Sõadga 15:39 - WẼNNAAM SEBRE 2014

³⁹ Dẽ, bɩ y ningd fut sẽn tar zerdo, tɩ yãmb sã n wa n ges zerdã, bɩ y tẽeg maam a Sẽn-Ka-Saab tõodã yell n sak-ba. Woto, yãmb kõn tol n leb n maan y sẽn date, n bas tɩ y tagsgã ne y ninã gesgã tus yãmb n kẽes wẽn-naands pʋʋsg pʋg ye.

SEBR SÕNGO

³⁹ Gĩs kãng tẽngr la zerda na n luuli. Gĩs kãng n na tẽeg-y Soaala noya, woto y na reeg-ba la y kõn bas tɩ y sũur la y nin kẽes-y moog ye.

Sõadga 15:39 Iomraidhean Croise

1 Rĩm-dãmbã 12:33

Kiuug a nii soabã rasem piig la a nu wã daare, a Zeroboaam maana tigr Israyɛll nebã yĩnga, wa sẽn zems daar ning yẽnda sẽn dag n yãkã. Badaare, yẽnda yõoga wisd tẽn-kugr ning yẽnda sẽn me Betɛllã zugu.

A. Zoobe 31:7

Mam sã n bʋdg n basa sɩdã sore, mam sũurã ratem sã n tũu mam ninã gesgo, la mam nusã sã n maana sẽn yaa dẽgdo,

Yɩɩn‑sõamyã 106:39

Bãmb maana tʋʋm-dẽgd n dẽgem b mense. Bãmb manesmã yaa wa yoobo.

Yɩɩn‑sõamyã 73:27

Bala, sẽn zãagd-b b mens ne yãmbã na n sãamame. Yãmb menesda neb nins fãa sẽn basd yãmbã.

Yikri 13:9

Bõn-kãng na n yɩɩ bãnd yãmb nusẽ, la a yɩ bãnd yãmb rĩirẽ, n yaa tẽegr yãmb yĩnga, tɩ yãmb tõe n togsd Sẽn-Ka-Saab tõogã. Bala, yaa ne nug sẽn tar pãng la Sẽn-Ka-Saab yiis yãmb Ezɩpt tẽnga.

Yelbũna 28:26

Ned tõe n tagsdame t'a rɩka so-sõngo, n mik yaool n yaa sor sẽn dabd ne-a kũum zĩigẽ.

Yelbũna 3:1

M biiga, ra yĩm m zãmsgã ye, tall m noyã neer f sũur pʋgẽ.

Kowelɛt 11:9

Bi-bɩɩga, maan sũ-noog f bi-bɩɩlmã wakate, la f noog f sũur f bɩʋʋngã wakate, n tũ soay nins f sũurã sẽn date, la f ninã sẽn getã. La bɩ f bãng tɩ Wẽnnaam na n bʋʋ ne foom bõn-kãens fãa yĩnga.

Zeremi 9:14

Woto yĩnga, maam a Saasẽ-Pãng-Soabã sẽn yaa Israyɛll Wẽnnaamã yetame: Mam na n kõo bãmb zẽed sẽn yaa toog liga tɩ b rɩ, la m kõ-b ko-zẽnem tɩ b yũ.

Ezekiyɛl 6:9

Dẽ, bãmb sã n wa be buud toay-toayã sʋka, zĩig ning b sẽn na n tall bãmb n tɩ kẽes yembdã, yãmb neb nins sẽn põsã na n tẽega mam yelle, soab ning sẽn sãam-a bãmb sũyã sẽn yaa yoaadb sũyã sẽn wẽnemd n zãag ne maamã, la bãmb ninã sẽn dag n get b wẽn-naandsã ne yoob gesgã. Bãmb yam na n yi b mense, b tʋʋm-wẽnsã ne b yel-beedã fãa yĩnga.

A Ooze 2:2

Wakat-kãnga, Zʋʋda nebã ne Israyɛll nebã na n lagma taaba, la b na n yãka naab a yembr t'a soog-ba. Bãmb na n sooga tẽngã, bala, Zɩzreyell daarã na n yɩɩ ra-kãsenga.

Yaoolem 29:19

Sẽn-Ka-Saab ka na n kõ yẽnda sugr ye. Sẽn-Ka-Saab sũ-kãbrã ne b sũ-kiirã na n yika ne a soaba, tɩ tood nins fãa sẽn gʋls seb-kãngã pʋgẽ wã wa a soab zugu. La Sẽn-Ka-Saab na n kɩtame t'a yʋʋr menem tẽng zugu.

Yaoolem 4:23

Gũus-y neer n da wa yĩm kaool ning Sẽn-Ka-Saab sẽn yaa yãmb Wẽnnaamã sẽn maan ne yãmbã ye. Da maan-y bũmb baa a yembr wẽneg tɩ yɩ bõn-naandg ye. Tɩ bala, Sẽn-Ka-Saab sẽn yaa yãmb Wẽnnaamã yeela tõnd tɩ d ra maan bũmb a woto ye.

Yaoolem 6:12

bɩ y gũus y mens n da wa yĩm Sẽn-Ka-Saab sẽn yiis yãmb Ezɩpt tẽngã y sẽn wa n be yembd pʋgẽ wã yell ye.

Yaoolem 8:11

Gũus-y y mens n da wa yĩm Sẽn-Ka-Saab sẽn yaa yãmb Wẽnnaamã yelle, n bas bãmb tõodã ne b minindã, la b no-tũuds nins mam sẽn kõt yãmb dũndã wã ye.

Yaoolem 8:14

bɩ y gũus n da wa wuk y mens n yĩm Sẽn-Ka-Saab sẽn yaa yãmb Wẽnnaamã sẽn yiis yãmb Ezɩpt yembdã pʋgẽ wã yell ye.

Zake 4:4

Yãmb sẽn yaa nin-yoaadbã, yãmb ka mi tɩ dũni nonglem yaa beem ne Wẽnnaam la? Dẽ, ned sã n dat n yɩ dũni zoa, a yɩta Wẽnnaam bɛyã.