Sõadga 13:23 - WẼNNAAM SEBRE 2014

²³ Dẽ zugẽ, bãmb kẽnga Ɛskoll ko-soogẽ wã, la bãmb kɛɛga reezẽ tɩɩg will ne reezẽ-gĩnd a ye, n naag ne tɩ-biis a taab sẽn boond tɩ gernaade, ne kankama, n yagl ra-paads zut tɩ neb a yiib tʋk n palg b bãgdo.

SEBR SÕNGO

²³ B wa n pooga Eskol bãg-faaga la b kɛɛga bugsuntung willi ne a sib gĩndi. B kɛɛga raoog n palg gĩnda tɩ neb a yiib tʋk-a. B fãsa kankama la tɩ-biis sẽn wẽnd pooloomse.

Sõadga 13:23 Iomraidhean Croise

Sɩngrẽ 14:13

Ned a yembr n zoe n põs n wa togs Ebre ned a Abram yellã sẽn yɩ to-to. A Abram dag n bee Mamre tɩɩsã sʋka. A Mamre yɩɩ Amoor-dãmbã buud neda, n yaa a Ɛskoll ne a Aneer saam-biiga. Bãmb dag n maana kaool ne a Abram.

Sõadga 13:24

La b pʋda zĩ-kãng yʋʋr tɩ Ɛskoll ko-soogo, sẽn dat n togs tɩ ‹reezẽ-gĩnd ko-soogo› Israyɛll nebã sẽn yãk reezẽ-gĩnd beenẽ wã yĩnga.

Sõadga 32:9

Bãmb kẽname n tɩ ta Ɛskoll ko-soogã, la bãmb sẽn tɩ ges tẽngã n lebg n wa wã, b booga Israyɛll neb a taabã raoodo, sẽn na n yɩlẽ tɩ b ra kẽng n tɩ kẽ tẽng ning Sẽn-Ka-Saab sẽn dag n kõ bãmbã pʋgẽ ye.»

Yaoolem 8:8

Yaa tẽng sẽn sakd koodo, oorze, la reezẽ tɩɩse, ne kankamse, la gernaad tɩɩse, ne oliiv tɩɩse, la sẽn tar sɩɩdo.

Bʋ-kaoodba 16:4

Rẽ fãa loogr zugẽ, a Samsõ yãnda pag a yembr Sorɛk ko-soogẽ wã, n nongẽ. Pagã yʋʋr la a Dalɩla.