Sõadga 14:11 - WẼNNAAM SEBRE 2014

¹¹ Dẽ, Sẽn-Ka-Saab yeela a Moyiis yaa: «Nin-bãmbã na n kell n kɩɩsa maam hal tɩ ta dabʋre? Baa ne bõn-bãn-kãsems nins mam sẽn maan bãmb sʋkã, bãmb ket n ka tẽed maam ye.

SEBR SÕNGO

¹¹ Soaala-Wẽnd goma ne a Moyiiz n yeel-a: «Nin-bãmba na n kell n maana wa b toog ka be ne maam n ta da-bʋre? B na n zãgsa m tẽeb n ta da-bʋre tɩ yɛl-bãna m sẽn maan b sʋka yaool n ka be sõore?

Sõadga 14:11 Iomraidhean Croise

Yɩɩn‑sõamyã 106:24

Tõnd yaab-rãmbã zãgsa tẽn-noogã. Bãmb ka tẽ Sẽn-Ka-Saab gomdã ye.

Yɩɩn‑sõamyã 78:22

b sẽn ka tẽ bãmbã yĩnga, la b sẽn ka rɩk b teegrã n teeg Wẽnnaam fãagrã yĩnga.

Yɩɩn‑sõamyã 78:32

La ne rẽ fãa, b leb n maana yel-wẽnã, n ka tẽ Wẽnnaam bõn-bãnã ye.

Yɩɩn‑sõamyã 95:8

«Ra-y keng-y y sũyã wa y yaab-rãmbã sẽn dag n yãnd mam tʋʋmã we-raoogã pʋgẽ, Meriba ne Masa n mak maam n bao mam noorã ye.

Yikri 10:3

Dẽ, a Moyiis ne a Aarõ kẽnga Faarõ nengẽ n tɩ yeel-a tɩ Sẽn-Ka-Saab sẽn yaa Ebre nebã Wẽnnaamã sokdame yaa: «Fo na n zãgsame tɩ f ka na n sik f meng mam taoor hal tɩ ta dabʋre? Bas mam nebã tɩ b kẽng n tɩ waoog maam.

Yikri 16:28

Dẽ, Sẽn-Ka-Saab yeela a Moyiis yaa: «Yãmb na n kɩɩsa mam noyã ne m tõodã hal tɩ ta dabʋre?

Yikri 23:21

Gũus-y neere, n sak koɛɛg ning fãa yẽnda sẽn na n togs yãmbã. Ra kɩt tɩ yẽnda sũur yik ye. Sã n ka rẽ, yẽnda ka na n kõ yãmb sugr y beegrã yĩng ye. Bala, mam yʋʋr bee yẽnda pʋgẽ.

Yikri 32:9

Sẽn-Ka-Saab yeela a Moyiis yaa: «Mam yãame tɩ nin-bãmbã sũyã yaa kegemse.

Yelbũna 1:22

«Zɩtba, yãmb na n pa y zɩɩlmã pʋgẽ hal tɩ ta dabʋre? La yãmb a nin-paoogdbã, y na n kell n paooga y taab hal tɩ ta dabʋre? La yãmb a yalembã, dabʋr la y na n bao bãngre?

Zeremi 13:10

Bãmb yaa nin-wẽns sẽn ka sakd n kelg mam goamã ye. B maanda wa sẽn zems b sũ-keglmã, la b zoet n pʋgda bu-zẽms wẽn-naands n wõgemded b taoor n waoogd-ba. Woto yĩnga, bɩ b lebg wa kur-wĩ-kãngã sẽn ka leb n tar yõodã.

Zeremi 4:14

Zeruzalɛm nebã, yiis-y wẽngã y sũyã pʋsẽ, n paam fãagre. Yãmb na n kell n pa y tags-wẽnsã pʋg hal tɩ ta dabʋre?

Ezekiyɛl 20:13

La Israyɛll buudã kɩɩsa maam we-raoogã pʋga. Bãmb ka tũ m noyã ne m no-tũuds nins ninsaal sẽn tog n tũ n paam n vɩɩmdã ye. Bãmb rẽgma mam vʋʋsg rayã hal tɩ loog nugu. Mam yeelame tɩ m na n basame tɩ m sũ-puugrã maan a tʋʋmd ne bãmb we-raoogã pʋga, sẽn na n yɩl n menes-b zãnga.

A Ooze 8:5

Samaari nebã, mam kisa yãmb sãnem nag-bilã. Mam sũur puuga ne yãmba. Dabʋr la y na n yɩ neb sẽn ka tar yelle?

Zakari 8:14

Bala, Saasẽ-Pãng-Soabã yetame: Yãmb yaab-rãmbã rag n kɩtame tɩ mam sũurã yiki, tɩ mam yãk yam n na n sɩbg yãmba, la m ka maan m bãngẽ ye. Maam a Saasẽ-Pãng-Soabã n yeele!

Sõadga 14:27

«Mam wʋma Israyɛll nebã sẽn yẽgemd ne maamã. La nin-wẽn-kãensã na n yẽgma ne maam hal tɩ ta dabʋre?

Sõadga 32:10

La baraare, Sẽn-Ka-Saab sũurã puuga ne bãmba, la b wẽename n yeele:

A Matiye Sõng 17:17

A Zeezi leok-a lame n yeele: «Zamaan neb sẽn ka tẽeb la sẽn yaa nin-wẽnse! Mam na n paa ne yãmb hal tɩ ta wakat bʋgo? Mam na n maana sũ-mar ne yãmb tɩ ta wakat bʋgo? Tall-y biigã n wa ne ka.»

A Mark Sõng 9:19

A Zeezi leoka bãmba: «Yãmba, zamaan‑kãngã neb sẽn ka tẽebo, mam na n zĩnda ne yãmb hal tɩ ta wakat bʋgo? Mam na n maana sũ-mar ne yãmb hal tɩ ta wakat bʋgo? Tall-y biigã n wa ka.»

A Zã Sõng 10:38

La mam sã n tʋmdame, baa yãmb sã n ka tẽed maam me, bɩ y tẽ tʋʋm-kãense, tɩ y tõe n bãng la y reeg tɩ d ba wã bee mam pʋgẽ, tɩ mam be bãmb pʋgẽ.

A Zã Sõng 12:37

Baa ne a Zeezi sẽn maan bõn-bãn wʋsg a woto nebã taoorã, b ka tẽ bãmb ye,

A Zã Sõng 15:24

Mam sã n dag n ka maanẽ tʋʋm nins ned baa a yembr sẽn nan ka maan bãmb sʋkã, beegr dag n kõn zĩnd b zut ye. Moasã, b yãnda mam tʋʋmã, la b kisga maam ne m ba wã fãa.

Yaoolem 1:32

Baa ne rẽndã fãa, yãmb ned ba a yembr ka tẽ Sẽn-Ka-Saab sẽn yaa yãmb Wẽnnaamã ye.

Ebre rãmba 3:16

Yãmb sẽn gesã, yaa ãnda rãmb n wʋm Wẽnnaam koɛɛgã la b kell n bao Wẽnnaam noore, sã n ka neb nins a Moyiis sẽn tall n yiis Ezɩptã?

Ebre rãmba 3:18

La yaa ãnda rãmb la Wẽnnaam kãab n yeel tɩ b kõn paam vʋʋsg ning bãmb sẽn na n kõ wã, sã n ka b rãmb nins sẽn kɩɩsã?

Ebre rãmba 3:8

bɩ y ra keng y sũyã wa yãmb ba-rãmbã sẽn maan kɩɩsgã wakate, makrã wakat weoogẽ wã,