Sõadga 14:8 - WẼNNAAM SEBRE 2014

⁸ Tẽngã tara bĩisim ne sɩɩd wʋsgo. Sẽn-Ka-Saab sã n nong tõndo, bãmb na n talla tõnd n tɩ kẽes tẽn-kãng pʋgẽ, la b na n deega tẽngã n kõ-do.

SEBR SÕNGO

⁸ Soaala-Wẽnd sõngra sã n pʋgd tõndo, d na n kẽe tẽngã, b na n dɩk-a lame n kõ tõndo; ad-y yaa tẽng sẽn bund bĩisim la sɩɩdo.

Sõadga 14:8 Iomraidhean Croise

2 Sãmwɛlle 22:20

Sẽn-Ka-Saab fãaga maam, n yols-ma. B sẽn fãag-ma, yaa b sẽn nong-ma yĩnga.

1 Rĩm-dãmbã 10:9

Bɩ Sẽn-Ka-Saab sẽn yaa yãmb Wẽnnaamã paam pẽgre, bala, taa bãmb yam tɩ b yãk yãmb n kɩt tɩ y yɩ Israyɛll rĩmã! Yaa Sẽn-Ka-Saab sẽn nong Israyɛll nebã wakat fãa yĩngã n kɩt tɩ bãmb yãk yãmb tɩ y yɩ rĩmã, n kaood bʋʋdã ne sɩda, la ne tɩrlem.»

2 Rĩm-dãmba 18:32

hal tɩ mam wa tall yãmb n kẽng tẽng sẽn wẽnd yãmb tẽngã. Yaa tẽng sẽn tar bɩle ne reezẽ rãam, la rɩɩb ne reezẽ tɩɩse, la yaa tẽng sẽn tar oliiv tɩɩs sẽn kõt kaam, la sɩɩd bee be. Woto, yãmb na n vɩɩmdame n ka ki ye. Dẽ wã, da kelg-y-yã a Ezekɩyaas sẽn belgd yãmb n yetẽ tɩ Sẽn-Ka-Saab na n fãag-y lame wã ye.

Yɩɩn‑sõamyã 22:8

Sẽn yãnd-a maam fãa yaanda maam. Bãmb laada maam la b gõmsd b zut n yetẽ:

Yikri 3:8

Mam sigame n na n fãag bãmb Ezɩpt nebã nusẽ, la m yiis bãmb soolem-kãng pʋgẽ n tall bãmb n kẽng tẽn-sõng sẽn yaa bedr pʋgẽ. Yaa tẽng sẽn pid ne bĩisim la sɩɩd wʋsgo. Yaa tẽng ning Kana-rãmbã ne Hɛt-dãmbã la Amoor-dãmbã ne Ferɛɛz-rãmbã la Hevi-rãmbã ne Zebuus-rãmbã sẽn be wã.

A Ezayi 62:4

B kõn leb n bool foom tɩ b sẽn bas a soabã ye. B kõn leb n bool fo tẽngã tɩ raboog ye. B na n boola foom tɩ ‹mam sũ-noog sẽn be ne a soaba›, la b bool f tẽngã tɩ ‹pag b sẽn peege.› Bala, Sẽn-Ka-Saab sũur nooma ne foom, la b na n leb n sak n deega f tẽngã tɩ yɩ a paga.

Zeremi 32:41

Mam na n maan-b-la neer ne sũ-noogo. Mam na n vigla bãmb tẽn-kãngã pʋgẽ kãenkãe ne m sũur fãa la ne m yamã fãa.»

Sofoni 3:17

Bala, Sẽn-Ka-Saab sẽn yaa yãmb Wẽnnaamã bee ne yãmba, b yaa gãndaoog sẽn fãagd yãmba, yãmb na n yɩɩ bãmb sũ-noogo. La bãmb sẽn nong yãmbã yĩnga, b na n sĩnda b noore, bãmb na n zẽka b koɛɛg n kaas ne kɩdeng yãmb wɛɛngẽ.

Sõadga 13:27

Ad koees nins bãmb sẽn togs a Moyiisã: «Yãmb sẽn tʋm tõnd tɩ d kẽng tẽng ningã, tõnd kẽngame. La tẽngã sɩd pida ne sɩɩd la bĩisim. Dẽ, tẽngã tɩɩs biis la woto.

Sõadga 16:14

Sẽn paas menga, ka tẽng sẽn pid ne bĩisim la sɩɩd wʋsg pʋgẽ la fo tall tõnd n tɩ kẽes ye. Leb n ka pʋt ne reezẽ tɩɩs la f kõ-d me ye. Fo tẽedame tɩ nebã yaa zoens la? Tõnd ka na n wa ye.»

Rom Dãmba 8:31

Dẽ, tõnd na n yeelame tɩ bõe ne yel-kãnga? Wẽnnaam sã n bee ne tõndo, ãnda n tõe n zab ne tõndo?

Yaoolem 10:15

La baoosgo, yaool n yaa yãmb yaab-rãmbã la Sẽn-Ka-Saab nonga, la bãmb loogr zugẽ, yaa bãmb yagensã, yaa yãmb la b yãk buudã fãa sʋka, wa yãmb sẽn ne rũndã wã.

Zozuwe 14:12

Dẽ wã, bɩ y kõ maam tãng ning Sẽn-Ka-Saab sẽn dag n gom a yell badaarã. Bala, yãmb wʋma b sẽn yeel tɩ yaa Anak yagensã n be beenẽ, la b tara tẽms sẽn tar pãngã. Sẽn-Ka-Saab sã n zĩnd ne maam, mam na n diga bãmb n deeg b tẽngã, wa Sẽn-Ka-Saab sẽn dag n yeelã.»