Sõadga 14:3 - WẼNNAAM SEBRE 2014

³ Yaa bõe tɩ Sẽn-Ka-Saab talld tõnd n na n kẽes tẽng a woto pʋgẽ? Tõnd na n kii zabrẽ wã, tɩ b wʋk d pagbã ne d kambã. Tõnd sã n lebg n leb Ezɩpt tẽngã n são.»

SEBR SÕNGO

³ Bõe tɩ Soaala kẽes-d sʋʋs sẽn koot tẽngẽ? D pagb la d kamb na n yõg n kẽesa yembdo, d kõn maan d meng neere n leb Ezipt tẽng sɩda?»

Sõadga 14:3 Iomraidhean Croise

A Neemi 9:17

Bãmb zãgsame n ka kelg yãmb ye. La b ka tẽeg bõn-bãnã yãmb sẽn maan n kõ bãmbã yell ye. Bãmb kɩɩsgã pʋga, b kenga b sũyã, n yãk taoor soab n dat n lebg n leb b yembdã pʋg Ezɩpt tẽnga. La baa ne rẽ fãa, yãmb yaa Wẽnnaam sẽn kõt sugri, la y yaa nimbãan-zoɛta, la y yaa maan-neer soaba, la y sũur ka yikd tao-tao ye, la yãmb nonglmã sẽn yaa kãsengã yĩnga, yãmb ka bas-b ye.

Yɩɩn‑sõamyã 78:40

Wẽnnaam tẽrame tɩ we-raoogã pʋga, wakat kẽere, b kɩɩsa bãmb noorã, n sãam bãmb a Wẽnnaam sũur zĩ-peen-daagẽ wã!

Yikri 16:3

Israyɛll nebã yeela bãmb yaa: «Sẽn-Ka-Saab sã n dag n kʋẽ tõnd Ezɩpt tẽngã wakat ning tõnd sẽn dag n ket n zĩ nemdã rʋgd sɛɛgẽ, la tõnd sẽn dag n dɩt n tɩgdã n são! Bala, yãmb sẽn tall tõnd n wa we-ra-kãngã pʋgẽ wã yaa sẽn na n yɩlẽ tɩ kom kʋ kʋʋn-kãngã fãa!»

Yikri 5:21

B yeela a Moyiis ne a Aarõ yaa: «Bɩ Sẽn-Ka-Saab ges yãmb yell n bʋ yãmb bʋʋdo. Yãmb n maan tɩ Faarõ ne a tʋmtʋmdbã tugd beem ne tõndo. Yãmb dɩka zabr sʋʋg n ning b nugẽ tɩ b na n kʋ tõndo.»

Zeremi 42:14

la y sã n yeele: «Tõnd na n kẽnga Ezɩpte. Beenẽ, d ka na n yãnd zabre, d ka na n wʋm baorg peebgo, la rɩɩb kõn paoog-d me ye. Yaa beenẽ la d na n tɩ zĩndi.»

Zeremi 42:19

Yãmb a Zʋʋda bu-kellã, Sẽn-Ka-Saab yeta yãmba: «Ra kẽng-y Ezɩpt ye! Bɩ y bãng neer tɩ mam keooga yãmb dũndã.

Zeremi 9:3

Bɩ ned kam fãa gũus a meng ne a to, la bɩ ned ra leb n tẽ a saam-biis me ye. Bala, neb maanda zãmb n belgd b saam-biisi, la zoa kãnegda neb ne taaba.

Sõadga 11:20

Yãmb na n wãba nemdã kiuug tõre. Y na n wãb-a lame t'ɩ loog-yã, hal n wa yit y yõ-bogdẽ wã, tɩ y yamã yi-a. Bala yãmb basa Sẽn-Ka-Saab sẽn be ne yãmbã, n yẽgem n yeel tɩ maana a wãn tɩ b yiis yãmb Ezɩpt tẽngã.»

Sõadga 16:13

Fo yiisa tõnd tẽng sẽn pid ne bĩisim la sɩɩd wʋsg pʋgẽ, n tall tõnd n wa weoogã pʋgẽ ka tɩ d na n ki, tɩ rẽndã ka sek foom ye, tɩ f leb n dat n modg tõnd n soog-do!

Sõadga 20:3

Bãmb yeela a Moyiis yaa: «Tõnd sã n dag n naagẽ d saam-biisã n ki Sẽn-Ka-Saab taoor n são.

Sõadga 21:5

Dẽ, Israyɛll nebã sɩngame n yẽgem ne Wẽnnaam, la ne a Moyiis n yeele: «Bõe yĩng tɩ yãmb yiis tõnd Ezɩpt tẽngã tɩ d na n wa ki weoogẽ ka? Bur ka be ka, koom me ka be ka. La tõnd yamã me yaa n yii ne mandã sẽn yaa nin-bãan-dɩɩbã»

Tʋʋma 7:39

Tõnd yaab-rãmbã rag n ka tʋlg n na n sak a Moyiis ye. Bãmb basa a Moyiis kɛɛnga n baood n lebg n leb Ezɩpte.

Yaoolem 1:39

La yãmb zakã neb nins yãmb sẽn dag n gomd tɩ b na n yõg-b lame n tɩ kẽes yembdã, la yãmb kamb nins sẽn nan ka mi b nensã na n kẽe beenẽ. Yaa bãmb la mam na n kõ tẽngã tɩ b sooge.