Sõadga 18:11 - WẼNNAAM SEBRE 2014

¹¹ Kũun a taab nins Israyɛll nebã sẽn na n tall n wa ne wã, bɩ y reeg rẽ me. Mam kõta foom kũun-kãense. La yaa foom ne f kom-dibli wã la f kom-pugli wã, la ne fo buudã neb nins fãa sẽn ka rẽgem b mensã n tõe n dɩ bõn-kãense, t'a yaa no-tũudg sẽn ka sɛta.

SEBR SÕNGO

¹¹ Kũun sẽn le ya fo rẽnna, yaa b sẽn kẽ Israyɛl kũuna pʋgẽ n yãk pʋɩɩr ning toorã. M dɩk-b lame n kõt yãmb ne y kamba, y kom-dibli la y kom-pugli, zamaan sẽn wate. Sẽn be-b fo zakẽ fãa n ka rẽgem tõe n dɩ-b lame.

Sõadga 18:11 Iomraidhean Croise

Maan‑kʋʋre 10:14

La bɩ foom ne f kom-dibli wã, la f kom-pugli wã kẽng zĩig sẽn yaa sõama pʋg n tɩ rɩ yãoogã b sẽn yuumã, ne ger ning sẽn yãk tɩ yaa kũunã. Bala, bõn-kãng yaa foom ne f kambã pʋɩɩre. B yãka bõn-kãens zems-n-taar maandã b sẽn maand Israyɛll nebã yĩngã sʋka.

Maan‑kʋʋre 7:14

La bɩ b yãk-yãk kũunã buud toor-toorã n wilg Sẽn-Ka-Saabo. Bõn-kãens na n yɩɩ maan-kʋʋd ning sẽn maan-a zems-n-taar maoongã, la a yãk zɩɩmã n mesã pʋɩɩre.

Sõadga 18:1

Sẽn-Ka-Saab yeela a Aarõ yaa: «Ned sã n maan bũmb sẽn ka zems zĩ-sõngã pʋgẽ, yellã bee foom ne f kom-dibli wã, la Leevi buudã zugu. La sã n yaa foom ne f kom-dibli wã n beege, y tʋʋmdã maaneg pʋgẽ, yellã na n zĩnda yãmb mens zutu.

Sõadga 18:10

Bõn-kãens na n yɩɩ yãmb dɩɩbo. La yaa raopã ne kom-dibli wã bal n tar noor tɩ rɩ rɩ-kãnga, bala, a yaa rɩɩb sẽn welg toore.

Sõadga 18:19

Woto, mam kõta yãmb kũun nins fãa Israyɛll nebã sẽn na n yãk kũun sẽn welg toor n kõ maam a Sẽn-Ka-Saabã. Kũun-kãens na n yɩɩ foom ne f kom-dibli wã la f kom-pugli wã pʋɩɩre, n yaa no-tũudg sẽn ka sɛta, wa sẽn zems yamsem kaool ning mam sẽn maan ne foom la ne f yagensã yĩng zamaan fãa wã.

Sõadga 18:8

Sẽn-Ka-Saab yeela a Aarõ yaa: «Maam a Sẽn-Ka-Saab kõta foom noore, tɩ f get kũun nins fãa Israyɛll nebã sẽn na n talld n wat n kõt maamã yelle. Mam dɩkda kũun-kãens n kõt foom ne f kom-dibli wã, ne bũmb nins fãa Israyɛll nebã sẽn wat n kõtẽ wã, tɩ yɩ fo nug-tikr kaamã pʋɩɩre, la a yaa no-tũudg sẽn ka sɛta.»

Yaoolem 18:3

Ad bũmb ning maan-kʋʋdbã sẽn tog n paam nebã nengẽ. Ned ning fãa sẽn na n kʋ loalg bɩ pesgo, wall bʋʋga, a na n kõo maan-kʋʋdã bãokã ne lemdã, la pʋʋrã.