽn kellã, n paam bõn-buud n bʋd y pʋtã, la y paam dɩɩb n dɩlg y mens ne y pagbã, la y kambã.»

Sɩngrẽ 47:26

La a Zozɛf gʋlsa bõn-kãng tɩ lebg tõog n kell n pa n tãag rũndã, sẽn kẽed ne Ezɩpt tẽngã nebã pʋt wɛɛngẽ. Bõn-koaadlã sẽn pʋɩ zĩis a nu pʋɩɩr a yembr yaa Faarõ rẽnda, la yaa maan-kʋʋdbã pʋt bal n ka Faarõ rẽnda.

2 Kibayã 31:12

Woto, b ra tallda dẽenem biisã ne piig pʋɩɩrã, la nonglem kũunã n watẽ. La yaa Leevi ned a Konaniya nea yao Sɩme n dag n yaa teedã bĩngr taoor dãmba.

A Neemi 10:29

La neb nins sẽn ketã sẽn yaa maan-kʋʋdbã, la Leevi buudã, ne rignoy gũudbã, la yɩɩn-yɩɩndbã, ne Wẽnnaam doogã tʋmtʋmdbã, la neb nins fãa sẽn welg b mens ne tẽngã bu-zẽms n sak Wẽnnaam tõogã, ne bãmb pagbã, la b kom-dibli wã ne b kom-pugli wã, ne neb nins sẽn tõe n wʋm bũmb võorã,

A Neemi 10:37

Tõnd na n talla d kom-dibli wã kom-dẽemsã sẽn yaa raopã, ne d rũmsã kom-dẽemsã n wa kɩs tõnd Wẽnnaam doogẽ wã, la d wa kɩs maan-kʋʋdbã sẽn be beenẽ n maand tõnd Wẽnnaam tʋʋmdã, wa sẽn gʋls tõogã sebr pʋgẽ n yeel tɩ d tog n talla tõnd niigã, ne d piisã, la d bʋʋsã kom-dẽemsã n wa Wẽnnaam doogẽ wã.

A Neemi 10:38

Tõnd leb n na n yãka d zom-bãanegã ne d tɩɩsã fãa bi-sõamã wã, la d reezẽ rã-paalgã ne d kaamã n tall n tɩ kɩs maan-kʋʋdbã sẽn tʋmd tõnd Wẽnnaamã roogẽ wã. La d na n yãka d tẽn-gãongã bõn-koaadl piig pʋɩɩre, n kõ Leevi buudã. Yaa Leevi buudã n tog n kẽng b toor zĩis nins fãa tõnd sẽn koodã n tɩ rees bõn-kãnga.

A Neemi 12:44

Wakat-kãnga, b yãka neb sẽn na n gũ rot nins b sẽn bĩngd dẽenem biis kũunã, ne piig pʋɩɩrã, la tẽngã bõn-koaadlã biis piig pʋɩɩrã. Nin-bãmb dag n tog n deegda kũun nins fãa tõogã sẽn yeel tɩ b yãk n tall n wa wã, n bĩngd beenẽ n gũudẽ. La kũun-kãens yaa maan-kʋʋdbã ne Leevi buudã n so. Yaa pʋtã sẽn gũbg tẽmsã bõn-koaadl dẽenem biisi. La Zʋʋda nebã fãa sũur yɩɩ noog ne maan-kʋʋdbã, la ne Leevi nebã sẽn maand tʋʋmdã.

A Neemi 12:47

A Zorobabɛll ne a Neemi wakatẽ wã, Israyɛll nebã fãa yãkda b paoongã n kõt yɩɩn-yɩɩndbã ne tẽngã noy gũudbã wa sẽn zems sẽn tog maan daar fãa wã. La Israyɛll nebã rag n leb n yãkda b kũun me n kõt Leevi nebã, tɩ bãmb me reege, la b yãk kũun sẽn welg toorã n kõ a Aarõ yagensã sẽn yaa maan-kʋʋdbã.

A Neemi 13:12

Dẽ, Zʋʋda nebã fãa leb n sɩng n tallda koodã ne reezẽ rã-paalgã, la kaamã piig pʋɩɩr n wat n kõt laogã bĩngr rotẽ.

A Neemi 13:5

Rẽ kɩtame tɩ yẽnda kɩt tɩ b maneg ro-bedr n kõ a Tobiza. La hal tɩ ta sasa-kãnga, rag n yaa ro-kãng pʋg la b bĩngd bõn-koaadl kũunã, ne wisd kũunã, la Wẽnnaam doogã teedã, ne kũun ning b sẽn yãkd n kõt maan-kʋʋdbã, la koodã ne kaamã piig pʋɩɩrã sẽn yaa Leevi nebã ne yɩɩn-yɩɩndbã la tẽngã noy gũudbã rẽndã.

Malasi 2:4

Dẽ la yãmb na n bãng tɩ yaa maam n yeel yãmb koe-kãngã, sẽn na n yɩlẽ tɩ kaool ning mam sẽn maan ne Leevi buudã yagensã kell n pa. Maam a Saasẽ-Pãng-Soabã n yeele.

Malasi 3:10

Ade, Saasẽ-Pãng-Soabã yetame: «Tall-y piig pʋɩɩrã fãa n wa laogã bĩngr doogẽ, tɩ rɩɩb tõe n zĩnd m doogẽ wã. M kotame tɩ y mak maam a woto, la mam na n paka yĩngr kʋɩlemsã y yĩnga, n kɩt tɩ barkã sig yãmb zugu, hal tɩ seke!

Sõadga 18:6

Ade, mam yãka yãmb saam-biisã sẽn yaa Leevi roogã neb Israyɛll buudã suka, tɩ bãmb yaa mam dẽnda, la mam dɩk-b lame n kõ yãmb tɩ b tõe n maand sɛk roogã pʋgẽ tʋʋmã.

Sõadga 3:6

«Kɩt tɩ Israyɛll neb nins sẽn yaa Leevi buudã wa sõng maan-kʋʋd a Aarõ.

Sõadga 31:28

La pʋɩɩr ning fo sẽn kõ neb nins sẽn kẽng-b zabrã zĩigẽ wã pʋgẽ, fo na n yãka pʋɩɩr n kõ Sẽn-Ka-Saabo: Neb kobs-nu pʋgẽ, yaa nin-yɛnga. La rũm-bɛdã ne bõensã la rũm-bãoonegã sʋka, bãmb kobs-nu pʋgẽ, yaa rũng a ye. La pʋɩɩr-kãng yaa maam a Sẽn-Ka-Saab n so.

Galat Rãmba 6:6

Ned sã n paam tɩ ned a to zãmsd-a Wẽnnaam goamã, bɩ a kɩt tɩ sẽn zãmsd-a yẽnda wã me paam pʋɩɩr ne bũmb nins yẽnda sẽn tarã.

Yaoolem 18:8

B na n kõo yẽnda pʋɩɩre, a rɩɩbã yĩng wa neb a taabã me sẽn paamdã, a sẽn na n koos a ba wã paoong sẽn yãk a toogo.

Ebre rãmba 7:5

A Leevi yagens nins b sẽn kõ maan-kʋʋr tʋʋmdã, tõogã kõ-b-la noor tɩ b reeg piig pʋɩɩr Israyɛll nebã sẽn yaa bãmb ba-biisi, la a Abrahaam yagensã nengẽ.