Sõadga 14:18 - WẼNNAAM SEBRE 2014

¹⁸ Yãmb yeelame: «Mam yaa Sẽn-Ka-Saabo, mam yaa sũ-maasem soaba, la maan-neer soaba. Mam kõta yel-wẽn ne kɩɩsg sugri. La mam ka basd yel-wẽnã soab taal ye. Mam sɩbgda yẽnda ne a yagensã hal tɩ ta zamaan a tãabo, wall a naase.

SEBR SÕNGO

¹⁸ Yãmb meng n yeele: ‹Maam la Soaala-Wẽnde, m ka yãgd ne sɩbgr ye, m ka kãabd tɩ vaal ye, n maand wa m sakame tɩ ned zẽk a zug ne ma, tɩ ned beeg-ma, mik m ka na n pa n ka sɩbg ye. M na n tol n sɩbga biig a ba rãmb beegr yĩnga, n sɩbg-a a yaaba la a yaab tʋbra-kẽeg beegr yĩnga.›

Sõadga 14:18 Iomraidhean Croise

A Neemi 9:17

Bãmb zãgsame n ka kelg yãmb ye. La b ka tẽeg bõn-bãnã yãmb sẽn maan n kõ bãmbã yell ye. Bãmb kɩɩsgã pʋga, b kenga b sũyã, n yãk taoor soab n dat n lebg n leb b yembdã pʋg Ezɩpt tẽnga. La baa ne rẽ fãa, yãmb yaa Wẽnnaam sẽn kõt sugri, la y yaa nimbãan-zoɛta, la y yaa maan-neer soaba, la y sũur ka yikd tao-tao ye, la yãmb nonglmã sẽn yaa kãsengã yĩnga, yãmb ka bas-b ye.

A. Zoobe 21:19

Dẽ yĩnga Wẽnnaam bĩnga nin-wẽng sɩbgr a biig yĩng la? Bɩ nin-wẽng sɩbgr lʋɩ a meng zug t'a bãnge.

Yɩɩn‑sõamyã 103:8

Sẽn-Ka-Saab yaa nimbãan-zoeer soaba, la maan-neer soaba, bãmb tara sũ-maasem, la b nonglem yaa kãsenga.

Yɩɩn‑sõamyã 108:4

Sẽn-Ka-Saabo, mam na n pʋʋsa yãmb bark buud toay-toayã sʋka! Mam na n yɩɩl n waooga yãmb bu-zẽmsã sʋka.

Yɩɩn‑sõamyã 109:14

Bɩ Sẽn-Ka-Saab kell n tẽeg a yaab-rãmbã kongrã yelle, la bɩ b ra yĩm a ma wã yel-wẽnã ye!

Yɩɩn‑sõamyã 145:8

Sẽn-Ka-Saab yaa sõmblem-soaba, la nimbãan-zoɛta, bãmb yaa sũ-mar soaba, la nonglem-kãseng soaba.

Yɩɩn‑sõamyã 78:38

La Wẽnnaam sẽn yaa nimbãan-zoɛtã yĩnga, b kõo bãmb b yel-wẽnã sugri, n ka sãam bãmb ye. Naoor wʋsgo, bãmb tõoga b sũuri, n ka bas tɩ b sũ-puugrã fudg ye.

Yɩɩn‑sõamyã 86:15

Zu-soab a Wẽnnaam yãmb yaa nimbãan-zoeer soaba, la y yaa maan-neer soaba. Yãmb yaa sũ-maasem soaba, yãmb nonglmã yaa kãsenga, la y yaa sɩd soaba.

Yikri 20:5

Ra wõgemd bõn-kãens taoor n waoog-b ye. Bala, mam yaa Sẽn-Ka-Saab sẽn yaa yãmb Wẽnnaam. Mam yaa Wẽnnaam sẽn yaa sũ-kiir soaba. Mam kɩtdame tɩ ba-rãmb nins sẽn kis maamã yel-wẽnã sɩbgr zĩnd b kambã ne b yagensã zutu, hal n tãag zamaan a tãabẽ soabã ne a naasẽ soabã.

Yikri 20:6

Mam maanda neb nins sẽn nong-b maam n sakd mam tõodã yagensã neere, hal n tãag zamaan tusri.

Zeremi 23:2

Woto yĩnga, ad Sẽn-Ka-Saab sẽn yaa Israyɛll Wẽnnaamã sẽn yet nanambs nins sẽn zãad bãmb nebã: «Yaa yãmb n kɩt tɩ mam nebã sãeeg n looge. Yãmb dig-b lame n ka ges b yell ye. La moasã, mam na n gesa yãmb yell y tʋʋm-wẽnsã yĩnga.» Maam a Sẽn-Ka-Saab n yeele.

Zeremi 32:18

Yãmb wilgda y nonglem hal n tãag zamaan tusri, la y sɩbgd kamb b ba-rãmb beegr yĩnga. Yãmb yaa Wẽnnaam-kãsenga, y yaa gãndaoogo. Y yʋʋr yaa Saasẽ-Pãng-Soaba!

Kʋʋr yɩɩla 5:7

Tõnd ba-rãmbã kongame, bãmb ka leb n be ye, la yaa tõnd n deegd bãmb yel-wẽnã sɩbgre.

A Zonaase 4:2

La a Zonaas pʋʋsa Sẽn-Ka-Saab n yeel yaa: «Sẽn-Ka-Saabo, ka woto la m sẽn da pĩnd n yeel mam sẽn wa n ket n be m tẽngẽ wã sɩda? Yaa rẽ yĩng la m sẽn da zoet n na n kẽng Tarsɩɩsã. Bala, mam miime tɩ yãmb yaa Wẽnnaam, y yaa sugr kõata, la nimbãan-zoɛta, la yãmb sũurã ka yikd tao-tao ye. Y tara nonglem wʋsgo, la yãmb basda sɩbgr ning y sẽn dag n tog n sɩbgã tɩ vaale.

A Miise 7:18

Wẽnnaam-bʋg n be n yaa wa yãmba, n kõt bu-kellã sẽn yaa yãmb dẽndã a beegr sugri, la a ka geelgd a kongrã? Yãmb sũ-yikrã ka paad wakat fãa ye. Bala, y sũur noomame tɩ wilg y sõmblem.

Sõadga 14:17

Dẽ wã yĩnga, mam kot-y lame yaa, Zu-soaba, tɩ y wilg y pãngã, n maan wa yãmb sẽn da yeelã.

Sõadga 23:21

Sẽn-Ka-Saab ka ne yell a Zakoob yagensã zug ye, La b ka ne wẽng a Zakoob buudã sʋk ye. Bala, Sẽn-Ka-Saab yaa Israyɛll Wẽnnaam, La bãmb bee b nebã sʋka. La Sẽn-Ka-Saab reegda b nebã waoogre.

Rom Dãmba 5:21

Woto, a wa yel-wẽnã ne kũum sẽn soog zĩigã, barkã sooga zĩig me tɩrlmã yĩnga, tɩ d tõe n paam vɩɩm sẽn kõn sa, tõnd Zu-soab a Zeezi Kiris maasem yĩnga.

Yaoolem 5:10

La mam maanda neb nins sẽn nong maam n sakd mam tõodã yagensã neere, hal tɩ ta zamaan tusri.

Yaoolem 5:9

Ra wõgemd bõn-kãens taoor n waoog-b ye. Bala, maam a Sẽn-Ka-Saab sẽn yaa fo Wẽnnaamã yaa Wẽnnaam sẽn yaa sũ-kiir soaba, la m kɩtdame tɩ ba-rãmbã sẽn kis maamã kongr sɩbgr lʋɩ bãmb kambã zutu, n tãag zamaan a tãabo, ne zamaan a naase.

Yaoolem 7:10

La bãmb sɩbgda neb nins sẽn kis-b bãmbã, n menesd bãmb tao-tao. Bãmb ka kaoosd n sɩbg bãmb ye. Bãmb sɩbgda bãmb tao-tao.

Yaoolem 7:9

Bɩ y bãng tɩ Sẽn-Ka-Saab sẽn yaa yãmb Wẽnnaamã n yaa Wẽnnaam menga. Bãmb yaa sɩd Wẽnnaam. Bãmb pidsda b kaoolã, n nong neb nins sẽn nong bãmb la b sakd bãmb tõodã hal tɩ ta zamaan tusri.