Sõadga 16:26 - WẼNNAAM SEBRE 2014

²⁶ La a Moyiis yeela nebã yaa: «Zãag-y y mens ne nin-wẽn-kãensã rotã, la y ra sɩɩs bãmb bũmb ba a yembr ye, tɩ bãmb yel-wẽnã yĩng ra wa n kɩt tɩ yãmb naag n ki ye.»

SEBR SÕNGO

²⁶ A Moyiiz goma woto ne zãma wã: «Zãag-y y mens ne nin-wẽnsa roto, da sɩɩs-y bũmb ba a ye b sẽn so ye tɩ b yel-wẽna wa kɩt tɩ y naag-ba n ki ye.»

Sõadga 16:26 Iomraidhean Croise

Sɩngrẽ 19:17

Bãmb sẽn tall-b n yiis tẽngã n sɛ, raopã ned a yembr yeela a Lot yaa: «Zoe n paam n fãag f yõore. Ra wẽnemd n ges f poorẽ ye, la f ra yals soolem-kãngã zĩig baa a yembr pʋg ye! Zoe n kẽng tãmsã sẽnẽ n da wa ki ye.»

A Ezayi 52:11

Yãmb dãmb fãa sẽn tʋkd Sẽn-Ka-Saab lagdã, yi-y beenẽ n looge! Loog-y-yã! Da sɩɩs-y bũmb sẽn yaa rẽgd ye! Yi-y bõn-kãens sʋka! Yɩlg-y y mense!

Zeremi 51:6

Zoe-y n yi-y Babilonde! Bɩ ned kam fãa zoe n fãag a menga! Da naag-y Babilond n sãam a kongrã yĩng ye! Bala, yaa wakat Sẽn-Ka-Saab sẽn dokd b sũuri, la b na n yaoo Babilond wa sẽn zems a tʋʋmã.

Sõadga 16:25

Dẽ, a Moyiis yikame n kẽng a Datã, ne a Abiram nengẽ, la Israyɛll kãsem-dãmbã me yik n pugla yẽnda n kẽnge.

A Matiye Sõng 10:14

La b sã n ka reeg yãmba, la b ka kelg yãmb goamã, bɩ y yi zag-kãnga, walla tẽn-kãng pʋga, la y pĩms‑y y naowã tom.

Tʋʋma 13:51

Dẽ a Poll ne a Barnabaas pĩmsa b naoã tom nin-bãmb yĩnga, la b yi n kẽng Ikoniyom.

Tʋʋma 8:20

La a Pɩyɛɛr yeela yẽnda yaa: Bɩ f ligdã naag foom n sãam, fo sẽn tẽed tɩ ligd tõe n daa Wẽnnaam kũunã yĩnga.

2 Korẽnt rãmba 6:17

Yaa woto yĩng tɩ Zu-soabã yetẽ yaa: Yi-y bãmb sʋka, welg-y toor ne-ba. La y ra sɩɩs bũmb sẽn yaa rẽgd ye, la mam na reeg yãmba.

Yaoolem 13:17

Bɩ y wʋk teedã fãa n wa tẽngã zĩ-sõasdgẽ, la y yõog tẽngã ne bũmb nins fãa sẽn be a pʋgẽ wã bugum Sẽn-Ka-Saab sẽn yaa yãmb Wẽnnaamã yĩnga, t'a lebg bug-toaalg wakat fãa. Bɩ b ra leb n me-a ye.

1 Tɩmote 5:22

Da yãg n tigs nebã ne f nus n kẽes-b Wẽnnaam tʋʋmdẽ wã ye, la f ra naag ned a yel-wẽnd maanegẽ ye. Fo mengã, tall f meng ne sõmblem.

Vẽnegre 18:4

La mam wʋma koɛɛg a to sẽn yi arzãn n yeele: Mam nebã, yi-y tẽngã pʋga, tɩ y ra wa n naag n maan yel-wẽn ning a sẽn maandã, la tɩ y ra wa n naag yẽnda n paam tood nins sẽn na n paam-a wã ye.