Sõadga 18:19 - WẼNNAAM SEBRE 2014

¹⁹ Woto, mam kõta yãmb kũun nins fãa Israyɛll nebã sẽn na n yãk kũun sẽn welg toor n kõ maam a Sẽn-Ka-Saabã. Kũun-kãens na n yɩɩ foom ne f kom-dibli wã la f kom-pugli wã pʋɩɩre, n yaa no-tũudg sẽn ka sɛta, wa sẽn zems yamsem kaool ning mam sẽn maan ne foom la ne f yagensã yĩng zamaan fãa wã.

SEBR SÕNGO

¹⁹ Woto m kõt-y-la Israyɛl kamba sẽn kõt maam bũmb ning wala b kũun sõma. La rẽ n na n yɩ yãmb me pʋɩɩre, foo ne f kom-dibli la f kom-pugli, zamaan woo zamaana, zooda yĩnga, zood ning sẽn kõn sãame, m sẽn yõg ne foo la f yagense. Yaa zood yõgb rɩɩbo sẽn ning yamsem.»

Sõadga 18:19 Iomraidhean Croise

2 Rĩm-dãmba 12:16

Bãmb sã n dag n sõd ligdã n kɩs tɩ b yao tʋmtʋmdbã, b ka leb n sokd bãmb b sẽn tall ligdã n maan bũmb ning ye. Bala, bãmb dag n tʋmda tʋʋmdã ne pʋ-peelem.

2 Kibayã 13:5

Yãmb ka mi tɩ Sẽn-Ka-Saab sẽn yaa Israyɛll Wẽnnaamã sẽn na n maan kaool ne a Davɩɩdã b naaga yamsem, n dɩk Israyɛll naamã n kõ yẽnda ne a yagensã tɩ b soog wakat fãa yĩng la?

2 Kibayã 31:4

La rĩmã yeela Zeruzalɛm nebã tɩ b ges maan-kʋʋdbã ne Leevi nebã yell n kõb-b pʋɩɩre, tɩ b tõe n paam daood Sẽn-Ka-Saab tõogã sakr pʋgẽ.

Yikri 29:27

Bɩ f welg pe-raoogã yãoog ne a gerã b sẽn zẽk n yuumã toore. Yaa pe-raoog ning b sẽn kʋ wakat ning b sẽn ning maan-kʋʋr tʋʋmdã a Aarõ ne a kom-dibli wã zutã.

Ezekiyɛl 43:24

n tall-b n wa maam a Sẽn-Ka-Saab taoore, tɩ maan-kʋʋdbã yugl-b yamsem, la b rɩk-b n maan maoong sẽn yõogd bugum Sẽn-Ka-Saab yĩnga.

Maan‑kʋʋre 2:13

Fo sã n dat n kõ bõn-koaadl kũun buudã fãa tɩ yɩ maoong sẽn yõogd bugum, bɩ f ning-a yamsem. Da kõ Sẽn-Ka-Saab zom kũun n ka ning-a yamsem ye. Bala, yamsmã mamsda kaool ning sẽn be foom ne f Wẽnnaamã sʋkã. Fo sã n na n maan maoong sẽn yõogd bugum fãa n kõ Sẽn-Ka-Saabo, bɩ f ning yamsem.

Maan‑kʋʋre 21:22

Yẽnda tõe n yãka a Wẽnnaamã rɩɩb b sẽn kõ tɩ yaa bũmb sẽn welg toor wʋsgã, ne bũmb nins b sẽn welg toorã n dɩ.

Maan‑kʋʋre 7:14

La bɩ b yãk-yãk kũunã buud toor-toorã n wilg Sẽn-Ka-Saabo. Bõn-kãens na n yɩɩ maan-kʋʋd ning sẽn maan-a zems-n-taar maoongã, la a yãk zɩɩmã n mesã pʋɩɩre.

Sõadga 18:11

Kũun a taab nins Israyɛll nebã sẽn na n tall n wa ne wã, bɩ y reeg rẽ me. Mam kõta foom kũun-kãense. La yaa foom ne f kom-dibli wã la f kom-pugli wã, la ne fo buudã neb nins fãa sẽn ka rẽgem b mensã n tõe n dɩ bõn-kãense, t'a yaa no-tũudg sẽn ka sɛta.

Sõadga 18:8

Sẽn-Ka-Saab yeela a Aarõ yaa: «Maam a Sẽn-Ka-Saab kõta foom noore, tɩ f get kũun nins fãa Israyɛll nebã sẽn na n talld n wat n kõt maamã yelle. Mam dɩkda kũun-kãens n kõt foom ne f kom-dibli wã, ne bũmb nins fãa Israyɛll nebã sẽn wat n kõtẽ wã, tɩ yɩ fo nug-tikr kaamã pʋɩɩre, la a yaa no-tũudg sẽn ka sɛta.»

Sõadga 31:29

La fo na n dɩka pʋɩɩrã n yãk pʋɩɩr n kõ maan-kʋʋd a Eleyazaare, tɩ yɩ kũun maam a Sẽn-Ka-Saab yĩnga.

Sõadga 31:41

La a Moyiis rɩka pʋɩɩr ning b sẽn yãk Sẽn-Ka-Saab yĩngã, n kõ maan-kʋʋd a Eleyazaare, wa Sẽn-Ka-Saab sẽn yeel a Moyiisã.

Yaoolem 12:26

Tall-y bũmb nins sẽn welg toor Sẽn-Ka-Saab yĩngã, ne bũmb nins yãmb sẽn pʋlem Sẽn-Ka-Saabã, n kẽng zĩig ning Sẽn-Ka-Saab sẽn yãkã pʋgẽ.

Yaoolem 12:6

Yaa beenẽ la yãmb na n tall y maand sẽn yõogd bugmã, ne y maand a taabã, la y piig pʋɩyã, ne y kũunã, la bũmb nins yãmb sẽn dag n pʋlem Wẽnnaamã, la yamleoog kũunã, ne yãmb rũm-bɛdã ne y rũm-bãoonegã kom-dẽemsã n kẽnge.