Sõadga 15:25 - WẼNNAAM SEBRE 2014

²⁵ Rẽ poore, bɩ maan-kʋʋdã maan b sugr kosg tʋʋmdã tɩ Israyɛll nebã fãa tõe n paam b yel-wẽnã sugri. Bala, yaa maoong sẽn yõogd bugum ne sugr kũun maoong b sẽn maan n kõ maam a Sẽn-Ka-Saabo, b sẽn kɩɩs tõogã ne yĩdgã yĩnga.

SEBR SÕNGO

²⁵ Maan-kʋʋda na n kosa sugri buuda fãa beegr yĩnga la a na n paama sugri. Yella maana ne yĩdgu la buuda waa ne a kũuni la a maoong, a sẽn yĩdi n beeg yĩnga. Taal sɛɛme.

Sõadga 15:25 Iomraidhean Croise

Kowelɛt 5:6

Bala, zãmsd sã n yaa wʋsgo, yel-yaalsã me yaa wʋsgo. Woto me, goam sã n yaa wʋsgo yel-yaalsã me yaa wʋsgo. Dẽ wã, bɩ f zoe Wẽnnaam.

Maan‑kʋʋre 15:15

La bɩ maan-kʋʋdã reeg-b n dɩk a yembr n maan yel-wẽnã maoongo, la a rɩk a to wã, n maan maoong sẽn yõogd bugum. Bɩ maan-kʋʋdã maan a woto n yɩlg a soabã Sẽn-Ka-Saab taoore, a zɩɩmã sẽn yitã yĩnga.

Maan‑kʋʋre 4:20

Bɩ yẽnda maan lol-kãng wa b sẽn maand kongr loalgã to-to wã. Yaa woto la maan-kʋʋdã na n maane, tɩ b paam yel-manegre, la b na n kõ-b-la b yel-wẽnã sugri.

Maan‑kʋʋre 4:26

Bɩ a rɩk kaamã n yõog bugum tẽn-kugrã zugu, wa b sẽn minim n maand zems-n-taar maoongã to-to wã. Yaa woto la maan-kʋʋdã tog n maan taoor soabã yĩnga, a kongrã yiisg yĩnga.

Maan‑kʋʋre 4:31

La bɩ a yãk rũngã kaam, wa b sẽn yãkd zems-n-taar maoongã rũng kaam to-to wã, n yõog bugum tẽn-kugrã zugu. La bõn-kãng na n yɩɩ yũ-noog Sẽn-Ka-Saab yĩnga. Yaa woto la maan-kʋʋdã na maan nin-kãng kongrã yĩnga, la a na n paama a kongrã sugri.

Maan‑kʋʋre 4:35

Bɩ maan-kʋʋdã yãk kaamã zãng wa b sẽn yãkd zems-n-taar maoongã peosg kaamã to-to wã, n dɩk-a n dogl maoongã nemd zug tẽn-kugrã zugu, n yõog bugum Sẽn-Ka-Saab taoore. Yaa woto la maan-kʋʋdã na n maan n yiis ned ning sẽn kongã kongrã a sẽn dag n maana, la a na paama a kongrã sugri.»

A Luk Sõng 23:34

A Zeezi yeelame yaa: «M ba, kõ-y-b sugri, tɩ b ka mi bũmb ningã b sẽn maandã ye.» La bãmb maana bãnd n pʋɩ a Zeezi futã ne taaba.

Tʋʋma 13:39

La ned ning fãa sẽn tẽed bãmba, b basda yẽnda taal ne bũmb ning fãa a Moyiis tõogã sẽn dag n ka tõe n bas taalã.

Rom Dãmba 3:25

Yaa bãmb la Wẽnnaam pĩnd n yãk n kõ, neb nins sẽn na n tẽ bãmbã yel-wẽna yiisg yĩnga, ne b zɩɩmã. Woto na n wilga Wẽnnaam tɩrlem. Bãmb sẽn bas nebã n ka sɩbg-b b yel-wẽn nins b sẽn dag n maan Wẽnnaam sũ-marã wakatã yĩnga,

Yaoolem 21:21

La bɩ tẽngã raopã fãa lob-a ne kug t'a ki. Yaa woto la y na n yiis wẽngã yãmb sʋka. Israyɛll nebã fãa na n wʋmame tɩ rabeem yõk-ba.»

Ebre rãmba 2:17

Rẽnda n kɩt tɩ bãmb da tog n wẽneg b ba-biisã bũmb fãa pʋgẽ, n tõog n lebg maan-kʋʋd kãsem sẽn pid ne nimbãan-zoeere, la sẽn maand sɩd ne Wẽnnaam tʋʋmdã, n tõog n yiis nebã yel-wẽnã.

Ebre rãmba 9:7

La ro-pʋg a yiib soabã pʋgẽ, yaa maan-kʋʋd kãsmã bal n kẽed be vugr yʋʋmde. La a ka kẽed be tɩ ka ne zɩɩm a sẽn wat ne a meng yĩnga la soolmã nebã yĩng ye.

1 Zã 2:2

B talla a Zeezi meng n maan maoong tõnd yel-wẽnã sugr kũun yĩnga, la ka tõnd bal yel-wẽnã yĩng ye, la dũni nebã fãa me yel-wẽnã yĩnga.