Sõadga 14:9 - WẼNNAAM SEBRE 2014

⁹ Bũmb ning sẽn be bala, bɩ y ra kɩɩs Sẽn-Ka-Saab noorã, la y ra zoe tẽn-kãngã nebã ye. Tõnd na n tõog-b lame. Bala, bãmb wẽnnaam-dãmbã bas-b lame. La Sẽn-Ka-Saab bee ne tõndo. Dẽ wã, bɩ y ra zoe bãmb ye.»

SEBR SÕNGO

⁹ Da zẽk-y y zug ne Naaba-Wẽnd ye; da maan-y rabeem ne tẽnga rãmb ye. B pa na n sek d velb ye! B wẽn-faada maasem meng ka buiid-b ye, tɩ tõnd Soaala-Wẽnda yaool n be d sʋka, da zoe-y nin-bãmba ye.»

Sõadga 14:9 Iomraidhean Croise

Sɩngrẽ 48:21

A Israyɛll yeela a Zozɛf yaa: «Ade, mam yẽ na n kiime! La Wẽnnaam na n zĩnda ne yãmba, la b na n kɩtame tɩ y lebg n leb y yaab-rãmbã tẽngẽ.

2 Kibayã 13:12

La ade, Wẽnnaam n yaa tõnd naaba, la tõnd tara bãmb maan-kʋʋdbã ne tãntãadã sẽn tar n peebdẽ wã n na n peeb n zab ne yãmba. Dẽ, Israyɛll kamba bɩ y ra zab-y ne Sẽn-Ka-Saab sẽn yaa yãmb yaab-rãmb Wẽnnaamã ye. Bala, yãmb ka na n tõog ye.»

2 Kibayã 15:2

la yẽnda kẽnga rĩm a Aaza nengẽ n tɩ yeele: «Aaza, la yãmb fãa Zʋʋda ne Benzame nebã, kelg-y-yã! Yãmb sã n pa ne Sẽn-Ka-Saabo, bãmb me na n paa ne yãmba. Yãmb sã n bao bãmba, bãmb na n basame tɩ y yãnd-ba. La yãmb sã n bas bãmba, bãmb me na n basa yãmba.

2 Kibayã 20:17

La bãng-y tɩ ka zabr la y na n zab ye. Kẽng-y be n tɩ yalse, yals-y yĩngr bal n ges fãagr ning Sẽn-Ka-Saab sẽn na n fãag Zʋʋda ne Zeruzalɛm nebã. Da zoe-y rabeem, la ra yɛɛs-y ye! Beoogo, bɩ y yi n seg-ba, la maam a Sẽn-Ka-Saab na n zĩnda ne yãmba.»

2 Kibayã 32:8

Yẽnda teega ninsaalb pãnga, la tõnd teega Sẽn-Ka-Saab sẽn yaa tõnd Wẽnnaamã. Bãmb n na n zab sõng tõndo!» Kʋʋngã sẽn wʋm Zʋʋda rĩm a Ezekɩyaas goamã, b paama raoodo.

A Neemi 4:14

Rẽ wã, yãmb sã n wa n wʋm baorgã peebgo, bɩ y yi yãmb sẽn beẽ wã, n zoe n wa mam nengẽ, n wa tigim taaba, la tõnd Wẽnnaamã na n zab n sõnga tõndo.

Yɩɩn‑sõamyã 106:24

Tõnd yaab-rãmbã zãgsa tẽn-noogã. Bãmb ka tẽ Sẽn-Ka-Saab gomdã ye.

Yɩɩn‑sõamyã 121:5

Sẽn-Ka-Saab yaa fo gũuda, Sẽn-Ka-Saab bee fo rɩtgo, bãmb yaa maasem fo yĩnga.

Yɩɩn‑sõamyã 14:4

Sẽn-Ka-Saab yeelame yaa: «Rẽ yĩnga, tʋʋm-wẽns maandbã fãa ka tar bãngr la? Bãmb dɩta mam nebã wa b sẽn dɩt rɩɩbo. Bãmb ka tol n pʋʋsd Sẽn-Ka-Saab ye.»

Yɩɩn‑sõamyã 46:11

Bɩ y yalse, la y bãng tɩ mam yaa Wẽnnaam. Maam n so soolem-dãmbã, la m so dũniyã.

Yɩɩn‑sõamyã 46:7

Bu-zẽmsã yikame n guglumdẽ, soolem toay-toayã miimdame. Wẽnnaam zẽka b koɛɛga, la tẽn-gãongã yẽnegame.

Yɩɩn‑sõamyã 46:8

Sẽn-Ka-Saab sẽn yaa Saasẽ-Pãng-Soabã bee ne tõndo, a Zakoob Wẽnnaamã yaa tõnd pãng zĩiga.

Yɩɩn‑sõamyã 74:14

Yãmb n beds parwẽndã zugu, n kɩt t'a lebg we-rũms rɩɩbo.

Yɩɩn‑sõamyã 91:1

Ned ning sẽn zĩ Sẽn-Ka-To zĩ-soalgdgẽ wã, paamda vʋʋsg Sẽn-Tõe-Fãa wã maasmẽ.

Yikri 14:13

A Moyiis yeela nebã yaa: «Da zoe-y rabeem ye. Yaas-y n ges-y fãagr ning Sẽn-Ka-Saab sẽn na n fãag yãmb dũndã wã. Bala, Ezɩpt neb nins yãmb sẽn ne rũndã wã, yãmb kõn leb n yãnd bãmb abada.

Yikri 33:16

Dẽ, yaa ne bõe la ned na n bãng tɩ maam ne yãmb nebã paama bark yãmb nifẽ? Ka yãmb sẽn yãagd tõndã yĩng sɩda? Yaa rẽ yĩng la maam ne yãmb nebã yaa toor ne neb a taabã fãa sẽn be dũniyã zugã.»

A Ezayi 1:2

Saasẽ kelge, dũniyã, yok f tʋbr n kelge! Bala, yaa Sẽn-Ka-Saab n gomde. Mam wuba kamba, la m zãms-ba, la b yik n kɩɩsa maam.

A Ezayi 32:2

Bãmb ned kam fãa na n yɩɩ wa zĩ-lilldg sobg wakate, la wa soondg zĩig sa-kẽeng wakate, bãmb na n yɩɩ wa ko-soay sẽn zãgsd zĩig sẽn kʋɩ, la wa pĩ-kãseng maasem sẽn buiid tẽn-gãong sẽn yaa koɛɛnga.

A Ezayi 41:10

Da zoe rabeem ye, bala, mam bee ne foom. Da maan yɩɩr ye, bala, mam yaa fo Wẽnnaam. Mam kõta foom pãnga, la m na n wa sõnga foom, mam na n tebenda foom ne m nug-rɩtg sẽn tõogdã.

A Ezayi 41:14

Zakoobe, fo sẽn yaa wa zũnzuur balã, da zoe rabeem ye, Israyɛlle, fo yaa zũnzuur bala. Mam wa n na n sõnga foom. Yaa maam a Sẽn-Ka-Saab sẽn yaa fo fãagda, n yaa Israyɛll Pʋ-Peelem-Soabã n yeele.

A Ezayi 63:10

La bãmb yɩɩ kɩɩsdb n sãam bãmb Sɩɩgã sũuri. Dẽ, Sẽn-Ka-Saab wẽnemdame n lebg b bɛ, n wẽneg n zab ne bãmb b toore.»

Zeremi 42:11

Da zoe-y Babilond dĩmã ye. Da zoe-y yãmb sẽn yɛɛsd-a soabã ye. Bala, mam bee ne yãmb n na n yols-yã, la m fãag yãmb a nugẽ. Maam a Sẽn-Ka-Saab n yeele.

Zeremi 48:45

Zoɛtbã pãng sɛɛme, tɩ b yalsd Hɛsbõ n dat n soonde. La bugum zẽkda Hɛsbõ tẽngã pʋga. Bug-vɩlens yita Sɩhon na-yirã sẽn beẽ wã, n dɩt Moaab tãmsã seese, la a rɩt neb nins sẽn nong zabrã.

A Dãniyɛlle 9:5

Tõnd kongame, tõnd beegame, d yɩɩ nin-wẽnse la kɩɩsdba, la tõnd wẽnemdame n bas yãmb tõodã ne y noyã.

A Dãniyɛlle 9:9

Tõnd Zu-soab a Wẽnnaam, tõnd kɩɩsa yãmba, la yãmb yaa nimbãan-zoɛta, la sugr soaba.

Sõadga 13:30

Dẽ, a Kalɛɛb kɩtame tɩ neb nins sẽn da yẽgemd ne a Moyiisã sĩndi, la a yeele: «Yik-y tɩ d kẽng n tɩ reeg tẽngã. Tõnd na n tõog-b-lame!»

Sõadga 17:6

La bõn-kãng yɩ tɩ zaamẽ, Israyɛll nebã fãa yikame n yẽgem ne a Moyiis ne a Aarõ n yeele: «Yãmb n maan la Sẽn-Ka-Saab nebã sẽn ki wã.»

Sõadga 20:2

La koom dag n ka be be nebã sẽn na n yũ ye. Dẽ, bãmb tigma taab n na n zab ne a Moyiis ne a Aarõ.

Sõadga 24:8

Yaa Wẽnnaam n yiis bãmb Ezɩpt soolmã pʋgẽ, La yɩɩ ne pãn-kãseng sẽn wẽnd we-naaf pãnga. La buud nins sẽn wat n zabd ne bãmbã, bãmb sãamd-b-la zãnga. Bãmb wõrda b bɛɛbã kõaba. La b tãood-b ne pɛɛma.

A Matiye Sõng 1:23

Ade, pa-kuil na n dɩka pʋga, n dog bi-ribla, la b na n pʋda a yʋʋr tɩ Emanuwɛlle, sẽn dat n togs tɩ ‹Wẽnd‑be‑ne‑do.›

Rom Dãmba 8:31

Dẽ, tõnd na n yeelame tɩ bõe ne yel-kãnga? Wẽnnaam sã n bee ne tõndo, ãnda n tõe n zab ne tõndo?

Yaoolem 1:21

Gese, Sẽn-Ka-Saab sẽn yaa yãmb Wẽnnaamã kõo yãmb tẽngã, kẽng-y n tɩ soog-y-yã-a wa Sẽn-Ka-Saab sẽn yaa yãmb yaab-rãmbã Wẽnnaamã sẽn yeel yãmbã. Ra yɛɛs-y ye, la ra-y zoe-y rabeem ye.

Yaoolem 1:26

Ne rẽndã fãa, yãmb ka sak n na n kẽng ye. Yãmb kɩɩsa Sẽn-Ka-Saab sẽn yaa yãmb Wẽnnaamã tõodã.

Yaoolem 1:29

La mam yeela yãmb tɩ y ra yɛɛs ye, la y ra zoe rabeem ye.

Yaoolem 31:6

Nang-y pãnga. Paam-y raado. Ra zoe-y rabeem ye. Ra sak-y tɩ y sũyã kiuus bãmb taoor ye. Bala, Sẽn-Ka-Saab sẽn yaa yãmb Wẽnnaamã meng yãagda yãmba. Bãmb sõngrã ka na n vaale, la b ka na n bas yãmb ye.

Yaoolem 31:8

Yaa Sẽn-Ka-Saab meng n na n lʋɩ fo taoore. Bãmb bee ne foom. Bãmb sõngrã ka na n vaal ye. Bãmb ka na n bas foom ye. Ra zoe rabeem ye, la f ra sak tɩ f pɛleng yɩk ye.»

Yaoolem 32:42

Mam na n kɩtame tɩ pɛɛmã monem ne zɩɩm, la m tɩgs m zabr sʋʋgã ne b sẽn yõg-b rãmb n kʋ wã nemdo, la b zɩɩm, la ne zɩɩm sẽn yit bɛɛbã nanambs zutu.

Yaoolem 7:18

Bɩ y ra zoe bãmb ye. Tẽeg-y bũmb ning Sẽn-Ka-Saab sẽn yaa yãmb Wẽnnaamã sẽn dag n maan Faarõ ne Ezɩpt nebã fãa wã yelle.

Yaoolem 7:21

Ra zoe-y bãmb rabeem ye. Bala, Sẽn-Ka-Saab sẽn yaa yãmb Wẽnnaamã sẽn be yãmb sʋkã yaa Wẽnnaam kãsenga, la b seka zoeese.

Yaoolem 9:7

Tẽeg-y-yã, ra-y yĩm-y yãmb sẽn dag n maan bũmb ning n yik Sẽn-Ka-Saab sũur we-raoogã pʋgẽ wã yell ye. Sẽn sɩng ne daar ning yãmb sẽn yi Ezɩpt hal n wa ta zĩ-kãngã wã, yãmb kɩɩsa Sẽn-Ka-Saabo.

Filip rãmba 1:27

Bũmb sẽn be bala, kɩt-y tɩ yãmb tʋʋmã zems ne Kiris koe-noogã, sẽn na n yɩlẽ tɩ mam sã n wa n na ges yãmba, wall m sã n ka wa, bɩ m wʋm yãmb kibar sẽn yet tɩ y yasa kãenkãe ne yam a yembre, n lagemd taab ne tagsg a yembr n zabd koe-noogã tẽeb yĩnga.

Zozuwe 1:5

Fo vɩɩmã tɛka, ned ba a ye kõn tõog n teeg a yãoog ne foom ye. Bala, mam na n zĩnda ne foom wa m sẽn zĩnd ne a Moyiisã. Mam na n yãaga foom, la mam kõn tol n bas n ka sõng-f ye.

Zozuwe 14:12

Dẽ wã, bɩ y kõ maam tãng ning Sẽn-Ka-Saab sẽn dag n gom a yell badaarã. Bala, yãmb wʋma b sẽn yeel tɩ yaa Anak yagensã n be beenẽ, la b tara tẽms sẽn tar pãngã. Sẽn-Ka-Saab sã n zĩnd ne maam, mam na n diga bãmb n deeg b tẽngã, wa Sẽn-Ka-Saab sẽn dag n yeelã.»

Bʋ-kaoodba 1:22

A Zozɛf yagensã me kẽng n tɩ zaba ne Betɛll nebã, la Sẽn-Ka-Saab zĩnda ne bãmba.