Sõadga 16:13 - WẼNNAAM SEBRE 2014

¹³ Fo yiisa tõnd tẽng sẽn pid ne bĩisim la sɩɩd wʋsg pʋgẽ, n tall tõnd n wa weoogã pʋgẽ ka tɩ d na n ki, tɩ rẽndã ka sek foom ye, tɩ f leb n dat n modg tõnd n soog-do!

SEBR SÕNGO

¹³ Pa sek foo tɩ f zãag-d ne tẽng sẽn da lengd ne bĩisim la sɩɩdo n na n tɩ kʋ-d we-raoogẽ? Bõe tɩ f rat n yɩ d taoor soaba?

Sõadga 16:13 Iomraidhean Croise

Yikri 1:11

Dẽ, b yãka yembd tʋʋm taoor dãmba, sẽn na n yɩlẽ tɩ b modg Israyɛll nebã n kɩt tɩ b tʋm tʋʋm-wɛgla. Yɩɩ woto tɩ b me teed bĩngr tẽmse, Faarõ yĩnga: Yaa Pitom ne Ramsɛɛse.

Yikri 1:22

Dẽ, Faarõ yeela a nebã fãa yaa: «Kom-dibli nins fãa sẽn na n dogã bɩ y lob-b Nill kʋɩlgã pʋgẽ, la y bas kom-pugli wã fãa tɩ b vɩɩmde.»

Yikri 16:3

Israyɛll nebã yeela bãmb yaa: «Sẽn-Ka-Saab sã n dag n kʋẽ tõnd Ezɩpt tẽngã wakat ning tõnd sẽn dag n ket n zĩ nemdã rʋgd sɛɛgẽ, la tõnd sẽn dag n dɩt n tɩgdã n são! Bala, yãmb sẽn tall tõnd n wa we-ra-kãngã pʋgẽ wã yaa sẽn na n yɩlẽ tɩ kom kʋ kʋʋn-kãngã fãa!»

Yikri 17:3

Ko-yũud yõka nebã beenẽ. La nebã yẽgma ne a Moyiis n yeele: «Yaa bõe tɩ yãmb yiis tõnd Ezɩpt soolmã pʋgẽ, n tall tõnd n wa ka tɩ d na n ki ko-yũudu, tõnd ne d kambã la d rũmsã?»

Yikri 2:14

Raoã leoka yẽnda yaa: «Ãnda n kõ foom noor tɩ f soog tõndo la f yɩ tõnd bʋ-kaooda? Fo rat n kʋʋ maam wa fo sẽn kʋ Ezɩpt nedã bɩ?» Dẽ, rabeem yõka a Moyiisi, t'a yeel tɩ yellã pukame.

Yikri 2:23

Sẽn kaoos wʋsg rẽ zugẽ, Ezɩpt rĩmã kiime. La Israyɛll nebã rag n yãbdame la b kelemd b yembdã pʋga. Bãmb sẽn dag n kelemd n baood sõngr b yembdã pʋgẽ wã zẽk n taa Wẽnnaam nengẽ.

Ezekiyɛl 34:18

Yãmb sẽn wãbd yam-maasã ka sek yãmb tɩ y bas n tabd yamdã sẽn ketã? Yãmb sẽn yũud ko-yɩlemdã ka sek yãmb tɩ y bas n bendgd koomã ne y naoã,

Sõadga 11:20

Yãmb na n wãba nemdã kiuug tõre. Y na n wãb-a lame t'ɩ loog-yã, hal n wa yit y yõ-bogdẽ wã, tɩ y yamã yi-a. Bala yãmb basa Sẽn-Ka-Saab sẽn be ne yãmbã, n yẽgem n yeel tɩ maana a wãn tɩ b yiis yãmb Ezɩpt tẽngã.»

Sõadga 11:4

Daar a to, nin-sãams buud toor-toorã sẽn da be Israyɛll nebã sʋkã yikame tɩ velem tar-ba. La Israyɛll nebã me leb n sɩnga yẽgeng n yetẽ: «Tõnd na n maana a wãn n paam nemd ka n wãbe?»

Sõadga 11:5

Tõnd ket n tẽrame tɩ Ezɩpt tẽngã, tõnd dag n dɩta d sẽn date: kʋmba, yoaga, niiri, gãbdo, la albasle.

Sõadga 13:27

Ad koees nins bãmb sẽn togs a Moyiisã: «Yãmb sẽn tʋm tõnd tɩ d kẽng tẽng ningã, tõnd kẽngame. La tẽngã sɩd pida ne sɩɩd la bĩisim. Dẽ, tẽngã tɩɩs biis la woto.

Sõadga 14:2

Dẽ, bãmb yẽgma ne a Moyiis la a Aarõ n yeel-b yaa: «Tõnd sã n dag n kiẽ Ezɩpt tẽngã, bɩ weoogã pʋg n são.

Sõadga 14:3

Yaa bõe tɩ Sẽn-Ka-Saab talld tõnd n na n kẽes tẽng a woto pʋgẽ? Tõnd na n kii zabrẽ wã, tɩ b wʋk d pagbã ne d kambã. Tõnd sã n lebg n leb Ezɩpt tẽngã n são.»

Sõadga 16:12

Rẽ zugẽ, a Moyiis tʋmame tɩ b tɩ bool a Datã, ne a Abiram sẽn yaa a Elyaab kom-dibli wã tɩ b wa. La bãmb yeelame tɩ b tɩ yeel a Moyiis yaa: «Tõnd ka na n wa ye.

A Luk Sõng 19:14

La a soolmã nebã rag n kisa yẽnda, la b tʋma neb tɩ b pʋgl-a n tɩ yeel yaa: ‹Tõnd ka rat tɩ rao-kãngã soog tõnd ye.›

Tʋʋma 7:35

Moyiis ningã Israyɛll kambã sẽn dag n yeel tɩ ãnda n yãk-a t'a yɩ bãmb naab-la, b bʋ-kaoodã, yaa Moyiis‑kãng la Wẽnnaam tʋm yã, t'a yɩ naaba la fãagda, ne malɛɛk ningã sẽn dag n puk a meng ne bãmb tuugã pʋgẽ wã sõngre.