Sõadga 15:15 - WẼNNAAM SEBRE 2014

¹⁵ Tõodã na n yɩɩ bũmb a yembr nebã fãa yĩnga, sã n yaa yãmb sẽn yaa Israyɛll nebã, wall sãamb nins sẽn be-b yãmb sʋkã. La no-tũudg sẽn ka sɛta, yãmb yagensã fãa yĩnga. Sẽn-Ka-Saab taoore, welgr ka be Israyɛll nebã ne sãambã sʋkã ye.

SEBR SÕNGO

¹⁵ Buuda zãng fãa sã n na n waoog Soaala-Wẽnde, bɩ a manesma yɩ manes yɛnga, tẽnga dãmba wala sãamba yĩnga, zamaan woo zamaana.

Sõadga 15:15 Iomraidhean Croise

A Ɛstɛɛre 9:27

Dẽ, Zʋɩf-rãmbã vigla mining sẽn ka tõe n teke, bãmb ne b yagensã yĩnga, la neb nins fãa sẽn dat n naag bãmbã yĩnga. La yʋʋmd fãa bãmb na n dɩka ra-kãensã a yiibã tɩ yɩ tigr daare, wa b sẽn gʋlsã.

Yikri 12:14

Daarã na n yɩɩ tẽegr daar yãmb yĩnga. Yãmb na n maan-a lame t'a yɩ tigr Sẽn-Ka-Saab yĩng n tẽegd da-kãng yelle, la y na n maand-a lame t'a yɩ wa no-tũudg sẽn ka sɛta, yãmb zamaan-dãmbã fãa yĩnga.»

Yikri 12:24

Bɩ bõn-kãng yɩ no-tũudg yãmb ne y yagensã yĩng zamaan woo zamaane.

Yikri 12:43

Sẽn-Ka-Saab yeela a Moyiis ne a Aarõ yaa: «Ade, Pak tigrã no-tũudg la woto: ‹Sãan ba a yembr ka tar noor tɩ rɩ Pak tigrã rɩɩb ye.›

Yikri 12:49

Tõogã tog n yɩɩ bũmb a yembr Israyɛll nebã ne sãamb nins sẽn be yãmb tẽngẽ wã yĩnga.»

Yikri 28:43

A Aarõ ne a kom-dibli wã sã n wa na n kẽ sɛk roogã pʋgẽ, wall b sã n wa na n kolg tẽn-kugrã n maan sɛk zĩigã tʋʋmde, b tog n sẽgna kur-bãmba, tɩ yel-wẽnã ra zĩnd bãmb zut tɩ b wa ki ye. Bõn-kãng na n yɩɩ no-tũudg sẽn ka sɛta, a Aarõ ne a yagensã sẽn na n pʋgl yẽnda wã yĩnga.»

Maan‑kʋʋre 24:22

Tõogã tog n yɩɩ a yembr nebã fãa yĩnga, sã n yaa sãana wall tẽng-n-neda. Bala, mam yaa Sẽn-Ka-Saab sẽn yaa yãmb Wẽnnaam.»

Sõadga 10:8

Yaa maan-kʋʋdbã sẽn yaa a Aarõ yagensã bal n tar noor tɩ peeb tãntãadã. Yõwã na n yɩɩ no-tũudg sẽn ka sɛta, yãmb ne y yagensã yĩnga.

Sõadga 15:14

La sãamb nins sẽn nan wa-b yãmb sʋk tɩ ka kaoosã, wall sãamb nins sẽn sɩng n be-b ne yãmb hal sẽn kaoosã sã n wa rat n maan maoong sẽn yõogd bugum sẽn tar yũ-noog sẽn tat mam yam, bɩ b tũ tõod nins yãmb sẽn tũudã.

Sõadga 15:29

La tõ-kãngã na n yɩɩ bũmb a yembr neb nins sẽn na n beeg ne yĩdgã yĩnga, sã n yaa Israyɛll neda, wall sãambã sẽn be bãmb sʋkã.

Sõadga 18:8

Sẽn-Ka-Saab yeela a Aarõ yaa: «Maam a Sẽn-Ka-Saab kõta foom noore, tɩ f get kũun nins fãa Israyɛll nebã sẽn na n talld n wat n kõt maamã yelle. Mam dɩkda kũun-kãens n kõt foom ne f kom-dibli wã, ne bũmb nins fãa Israyɛll nebã sẽn wat n kõtẽ wã, tɩ yɩ fo nug-tikr kaamã pʋɩɩre, la a yaa no-tũudg sẽn ka sɛta.»

Sõadga 9:14

La sãamb sã n be yãmb sʋkã n dat n maan Pak tigrã, b tõe n maaname. La yaa tɩ bãmb tog n tũu Pak tigrã tõod ne a rog-n-mikã. Tõ-kãngã na n yɩɩ bũmb a yembr nebã fãa yĩnga, sã n yaa sãana, wall Israyɛll buudã neda.»

Galat Rãmba 3:28

Ka leb n be tɩ m yaa Zʋɩf bɩ Gɛrka, yamb bɩ burkĩna, dao bɩ pag ye. Bala, yãmb fãa yaa yembr a Zeezi Kiris pʋgẽ.

Kolos Rãmba 3:11

Yel-kãngã pʋgẽ, ka be tɩ yaa Gɛrke, wall Zʋɩf wall zũnga, wall moaaga, wall weoog neda, wall nin-zẽmba, wall yamba, wall burkĩn ye. La Kiris yaa fãa nebã fãa pʋse.

Zozuwe 8:33

Israyɛll nebã ne b kãsem-dãmbã ne b gʋlsdbã, la b bʋ-kaoodbã, ne nebã fãa, la tẽng-n-dãmbã ne sãambã fãa yalsame n gũbg tɩ b nensã tees kaoolã koglgã. B fãa nensã dag n teesa a Leevi buudã sẽn yaa maan-kʋʋdbã sẽn tʋk Sẽn-Ka-Saab kaoolã koglgã. Pʋɩ-sʋk rag n yasa Garizim tãngã sẽnẽ tɩ pʋɩ-sʋk yas Eball tãngã kɩreng sẽnẽ. La bũmbã fãa maana wa sẽn zems Wẽnnaam tʋmtʋmd a Moyiis sẽn dag n yeel tɩ b maanã, la b ninga Israyɛll nebã barka.

1 Sãmwɛlle 30:25

Sẽn sɩng ne badaare, b kɩtame tɩ bõn-kãng lebg no-tũudg ne tõog Israyɛll nebã yĩng hal tɩ ta rũndã.