Sõadga 18:13 - WẼNNAAM SEBRE 2014

¹³ Tẽngã bõn-koaadlã biis bãmb sẽn na n tall n wa kõ maamã fãa, na n yɩɩ fo rẽnda. Ned ning fãa sẽn be fo zakã pʋgẽ n yaa yɩlemd tõe n dɩ-b lame.

SEBR SÕNGO

¹³ F na n le sooga kood rẽemsa fãa biisi, tɩɩsa bi-rẽemsa fãa b sẽn tall n wa Soaala-Wẽnd taoorã. Neb niyns fãa sẽn be f zakẽ n ka rẽgem tõe n dɩ-b lame.

Sõadga 18:13 Iomraidhean Croise

2 Rĩm-dãmba 4:42

Rao a yembr n yi Baall-Salisa n tall Oorz zom-paalg bur pisi, ne bɩle dẽenem biis a sẽn sui a korgẽ n zã n wa kõ Wẽnnaam dao a Eliize. La a Eliize yeelame tɩ b rɩk n kõ nebã tɩ b rɩ.

2 Kibayã 31:5

Rĩmã koɛɛgã sẽn saagã kɩtame tɩ Israyɛll kambã wa kõ bɩle wã, la reezẽ rãamã, kaamã, la sɩɩdã, ne bõn-koaadlã fãa dẽenem biisã. La bãmb talla bõn-bãmbã fãa piig pʋɩɩr me n wa.

Yikri 22:29

La bɩ f maan woto ne f rũm-bɛdã la f rũm-bãoonegã me. Rũm-dẽeng tog n paa ne a ma rasem a yopoe. La rasem a nii wã daare, bɩ f tall-a n wa kõ maam.

Yikri 23:19

Tall fo dẽenem biisã n wa Sẽn-Ka-Saab sẽn yaa fo Wẽnnaamã roogẽ. Da rʋg-y bull a ma bĩisim pʋg ye.»

Yikri 34:26

Tall fo tẽn-gãongã dẽenem biisã sẽn yaa sõama n yɩɩdã n wa Sẽn-Ka-Saab sẽn yaa fo Wẽnnaamã roogẽ. Da rʋg-y bull a ma bĩisim pʋg ye.»

Zeremi 24:2

Peoog a yembr kankam dag n yaa sõama wʋsgo, n yaa wa dẽenem biisi.

Ezekiyɛl 44:30

Bõn-koaadl buudã fãa dẽenem biisi, la yãmb sẽn na n yãk bũmb ning fãa mam yĩng yaa maan-kʋʋdbã n so. Yãk-y zom-nagdgã me dẽenem pʋɩɩr n kõ maan-kʋʋdã tɩ barkã tõe n sig y yiyã pʋse.

A Ooze 9:10

Mam yẽnda Israyɛll nebã, wa reezẽ biis sẽn be we-raoog pʋgẽ. Mam yãnda b ba-rãmbã wa kankam-kãse, la wa kankang bi-rẽemse. La bãmb kẽng n tɩ waooga Baall-Pewoore, n tɩ maan yãn-tʋʋmã, la b lebga yel-beed wa b sẽn nong-a soabã.

Maan‑kʋʋre 22:7

la wĩntoogã kõom poore, a soabã na n yaool n lebga yɩlemde, la wakat-kãnga, a tõe n dɩɩ kũun ning sẽn welg toorã, bala, yaa yẽnda rɩɩbo.

Maan‑kʋʋre 23:17

Yãmb sã n yit y zagsã pʋse, bɩ y zã bur a yiib sẽn na n kõ tɩ b yuume. Bur-kãens tog n yɩɩ bur sẽn maan ne zom-bãaneg sẽn ning rã-bɩll n kɩɩme. Rẽndã na n yɩɩ dẽenem biis kũun Sẽn-Ka-Saab yĩnga.

A Miise 7:1

Toog tara maam, bala, mam yaa wa ned sẽn wa n na n wob tɩ-biisi, sɩpaolg wẽnde, la wa ned sẽn wa reezẽ yiisgu, reezẽ wobr poore. Tɩ reezẽ gĩnd ba a ye ka be sẽn na n dɩ ye, la kankam-dẽems nins mam sẽn nongã ba a ye ka be ye.

Yaoolem 18:4

Yãmb na n kõo bãmb y koodã, la y reezẽ rãamã, ne y kaamã dẽenem biisi, la rũm-bãooneg nins yãmb sẽn wõrs pipi wã kõbdo.

Yaoolem 26:2

bɩ y yãk kood nins fãa yãmb sẽn paam tẽn-kãng pʋgẽ wã, tẽng ning Sẽn-Ka-Saab sẽn yaa yãmb Wẽnnaamã sẽn kõ yãmbã dẽenem biisi, n ning peoog pʋgẽ, n tall n kẽng zĩig ning Sẽn-Ka-Saab sẽn yaa yãmb Wẽnnaamã sẽn yãk n ning b yʋʋrã.