Sõadga 16:5 - WẼNNAAM SEBRE 2014

⁵ La Moyiis yeela a Koore ne a poorẽ dãmbã yaa: «Beoog yibeoogo, Sẽn-Ka-Saab na n kɩtame tɩ b bãng ned ning sẽn welg toor n yaa bãmb dẽnda, n kɩt t'a kolg bãmba, la yaa bãmb sẽn na n yãk a soabã n na n kolge.

SEBR SÕNGO

⁵ A yeela a Kore ne a nebã: «Beoog yibeoogo Soaala-Wẽnd meng n na n welg b welgre n wilg sẽn ya-a sõngo la a tõe n kolg bãmba. B sẽn welg a soab toorã n na n tõog n kolg-ba.

Sõadga 16:5 Iomraidhean Croise

Yɩɩn‑sõamyã 105:26

Sẽn-Ka-Saab tʋma bãmb tʋmtʋmd a Moyiis ne a Aarõ bãmb sẽn yãkã,

Yɩɩn‑sõamyã 115:10

A Aarõ yagense, teeg-y Sẽn-Ka-Saabo! Sẽn-Ka-Saab n yaa bãmb sõangda, la b gãongo.

Yɩɩn‑sõamyã 65:4

Kongrã pãng yɩɩda maam, la yãmb na n kõo tõnd sugr d beegrã yĩnga.

Yikri 28:1

«Bool f kẽem a Aarõ ne a kom-dibli wã tɩ b yi Israyɛll nebã sʋk n wa fo nengẽ, n wa maan maan-kʋʋr tʋʋmd mam waoogr yĩnga. Yaa a Aarõ ne a kom-dibli wã, a Nadaabe, ne a Abihu la a Eleyazaar ne a Itamaare.»

Yikri 28:41

Yeelg f kẽem a Aarõ ne a kom-dibli wã ne fu-kãense. La f pʋdg kaam bãmb zut n ning tʋʋmdã bãmb zutu, n welg bãmb toor tɩ b maan maan-kʋʋr tʋʋmd mam taoore.

Yikri 28:43

A Aarõ ne a kom-dibli wã sã n wa na n kẽ sɛk roogã pʋgẽ, wall b sã n wa na n kolg tẽn-kugrã n maan sɛk zĩigã tʋʋmde, b tog n sẽgna kur-bãmba, tɩ yel-wẽnã ra zĩnd bãmb zut tɩ b wa ki ye. Bõn-kãng na n yɩɩ no-tũudg sẽn ka sɛta, a Aarõ ne a yagensã sẽn na n pʋgl yẽnda wã yĩnga.»

Zeremi 30:21

Bãmb sʋkã ned a yembr n na n yɩ b naaba. Sẽn na n soog-a bãmbã na n yɩɩ bãmb buudã neda. Mam na n kɩtame tɩ yẽnda kolg maam, la yẽnda na n kolga maam, bala, ned ka na n saag n kolg maam, tɩ sã n ka maam n bool-a soab ye. Maam a Sẽn-Ka-Saab n yeele.

Zeremi 49:19

Mam na n waa wa gɩgemd sẽn yit Zʋrdẽ kʋɩlgã noor weoogã pʋgẽ, n dig Edom nebã tɩ b fão n yi n bas b tẽngã wakat-yɛng pʋgẽ. La mam na n kɩtame tɩ m sẽn yãk-a soabã soog Edom. Bala, ãnda soab n zem maam? Ãnda soab n tar noor ne maam? La na-bʋg n tõe n yals mam taoore?

Zeremi 50:44

Mam na n waa wa gɩgemd sẽn yit Zʋrdẽ kʋɩlgã noor kãgrã pʋgẽ, n dig Babilond nebã tɩ b fão n yi n bas b tẽngã wakat-yɛng pʋgẽ. La mam na n kɩtame tɩ m sẽn yãk-a soabã soog Babilonde. Bala, ãnda soab n zem maam? Ãnda soab n na sok maam tɩ bõe la m maanda? La na-bʋg n tõe n yals mam taoore?

Ezekiyɛl 40:46

Roog ning neng sẽn tees-a nug-goabgã yaa maan-kʋʋdb nins sẽn tʋmd tẽn-kugrã tʋʋmdã yĩnga. Leevi yagensã sʋka, yaa a Sadok yagensã bal n tõe n kolg Sẽn-Ka-Saab n tʋm maan-kʋʋrã tʋʋmde.»

Ezekiyɛl 43:19

Bao loalg n kõ Leevi maan-kʋʋdb nins sẽn yaa a Sadok yagensã, la sẽn kolgd maam n maand tʋʋmdã, tɩ b maan yel-wẽnã sugr kũun maoongo. Maam a Zu-soab a Sẽn-Ka-Saab n yeele.

Ezekiyɛl 45:4

Zĩ-kãng na n yɩɩ zĩig sẽn welg toor b sẽn yãk tẽngã pʋga. Zĩ-kãng yaa maan-kʋʋdbã sẽn tʋmd zĩig ning sẽn welg toorã pʋg rẽnda. Bãmb bee Sẽn-ka-Saab taoor n tʋmd bãmb yĩnga. Bãmb dotã na n zĩnda beenẽ, la zĩ-kãng na n welga toore, zĩig ning sẽn welg toorã yĩnga.

Maan‑kʋʋre 10:3

A Moyiis yeela a Aarõ yaa: «Sẽn-Ka-Saab rag n yeelame: ‹Neb nins sẽn kolgd maamã tog bãngame tɩ mam welga toore, la tɩ nebã fãa tõe n waoog maam.› » La a Aarõ ka leb n yeel tɩ bũmb yɛs ye.

Maan‑kʋʋre 8:2

«Peeg a Aarõ ne a kom-dibli wã, la f rɩk fut ne kaam ning b sẽn pʋdgd maan-kʋʋdbã zutã, ne loalg sẽn na n maan maoong yel-wẽnã sugr yĩnga, la f wa ne pe-raad a yiibu, ne bur sẽn ka ning rã-bɩll peoogo.

Malasi 3:18

Woto, yãmb na n leb n yãnda welgr ning sẽn be nin-tɩrg ne nin-wẽng sʋka, la welgr ning sẽn be sẽn sakd-b Wẽnnaam ne sẽn ka sakd-b Wẽnnaamã sʋka.

Sõadga 16:3

Dẽ, bãmb tɩ tigma taab n zab ne a Moyiis la a Aarõ n yeele: «Tõnd yamã yii ne yãmb manesmã! Bala, nebã fãa welga toor Sẽn-Ka-Saab yĩnga, la Sẽn-Ka-Saab bee bãmb sʋka. La bõe yĩng tɩ yãmb zẽkd y mens wa yãmb yɩɩda neb a taabã?»

Sõadga 16:6

Dẽ wã, ad foom a Koore ne f poorẽ dãmbã sẽn na n maane: bɩ y rɩk wisd yõogr laase.

Sõadga 17:5

Woto, kud-pakles-kãens rag n tẽegda Israyɛll nebã tɩ sã n ka a Aarõ yagensã bala, nin-zẽng ka tar noor tɩ yõog wisd Sẽn-Ka-Saab taoor ye. La ned sã n kɩɩs tõ-kãngã, sɩbgr ning sẽn paam a Koore ne a poorẽ dãmbã na n paama a soaba, wa Sẽn-Ka-Saab sẽn dag n yeel a Moyiis t'a yeel a Aarõ wã.

Sõadga 17:8

Woto, a Moyiis ne a Aarõ kẽnga sɛk roogã noore.

A Zã Sõng 15:16

Ka yãmb n yãk maam ye, yaa maam n yãk yãmba, n ning m tʋʋmd yãmb zutu, tɩ yãmb na kẽng n wom biisi, la tɩ yãmb biisã na pa wakat fãa. Woto, bũmb ning fãa yãmb sẽn na kos m ba ne mam yʋʋre, b na kõ yãmba.

Tʋʋma 1:2

hal tɩ ta daar ning bãmb sẽn zẽk n kẽng arzãna. Sẽn deng a Zeezi sẽn na n zẽke, b kõo b tõodã tẽn-tʋmdb nins bãmb sẽn tũusã, ne Sɩɩg-sõng pãnga.

Tʋʋma 1:24

Dẽ, bãmb fãa pʋʋsa a woto: Zu-soaba, yãmb sẽn mi nebã fãa sũyã, wilg-y ned ning yãmb sẽn yãk bãmb b yiibã sʋka,

Tʋʋma 13:2

Bãmb sẽn dag n maand Zu-soabã tʋʋmd la b loet noore, Sɩɩg-sõng yeel-b lame tɩ b yãk a Barnabaas ne a Soll n welg-b toore, tɩ b maan tʋʋmd ning b sẽn bool-b tɩ b maanã.

Tʋʋma 15:7

Bãmb sẽn wẽ nokoɛɛm wʋsg n kaoose, a Pɩyɛɛr yikame n yeel yaa: M ba-biisi, hal pipi wakat bala, Wẽnnaam yãka maam yãmb sʋk tɩ m moon koe-noogã bu-zẽmsã me tɩ b wʋme, la b tẽ.

Tʋʋma 22:14

A Hananiyaas yeelame yaa: «Tõnd yaab-rãmbã Wẽnnaam pĩnd n yãka yãmb tɩ y bãng b tʋlsem, tɩ y yã tɩrlem soabã la y wʋm bãmb noor goamã.

Efɛɛz Rãmba 2:13

La moasã, Kiris pʋgẽ, yãmb sẽn dag n zãr wakat sẽn loogã, Kiris zɩɩmã maasem yĩnga, yãmb pẽnegame.

2 Tɩmote 2:19

Baoosgo, yẽbg-kãenkãe ning Wẽnnaam sẽn yẽbgã yasame, la gomd ning sẽn pʋgdã ning-a-la bãnde: Zu-soabã mii neb nins sẽn yaa bãmb dẽndã, la ned ning fãa sẽn pʋt Zu-soabã yʋʋr tog n basa ka-tɩrlem.

Ebre rãmba 12:14

Bɩ y bao tɩ laafɩ zĩnd yãmb ne nebã fãa sʋka, la y bao pʋ-peelem, tɩ pʋ-peelem sã n kaẽ, ned ka tõe n yã Zu-soabã ye.

Vẽnegre 1:6

n yiis d yel-wẽnã, n maan tõnd tɩ d lebg soolem maan-kʋʋdb bãmb ba a Wẽnnaam yĩngã, bãmb n tog ne ziiri la pãng zamaan woo zamaane! Ãmina!

1 Sãmwɛlle 2:28

Mam yãka bãmb Israyɛll buudã fãa sʋk tɩ b yɩ mam maan-kʋʋdba, n get maan-kʋʋrã tʋʋmd yelle, la b kẽnd m tẽn-kugrẽ wã n yõogd wisdu, la b yeelgd maan-kʋʋr futã mam taoore. La mam dɩka Israyɛll nebã kũunã buud fãa, ne maand nins sẽn yõogd bugmã n kõ y yaab-rãmbã.