Sõadga 18:10 - WẼNNAAM SEBRE 2014

¹⁰ Bõn-kãens na n yɩɩ yãmb dɩɩbo. La yaa raopã ne kom-dibli wã bal n tar noor tɩ rɩ rɩ-kãnga, bala, a yaa rɩɩb sẽn welg toore.

SEBR SÕNGO

¹⁰ Y na n zĩnda zĩ-sõngẽ n dɩ-ba. Rao fãa tõe n dɩ-b lame, yaa rɩɩb sẽn ya rɩ-sõma.

Sõadga 18:10 Iomraidhean Croise

Ezekiyɛl 42:13

Raoã yeela maam yaa: «Ro-bãooneg nins sẽn be nug-goabgã ne nug-rɩtgã, sẽn be zĩ-vɩʋʋgã taoorã yaa rot sẽn welg toore. Yaa ro-bãmb pʋs la maan-kʋʋdbã na n wat n yalsd Sẽn-Ka-Saab taoore, n dɩt bũmb nins sẽn welg toor n yɩɩdã. Yaa beenẽ la bãmb na n wat n bĩngd bũmb nins sẽn welg toor n yɩɩdã: bõn-koaadl kũunã, yel-wẽnã sugr kũun maandã, ne zems-n-taar maandã. Zĩ-kãng yaa zĩig sẽn welg toore.

Maan‑kʋʋre 10:13

Yãmb tog n dɩ-a-la zĩig sẽn welg toorã pʋga. Woto yaa noor b sẽn kõ foom ne f kom-dibli wã yĩnga, sẽn kẽed maoong sẽn yõogd bugum Sẽn-Ka-Saab taoorã wɛɛngẽ. Bala, b yeela maam tɩ m maan a woto.

Maan‑kʋʋre 10:17

«Bõe yĩng tɩ yãmb ka kẽng zĩig sẽn welg toorã pʋg ne kongr maoongã rũng n tɩ rɩ-a? Bõn-kãng yaa bũmb sẽn welg toor zãng fasɩ Sẽn-Ka-Saab yĩnga. La Sẽn-Ka-Saab rɩka bõn-kãng n kõ yãmba, tɩ yãmb tõe n tʋk Israyɛll nebã kongrã, n maan paasg tʋʋmd Sẽn-Ka-Saab taoore, tɩ Israyɛll nebã tõe n paam b yel-wẽnã sugri.

Maan‑kʋʋre 14:13

La bɩ maan-kʋʋdã kodg pe-riblã zĩig ning b sẽn kʋʋd beegr rũngã ne maoong sẽn yõogd bugmã, sẽn yaa zĩig sẽn welg toorã pʋgã. Bala, beegr maoongã rũngã, ne maoong sẽn yõogd bugmã rũng yaa maan-kʋʋdã n so. Yẽnda yaa bũmb sẽn welg toor wʋsgo.

Maan‑kʋʋre 21:22

Yẽnda tõe n yãka a Wẽnnaamã rɩɩb b sẽn kõ tɩ yaa bũmb sẽn welg toor wʋsgã, ne bũmb nins b sẽn welg toorã n dɩ.

Maan‑kʋʋre 6:16

Maan-kʋʋd fãa kũun tog n yõoga bugum zãnga, la b ka tog n dɩk-a n dɩ ye.»

Maan‑kʋʋre 6:18

«Yeel a Aarõ ne a kambã yaa: ‹Ad yel-wẽnã maoong tõog sẽn yaa to-to. Yaa zĩig ning b sẽn maand maoongã la b na n kodg rũngã b sẽn kõ yel-wẽnã yĩngã Sẽn-Ka-Saab taoore. Yõwã yaa bũmb sẽn welg toor zãnga.

Maan‑kʋʋre 7:6

Yaa maan-kʋʋdbã buud neb nins sẽn yaa raopã bal n tar noor tɩ rɩ maoon-kãngã nemdã. B tog n dɩ-a-la zĩig sẽn welg toor pʋga, bala, a yaa bũmb sẽn welg toor zãng fasɩ.

Sõadga 18:11

Kũun a taab nins Israyɛll nebã sẽn na n tall n wa ne wã, bɩ y reeg rẽ me. Mam kõta foom kũun-kãense. La yaa foom ne f kom-dibli wã la f kom-pugli wã, la ne fo buudã neb nins fãa sẽn ka rẽgem b mensã n tõe n dɩ bõn-kãense, t'a yaa no-tũudg sẽn ka sɛta.

Sõadga 18:9

Rẽ wã, b sã n wa yãk kũun ning sẽn yaa mam dẽndã n yõog bugum tẽn-kugrã zug n sɛ, sẽn kell-a wã na n yɩ fo pʋɩɩre. Yaa zomã kũunã, yel-wẽnã sugr kũun maoongã kũuni, ne zems-n-taar maoongã kũun Israyɛll nebã sẽn tall n wa kõ maamã. Kũun-kãensã fãa b sẽn wa n kõ maamã na n yɩɩ foom ne f yagensã rẽnda.