Sõadga 13:22 - WẼNNAAM SEBRE 2014

²² Bãmb kẽname n tɩ kẽ Negɛɛv soolmã, n kolg Ebrõ tẽngã. La yaa Ahima, ne Sesayi, la a Talmayi buudã sẽn yaa a Anak yagensã n dag n be beenẽ. Ebrõ tẽngã meeb tɩ yʋʋm-yopoɛɛlẽ, la b yaool n na n me Sowan tẽngã sẽn be Ezɩptã soolmẽ wã.

SEBR SÕNGO

²² B saaga Negɛb n ta Ebrõ, be la a Ayiman, a Sesayi la a Talmayi yagensa da kẽeda. Bãmb la Anakitsa yagense. Yaa nin-wogd buudu. Ebrõ sẽn ya bãmb tẽngã meeme tɩ yʋʋm maana a yopoe, tɩ b yaool n me Tanis, Ezipt tẽnga.

Sõadga 13:22 Iomraidhean Croise

Sɩngrẽ 13:18

Dẽ, a Abram tilga a fu-rotã Mamre tɩɩsã sẽnẽ, n yegl Ebrõ n kẽ. La a Abram mee tẽn-kugr beenẽ Sẽn-Ka-Saab yĩnga.

Sɩngrẽ 23:2

A Saara kii Kiryat-Arba, sẽn dat n togs tɩ yaa Ebrõ sẽn be Kana soolmẽ wã. La a Abrahaam wa n yãba a Saara kʋʋrã.

2 Sãmwɛlle 2:1

Dẽ poore, a Davɩɩd kolga Sẽn-Ka-Saab n sok-b t'a kẽng Zʋʋda tẽng a yembr pʋgẽ bɩ? La Sẽn-Ka-Saab leokame n yeel t'a kẽnge. A Davɩɩd soka Sẽn-Ka-Saab tɩ yɛɛnẽ la a segd n kẽnge? Dẽ, Sẽn-Ka-Saab yeel-a lame t'a kẽng Ebrõ.

2 Sãmwɛlle 2:11

A Davɩɩd sẽn yɩ rĩm Ebrõ n soog Zʋʋda wã, yɩɩ yʋʋm a yopoe la kiis a yoobe.

2 Sãmwɛlle 21:16

A Zisbi-Benoob rag n yaa nin-wobdã yageng a yembre, la a kãndã zɩslem dag yɩɩda zũud kɩlo a tãab la pʋɩ-sʋka, la a rag n tara sʋ-paalg sẽn be a sɛɛgẽ, yẽnda yeelame t'a na n kʋ a Davɩɩde.

Yɩɩn‑sõamyã 78:12

Wẽnnaam maana bõn-bãnd b yaab-rãmbã nifẽ, Sowan tẽngã sẽn be Ezɩpt soolmẽ wã.

Yɩɩn‑sõamyã 78:43

La b yĩma bãn nins Wẽnnaam sẽn maan Ezɩptã yelle, la b ka tẽr bõn-bãn nins Wẽnnaam sẽn maan Sowan tẽngã ye.

A Ezayi 19:11

Sowan tẽng nanambsã tolg n yaa yalemba, Yam dãmb nins sẽn sagend Faarõ wã yaa nin-yaals sulli. Maana a wãn tɩ yãmb saag n na n yeel Faarõ a woto: «Mam yaa sẽn tar-b yamã biiga, n yaa kʋdem-wẽndẽ rĩm-dãmbã yagenga!

A Ezayi 19:13

Sowan tẽng nanambsã ka tar yam ye. Noof tẽng nanambsã belgda b mense. Yẽnda buudã taoor dãmbã kẽesda Ezɩpt nebã moogo.

A Ezayi 30:4

Bãmb nanambsã zoe n bee Soan, tɩ b koe-toagsdbã zoe n ta Haneese.

Sõadga 13:17

A Moyiis sẽn wa n na n tʋm bãmb tɩ b tɩ ges Kana tẽngã, a yeel-b lame yaa: «Bɩ y yi Negɛɛv sẽnẽ, n tɩ rʋ tãmsã n paam n kẽ Kana.

Sõadga 13:28

La yell ning sẽn be, yaa tɩ tẽn-kãng nebã tara pãnga, la b tara tẽm-bɛd b sẽn me lals n gũbgi. La tõnd tol n yãnda nin-wobg a Anak yagensã beenẽ.

Sõadga 13:33

La tõnd tol n yãnda nin-wobdã sẽn yaa a Anak yagensã beenẽ, la tõnd sã n yas b sɛɛgẽ, tõnd geta d mensã wa sʋy bala, la bãmb mensã sẽn get tõndã, d sɩd yaa woto me.»

Yaoolem 9:2

Bãmb buudã yaa bu-kãsenga, n yaa nin-wobdo. Yaa Anak nebã yãmb sẽn mi wã, la y sẽn wʋm tɩ b gomd b yell n yetẽ: «Ãnda n tõe n yals Anak yagensã taoore?»

Zozuwe 10:36

A Zozoe ne Israyɛll nebã fãa tũu taab n yi Ɛglõ n kẽng Ebrõ n tɩ zab ne-a.

Zozuwe 21:13

B yãka weem-tẽms n kõ maan-kʋʋd a Aarõ yagensã, tɩ ned sã n kʋ a to bɩ a zoe n tɩ soond be. Yaa Ebrõ ne a tẽn-kɩremsã, Libna ne a tẽn-kɩremsã.

Bʋ-kaoodba 1:10

Zʋʋda nebã kẽngame n tɩ zab ne Kana nebã sẽn be Ebrõ, b sẽn dag n boond tɩ Kiryat-Araba wã. La b tõoga Sesayi buudã, Ayimane buudã ne Talmayi buudã.

1 Sãmwɛlle 30:31

La a tʋm tɩ b tɩ kɩs Ebrõ kãsem-dãmbã ne zĩis nins fãa a Davɩɩd ne a nebã sẽn dag n kẽngã.