Sõadga 16:22 - WẼNNAAM SEBRE 2014

²² La a Moyiis ne a Aarõ wõgemdame n fõgen b nens tẽng n yeel yaa: «Wẽnnaam! Yaa yãmb n kõt bũmb nins fãa yãmb sẽn naanã vɩɩm! Rẽ yĩnga, yãmb na n yika y sũur ne nin-kãensã fãa, tɩ yaool n yaa nin-yɛng bal n beegã?»

SEBR SÕNGO

²² B kɩ b neng tẽng n yeele: «Soaala-Wẽnde sẽn zãad naand fãa vɩɩm, bõe tɩ nin-yend beeg tɩ y sũura puugd ne zãma wã fãa?»

Sõadga 16:22 Iomraidhean Croise

Sɩngrẽ 18:32

A Abrahaam leb n yeelame: «Mam Zu-soaba, ra yik-y y sũur ye. Mam sã n gom woto n paase, mam ka na n leb n gom ye. Tõeeme tɩ b tõe n yãnda nin-tɩrs piig beenẽ.» La Zu-soabã yeelame: «Nin-tɩrs piig sã n be beenẽ, bãmb maasem yĩnga, mam ka na n sãam tẽngã ye.»

2 Sãmwɛlle 24:1

Sẽn-Ka-Saab sũur leb n yika ne Israyɛll nebã, la b kɩtame t'a Davɩɩd maan yell n yeel tɩ b sõd Israyɛll ne Zʋʋda nebã fãa.

2 Sãmwɛlle 24:17

A Davɩɩd sẽn yã Malɛɛkã sẽn kʋʋd nebã, a yeelame yaa: «Sẽn-Ka-Saabo, yaa maam n beeg yãmba. La nin-bãmbã maana bõe? M kotame tɩ y sɩbgrã yɩ maam ne m yirã rãmba.»

A. Zoobe 12:10

Bõn-vɩɩsã fãa vɩɩm bee bãmb nugẽ, la ninsaal buud fãa vʋʋsem saga b nugẽ.

Yɩɩn‑sõamyã 99:6

A Moyiis ne a Aarõ sẽn dag n be Sẽn-Ka-Saab maan-kʋʋdbã sʋkã, ne a Samwɛll sẽn dag n be sẽn boond-b bãmb yʋʋrã sʋkã, b fãa boola Sẽn-Ka-Saabo, la b leoka bãmba.

Kowelɛt 12:7

la tomã sẽn nan ka lebg n leb tẽng tomẽ wã, wa a sẽn dag n yaa bũmb ning pĩndã, tɩ sɩɩgã leb n leb Wẽnnaam ning sẽn dag n kõ yẽnda wã nengẽ.

A Ezayi 57:16

Mam ka na n zab ne bãmb wakat fãa ye, la m ka na n yik m sũur wakat fãa ye. Bala, yaa mam taoor la ninsaal sɩɩgã baasda, yaa vʋʋsem ning mam sẽn naanã.

Zeremi 32:27

«Ade, mam yaa Sẽn-Ka-Saabo, n yaa bõn-vɩɩsã fãa Wẽnnaam. Bũmb ka be sẽn yaa toog ne maam ye.

Zeremi 38:16

La rĩm a Sedesiyaas soos n wẽena ne a Zeremi n yeel-a yaa: «Mam wẽenda ne Sẽn-Ka-Saab sẽn vɩ wã yʋʋre, sẽn naan-a tõndã, tɩ m ka na n kɩt tɩ b kʋ-fo, wall m bas-f nin-kãensã sẽn dat n kʋ foomã nugẽ ye.»

Ezekiyɛl 18:4

Ninsaalbã fãa yaa maam n so. Ba-rãmbã ne kambã fãa yaa maam n so. Yaa ned ning sẽn maan-a yel-wẽnã n na n ki.

Maan‑kʋʋre 10:6

A Moyiis yeela a Aarõ ne a kom-dibli wã, a Elyazaar ne a Itamaare: «Da zũndg-y y zoobdã, la y ra pãrs y fut n wilg tɩ y bee sũ-sãang pʋg ye. Dẽ, yãmb kõn ki, la y kõn tak Sẽn-Ka-Saab sũ-puugrã n sik nebã zug ye. Bas-y tɩ yãmb saam-biisã sẽn yaa Israyɛll nebã yãb neb nins Sẽn-Ka-Saab sẽn kɩt tɩ bugmã rɩ n kʋ wã yĩnga.

Maan‑kʋʋre 4:3

Sã n mikame tɩ yaa maan-kʋʋr kãsmã b sẽn pʋdg a zug kaamã n beege, n kɩt tɩ nebã lʋɩ kongr pʋgã, yẽnda tog n waa ne loalg sẽn ka tar zanga, tɩ b maan maoong n kõ Sẽn-Ka-Saab tɩ yẽnda tõe n paam a kongrã sugri.

Zakari 12:1

Sɩbgr koɛɛga. Sẽn-Ka-Saab koɛɛg Israyɛll wɛɛngẽ. Ade, Sẽn-Ka-Saab sẽn yaa soab ning sẽn yɛdg sa-gãongã la b vigl tẽngã, n kɩt tɩ sɩɩg be ninsaalb pʋgẽ wã yetame:

Sõadga 14:5

A Moyiis ne a Aarõ lʋɩ n fõgna b nens tẽng Israyɛll nebã fãa taoore.

Sõadga 16:23

La Sẽn-Ka-Saab yeela a Moyiis yaa:

Sõadga 16:4

A Moyiis sẽn wʋm gom-kãensã wã, a wõgemdame n fõgen a neng tẽnga.

Sõadga 27:16

«Wẽnnaam Sẽn-Ka-Saabo, yãmb n kõt bõn-naandsã fãa vɩɩm, bɩ y yãk ned n lʋɩɩs y nebã taoore.

Rom Dãmba 5:18

Woto yĩnga, a wa ned a yembr tãa beegr sẽn kɩt tɩ sɩbgr paam nebã fãa wã, woto me, tɩrlem tʋʋmd a yembr tãa maasem yĩnga, tɩrlem sẽn kõt vɩɩmã tata nebã fãa.

1 Korẽnt rãmba 13:7

a maanda sugr bũmb fãa yĩnga, a tẽeda bũmb fãa, a tara saag-sõng ne bũmb fãa, la a sakda bũmb fãa.

Ebre rãmba 12:9

Tõnd sẽn paam yĩng ba-rãmb tɩ b ra sɩbgd tõnd tɩ tõnd waoog-bã, tõnd ka tog n sak d sɩɩs ba wã n yɩɩda, tɩ d tõe n paam vɩɩm?

Zozuwe 22:18

Yãmb sã n yik n bas Sẽn-Ka-Saab rũndã, yãmb sã n kɩɩs Sẽn-Ka-Saabo, beoogo, bãmb sũurã na n yika ne Israyɛll nebã fãa.