Biblia Todo Logo
Bìoball air-loidhne

- Sanasan -




Sõadga 13:27 - WẼNNAAM SEBRE 2014

27 Ad koees nins bãmb sẽn togs a Moyiisã: «Yãmb sẽn tʋm tõnd tɩ d kẽng tẽng ningã, tõnd kẽngame. La tẽngã sɩd pida ne sɩɩd la bĩisim. Dẽ, tẽngã tɩɩs biis la woto.

Faic an caibideil Dèan lethbhreac

SEBR SÕNGO

27 B yeel-b-la woto: «Fo sẽn tʋm tõnd zĩig ningã, d kẽngame la sɩd yaa tẽng sẽn bund sɩɩd la bĩisim. Ges-y b tɩɩsa biisi!

Faic an caibideil Dèan lethbhreac




Sõadga 13:27
22 Iomraidhean Croise  

Bãmb deesa tẽms sẽn tar pãnga, la b rees zĩis sẽn sakd koodo. Bãmb deesa rot sẽn pid ne laog buud toor-toore, la b rees buls b sẽn zoe n tu. Bãmb reesa reezẽ tɩɩs pʋt ne oliiv tɩɩs pʋto, la b rees tɩɩs wʋsg sẽn womd biisi. Yãmb sõmblmã sẽn yaa kãsengã yĩnga, bãmb dɩɩme n tɩg n nobe, la b vɩɩmda naar pʋga.


Sẽn-Ka-Saab sã n wa kɩt tɩ yãmb kẽ tẽng ning Kana nebã, ne Hɛt nebã, la Amoor nebã, ne Hevi nebã, la Zebuus nebã sẽn beẽ wã pʋga, tẽng ning Sẽn-Ka-Saab sẽn dag n kãab n yeel tɩ b na n kõo y yaab-rãmbã, sẽn yaa tẽng sẽn pid ne bĩisim la sɩɩdã, bɩ y maan minin-kãng ki-kãng pʋgẽ.


Mam yeelame tɩ m na n yiisa yãmb namsg ning b sẽn namsd yãmb Ezɩpt tẽngã pʋgẽ wã pʋga, n tall yãmb n kẽng Kana nebã ne Hɛt-dãmbã la Amoor-dãmbã ne Ferɛɛz-rãmbã la Hevi-rãmbã ne Zebuus-rãmbã tẽngẽ. Yaa tẽng sẽn pid ne bĩisim la sɩɩd wʋsgo.»


Mam sigame n na n fãag bãmb Ezɩpt nebã nusẽ, la m yiis bãmb soolem-kãng pʋgẽ n tall bãmb n kẽng tẽn-sõng sẽn yaa bedr pʋgẽ. Yaa tẽng sẽn pid ne bĩisim la sɩɩd wʋsgo. Yaa tẽng ning Kana-rãmbã ne Hɛt-dãmbã la Amoor-dãmbã ne Ferɛɛz-rãmbã la Hevi-rãmbã ne Zebuus-rãmbã sẽn be wã.


Kẽng-y tẽng ning sẽn tar bĩisim ne sɩɩd wʋsgã. La mam ka na n yãag yãmb ye, mam sã n yãag yãmba, mam na n wa sãama yãmb sorã zugu. Bala, yãmb yaa neb sũy sẽn yaa kegemse.»


La m na n pidsa m wẽeneg ning mam sẽn dag n wẽen ne y yaab-rãmbã n yeel tɩ m na n kõo bãmb tẽng sẽn tar bĩisim ne sɩɩd wʋsgã. Rẽ la yãmb sẽn tar dũndã wã. La mam yeelame: «Sẽn-Ka-Saabo, bɩ y kɩt t'a yɩ woto.»


Yãmb kõ-b-la tẽng ning y sẽn dag n wẽen tɩ y na n kõ b yaab-rãmbã. Yaa tẽng sẽn pid ne bĩisim la sɩɩdo.


La we-raoogã pʋgẽ, mam zẽka m nug n wẽen tɩ m ka na n leb n tall bãmb n taas tẽng ning mam sẽn dag n kãab bãmbã ye. Yaa tẽng sẽn tar bĩisim ne sɩɩd wʋsgo, n yaa neer n yɩɩd tẽms a taabã fãa.


Badaare, mam zẽka m nug n wẽen ne bãmb n yeel tɩ m na n yiisa bãmb Ezɩpt tẽng n tall n kẽng tẽng mam sẽn zoe n yãk n bĩng-ba, tẽng sẽn tar bĩisim ne sɩɩd wʋsgo, tẽng sẽn yaa neer n yɩɩd tẽmsã fãa.


Mam yeela yãmb tɩ yaa yãmb n na n deeg tẽngã n sooge. Mam mengã n na n kõ yãmb tẽngã tɩ y sooge. Beenẽ yaa tẽng sẽn tar bĩisim ne sɩɩdo. Bala, mam yaa Sẽn-Ka-Saab sẽn yaa yãmb Wẽnnaam sẽn welg yãmb toor buud a taabã sʋka.


La bãmb yeela nebã yaa: «Tẽng ning tõnd sẽn kẽng n tɩ gesã yaa tẽn-sõng wʋsgo.


Tẽngã tara bĩisim ne sɩɩd wʋsgo. Sẽn-Ka-Saab sã n nong tõndo, bãmb na n talla tõnd n tɩ kẽes tẽn-kãng pʋgẽ, la b na n deega tẽngã n kõ-do.


Fo yiisa tõnd tẽng sẽn pid ne bĩisim la sɩɩd wʋsg pʋgẽ, n tall tõnd n wa weoogã pʋgẽ ka tɩ d na n ki, tɩ rẽndã ka sek foom ye, tɩ f leb n dat n modg tõnd n soog-do!


Sẽn paas menga, ka tẽng sẽn pid ne bĩisim la sɩɩd wʋsg pʋgẽ la fo tall tõnd n tɩ kẽes ye. Leb n ka pʋt ne reezẽ tɩɩs la f kõ-d me ye. Fo tẽedame tɩ nebã yaa zoens la? Tõnd ka na n wa ye.»


la y kaoos tẽng ning Sẽn-Ka-Saab sẽn dag n wẽen n yeel y yaab-rãmbã tɩ b na n kõo bãmb ne b yagensã tɩ b soogã pʋgẽ. Yaa tẽng sẽn pid ne bĩisim la sɩɩd wʋsgo.


Bãmb talla tõnd n wa ka, n wa kõ tõnd tẽn-kãngã. Yaa tẽng sẽn pid ne bĩisim la sɩɩd wʋsgo.


La y gʋls tõ-kãensã goamã fãa bãmb zut n yaool n yik n kẽ tẽng ning Sẽn-Ka-Saab sẽn kõ yãmbã pʋgẽ. Yaa tẽng sẽn pid ne bĩisim la sɩɩd wʋsgo, wa Sẽn-Ka-Saab sẽn yaa yãmb Wẽnnaamã sẽn yeel yãmbã.


Sɩda, mam na n talla bãmb n tɩ kẽes tẽng ning sẽn tar bĩisim ne sɩɩd wʋsg wa mam sẽn dag n wẽen n yeel b yaab-rãmbã, bãmb na n dɩɩme n tɩge, bãmb na n nobame, la b wẽnemd n tũ wẽnnaam-dãmb a taaba, n paoog maam la b sãam m kaoolã.


Woto yĩnga, Israyɛll nebã, kelg-y la y gũusi, la y sak bãmba, n tõog n paam sũ-noog n lebg wʋsg tẽng ning sẽn pid ne bĩisim la sɩɩd wʋsgã pʋgẽ, wa Sẽn-Ka-Saab sẽn yaa yãmb yaab-rãmbã Wẽnnaamã sẽn dag n yeel yãmbã.


Sɩd me, Israyɛll nebã rag n kẽna yʋʋm pis-naas weoogã pʋga, hal tɩ raop nins fãa sẽn tõe n kẽng zabrã sẽn dag n yi Ezɩpt n yaool n ka sak Sẽn-Ka-Saab noorã fãa ki. Bala, Sẽn-Ka-Saab wẽena ne bãmb n yeel tɩ bãmb ka na n kɩt tɩ b yãnd tẽng ning bãmb sẽn kãab b yaab-rãmbã tɩ b na n kõ-d lame wã ye. Yaa tẽng sẽn pid ne bĩisim la sɩɩdo.


Lean sinn:

Sanasan


Sanasan