Sõadga 17:3 - WẼNNAAM SEBRE 2014

³ Neb nins sẽn dag n so-b la-bãmbã maana yel-wẽna, n deeg b yel-wẽnã yaood sẽn yaa kũum. La ne rẽ fãa, b sẽn tall la-bãmb n wa maam a Sẽn-Ka-Saab taoorã yĩnga, b lebga maam n so. Rẽ wã, bɩ y rɩk la-bãmb n kud tɩ lebg paklse, tɩ y tall-b n lud tẽn-kugrã, la bõn-kãng na n yɩɩ keoogr bãnde, Israyɛll nebã yĩnga.»

SEBR SÕNGO

³ B rɩk nin-bãmba sẽn yao b beegra ne b yõorã, b rɩk b wisda laase n kud-b tɩ b lebg paklse n tableg maan-kugrã; yaa kũun sẽn ta Soaala-Wẽnd taoore n lebg bõn-sõma. B na yɩ wa bũmb sẽn nekd Israyɛl kamba pʋ-tẽere.»

Sõadga 17:3 Iomraidhean Croise

Yikri 6:16

Ad a Leevi kom-dibli ne a yagens yʋy wa sẽn zems b roto: A Gerson ne a Kehat la Merari. A Leevi vɩɩmd n kaoosa yʋʋm koabg la pis-tã la a yopoe.

Yikri 6:20

A Amram peega a pʋgdb a Zokebɛɛd n maan a paga, n dog a Aarõ ne a Moyiisi. A Amram vɩɩmd n kaoosa yʋʋm koabg la pis-tã la a yopoe.

Zeremi 42:20

Yãmb belgda y mense, bala yãmb tʋma maam Sẽn-Ka-Saab sẽn yaa yãmb Wẽnnaamã nengẽ n yeel yaa: ‹Pʋʋs Sẽn-Ka-Saab sẽn yaa tõnd Wẽnnaamã tõnd yĩnga. La bũmb ning fãa Sẽn-Ka-Saab sẽn yaa tõnd Wẽnnaamã sẽn na n yeel tɩ d maane, tõnd na n maaname!›

Ezekiyɛl 37:16

«Foom, a ninsaala, rɩk ra-peok n gʋls a zug woto: ‹Zʋʋda ne Israyɛll nebã sẽn naag yẽnda wã yĩnga.› Rɩk raoog a to n gʋls a zugu: ‹A Zozɛf sẽn yaa a Efrayiim daoogã, ne Israyɛll buudã fãa sẽn naag yẽnda wã yĩnga.›

Sõadga 17:2

«Yeel maan-kʋʋd a Aarõ biig a Eleyazaar t'a yiis wisd yõogr laasã sẽn be bugmẽ wã, n tɩ lob bug-saalã zĩ-zãrgẽ, tɩ bala, laasã lebga Sẽn-Ka-Saab rẽnda.

Sõadga 17:4

Dẽ, maan-kʋʋd a Eleyazaar wʋka neb nins bugmã sẽn kʋ wã zũud laasã sẽn yaa wisd yõogr laasã, n kud tɩ b lebg paklse, t'a rɩk-b n lud tẽn-kugrã.

Sõadga 18:1

Sẽn-Ka-Saab yeela a Aarõ yaa: «Ned sã n maan bũmb sẽn ka zems zĩ-sõngã pʋgẽ, yellã bee foom ne f kom-dibli wã, la Leevi buudã zugu. La sã n yaa foom ne f kom-dibli wã n beege, y tʋʋmdã maaneg pʋgẽ, yellã na n zĩnda yãmb mens zutu.

Sõadga 18:7

La foom a Aarõ ne f kom-dibli wã na n maana y maan-kʋʋr tʋʋmdã tẽn-kugrẽ wã, ne zĩig sẽn welg toor n yɩɩd fãa wã sẽn be fu-lillidgã poorẽ wã. Yaa maam n kõ yãmb tʋʋm-kãnga. La nin-zaalg sẽn ka Leevi ned sã n kolg be, bɩ b kʋ-a.»

Sõadga 26:10

Tẽngã yaaga a noor n vel bãmb ne a Koore, la yɩɩ daar ninga bugmã sẽn dɩ a Koore poorẽ dãmbã n kʋ neb kobs-yi la pis-nu wã. Bõn-kãng yɩɩ keoogr Israyɛll neb a taabã yĩnga.