Sõadga 13:29 - WẼNNAAM SEBRE 2014

²⁹ La Amalɛk nebã bee Negɛɛv tẽngã, tɩ Hɛt-dãmbã ne Zebuus-rãmbã, la Amoor-dãmbã be tãmsẽ wã. La Kana-rãmbã n be ko-kãsengã, ne Zʋrdẽ kʋɩlgã noore.»

SEBR SÕNGO

²⁹ Amalesitsa bee Negɛb, tɩ Ititsa, Zebuzitsa la Amoritsa tiid tãms zutu, tɩ Kanaã rãmb yedg mogra noore la Zʋrdẽ foolle.»

Sõadga 13:29 Iomraidhean Croise

Sɩngrẽ 14:7

Rẽ poore, bãmb lebgame, la b taa Kadɛɛs b sẽn boond tɩ Eyin-Mispatã, la b zaba ne Amalɛk-rãmbã b soolmã fãa pʋga, la b zaba ne Amoor nebã sẽn be Hatsatsõ-Tamaarã.

A Neemi 9:8

Yãmb yãndame tɩ b kɩsa sɩd ne yãmbã, dẽ, yãmb maana kaool ne bãmba, n kãab bãmb n yeel tɩ y na n kɩtame tɩ b yagensã soog Hɛt-rãmbã, Kana-rãmbã ne Amoor-dãmbã, Perɛɛz-rãmbã la Zebuus-rãmbã, ne Girgaaz-rãmbã tẽmse. La yãmb sɩd pidsa y gomdã. Bala, yãmb yaa tɩrlem soaba.

Yɩɩn‑sõamyã 83:7

Yaa Edom nebã ne Ismayɛll buudã, la Moaab nebã la Hagaar yagensã.

Yikri 3:17

Mam yeelame tɩ m na n yiisa yãmb namsg ning b sẽn namsd yãmb Ezɩpt tẽngã pʋgẽ wã pʋga, n tall yãmb n kẽng Kana nebã ne Hɛt-dãmbã la Amoor-dãmbã ne Ferɛɛz-rãmbã la Hevi-rãmbã ne Zebuus-rãmbã tẽngẽ. Yaa tẽng sẽn pid ne bĩisim la sɩɩd wʋsgo.»

Yikri 3:8

Mam sigame n na n fãag bãmb Ezɩpt nebã nusẽ, la m yiis bãmb soolem-kãng pʋgẽ n tall bãmb n kẽng tẽn-sõng sẽn yaa bedr pʋgẽ. Yaa tẽng sẽn pid ne bĩisim la sɩɩd wʋsgo. Yaa tẽng ning Kana-rãmbã ne Hɛt-dãmbã la Amoor-dãmbã ne Ferɛɛz-rãmbã la Hevi-rãmbã ne Zebuus-rãmbã sẽn be wã.

Sõadga 13:17

A Moyiis sẽn wa n na n tʋm bãmb tɩ b tɩ ges Kana tẽngã, a yeel-b lame yaa: «Bɩ y yi Negɛɛv sẽnẽ, n tɩ rʋ tãmsã n paam n kẽ Kana.

Sõadga 13:30

Dẽ, a Kalɛɛb kɩtame tɩ neb nins sẽn da yẽgemd ne a Moyiisã sĩndi, la a yeele: «Yik-y tɩ d kẽng n tɩ reeg tẽngã. Tõnd na n tõog-b-lame!»

Sõadga 14:25

Amalɛk nebã ne Kana nebã na n paa tãn-longẽ wã. La beoogo, bɩ y wẽnemd n lebg n pɩʋʋg weoogã n tees tãnwĩis ko-kãsengã sẽnẽ.»

Sõadga 14:43

Amalɛk ne Kana nebã bee taoor n gũud yãmba. La b na n tõoga yãmb n kʋ-y zãng zabrã pʋgẽ. Bala, yãmb wẽnemdame n bas Sẽn-Ka-Saabo. Dẽ wã, Sẽn-Ka-Saab ka na n zĩnd ne yãmb ye.»

Sõadga 14:45

La Amalɛk ne Kana nebã yii tãmsã zut n sig n zab ne Israyɛll nebã, n tõog-b n dig n tãag Horma.

Sõadga 24:20

Dẽ zugẽ, a Balaam sẽn yã Amalɛk nebã, a goma gom-minim n yeel yaa: «Amalɛk tẽngã tara pãng n yɩɩd tẽmsã fãa, La daar n wate, tɩ b na n sãam-a zãnga.»

Yaoolem 20:17

Yãmb na n sãama Hɛt ne Amoor-dãmbã, la Kana-rãmbã, ne Ferɛɛz la Hevi la Zebuuz-rãmbã wa Sẽn-Ka-Saab sẽn yaa yãmb Wẽnnaamã sẽn yeel yãmbã.

Yaoolem 7:1

Sẽn-Ka-Saab sẽn yaa yãmb Wẽnnaamã sã n wa tall yãmb n tɩ kẽes tẽng ning yãmb sẽn na n soogã pʋgẽ, bãmb sã n wa rig buud wʋsg nins sẽn be f taoorã sẽn yaa Hɛt-rãmbã ne Girgaaz-rãmbã la Amoor-dãmbã ne Kana-rãmbã la Ferɛɛz-rãmbã ne Hevi-rãmbã la Zebuuz-rãmbã, buud a yopoe wã sẽn yaa wʋsg n tar pãng n yɩɩd yãmbã,

Zozuwe 10:5

Dẽ, Amoor-dãmbã rĩm-dãmb a nu wã lagma taaba: Yaa Zeruzalɛm dĩmã, Ebrõ rĩmã, Yarmut rĩmã, Lakiis rĩmã, ne Eglõ rĩmã. Bãmb yii ne b tãb-biisã fãa n tɩ tilg b tãb-sikã Gabawõ tẽngã noor n na n zab ne-ba.

Zozuwe 10:6

La Gabawõ nebã tʋmame tɩ b kẽng sikã zĩigẽ Gilgall n tɩ yeel a Zozoe yaa: «Da bas-y y tʋmtʋmdbã ye. Wa-y tao-tao n wa fãag-do, sõng-y-do. Bala, Amoor-dãmbã rĩm-dãmbã fãa sẽn be tãmsã sʋkã tigma taab n dat n zab ne tõndo.»

Zozuwe 3:10

A Zozoe yeelame: «Ad bũmb ning sẽn na n kɩt tɩ yãmb bãng tɩ Wẽnnaam sẽn vɩ wã sɩd bee ne yãmba, la b na n diga Kana-rãmbã, Hɛt nebã, la Hevi-rãmbã, ne Ferɛɛz-rãmba, la Girgaaz nebã, ne Amoor-dãmbã ne Zebuus nebã tɩ b zoe yãmb taoore.

Zozuwe 5:1

Amoor-dãmbã rĩm-dãmb nins fãa sẽn be Zʋrdẽ kʋɩlgã rʋʋnd nin-taoorã, ne Kana rĩm-dãmb nins fãa sẽn be ko-kãsengã sẽnẽ wã sẽn wʋm tɩ Sẽn-Ka-Saab kɩtame tɩ Zʋrdẽ koomã kʋɩ tɩ Israyɛll nebã pɩʋʋgã, rabeem yõk-b lame tɩ b ka leb n tar daood Israyɛll nebã taoor ye.

Zozuwe 9:1

Rĩm-dãmb nins sẽn be Zʋrdẽ kʋɩlgã rʋʋnd ne sẽn be-b tãmsã sʋkã, la kunkubã sʋkã ne ko-kãsengã noorã hal n tall n tɩ tãag Libã wã, sẽn yaa Hɛt ne Amoor la Kana-rãmbã, ne Ferɛɛz la Hevi ne Zebuus-rãmbã sẽn wʋm tɩ Israyɛll nebã sãama Ayi tẽngã,

Bʋ-kaoodba 3:5

Woto, Israyɛll nebã zĩnda Kana-rãmbã ne Hɛt-rãmbã, la Amoor-dãmbã ne Perɛɛz-rãmbã la Hevi-rãmbã ne Zebuus-rãmbã sʋka.

Bʋ-kaoodba 6:3

Israyɛll nebã sã n dag n bʋd n sɛ, Madiyã-rãmbã ne Amalɛk-rãmbã ne neb nins sẽn yit-b yaangã wat n zabda ne-ba.

1 Sãmwɛlle 14:48

Yẽnda rɩka a pãngã fãa, n zab ne Amalɛk n tõog-ba, n fãag Israyɛll nebã neb nins sẽn dag n fãad bãmbã nugẽ.

1 Sãmwɛlle 27:8

A Davɩɩd ne a nebã rag n kẽnd n zabda ne Gesʋʋr nebã, Girsi nebã, ne Amalɛk nebã. Bala, yaa bu-kãens n dag n sɩng n be Sʋʋr hal n tɩ tãag Ezɩpte.

1 Sãmwɛlle 30:1

A Davɩɩd ne a nebã sẽn ta Siklaag rasem a tãabã daare, b mikame tɩ Amalɛk buudã rag n kẽng n tɩ zaba ne nug goabg sẽnẽ nebã la ne Siklaage, n tõog-b n ning b tẽngã bugum.

1 Sãmwɛlle 7:14

Israyɛll nebã leb n deega b tẽms nins fãa Filistẽ-dãmbã sẽn dag n deegã, sẽn sɩng ne Ekrõ hal n tɩ ta Gat ne b tẽn-kɩremsã me. Israyɛll fãaga tẽn-bãmb Filistẽ-dãmbã nugẽ. Vɩ-bãan zĩnda Israyɛll nebã ne Amoor nebã sʋka.