Sõadga 13:20 - WẼNNAAM SEBRE 2014

²⁰ La y ges tẽngã sã n sakda bɩle bɩ a ka sakde. La y ges tɩɩs sã n bee be bɩ ka be. Paam-y raoodo, n kẽng n tɩ tall tẽngã tɩɩs biis n wa.» La rẽ wakat tɩ reezẽ rag n sɩngda moogre.

SEBR SÕNGO

²⁰ Y na bãng tẽnga sã n ket n tara sɩɩlem bɩ a sã n sãbgame; a sã n tara tɩɩse bɩ a sã n ka tare. Modg-y n wa ne b tɩɩsa biisi.» Da yaa Tamuz kiuugu, kiuug a naas soaba, sib moama kiuugu.

Sõadga 13:20 Iomraidhean Croise

1 Kibayã 22:11

Moasã, m biiga, bɩ Sẽn-Ka-Saab zĩnd ne-fo, tɩ f paam tõogre, la f tõog n me Sẽn-Ka-Saab sẽn yaa fo Wẽnnaamã roogo, wa b sẽn dag n yeel fo wɛɛngẽ wã.

A Neemi 9:25

Bãmb deesa tẽms sẽn tar pãnga, la b rees zĩis sẽn sakd koodo. Bãmb deesa rot sẽn pid ne laog buud toor-toore, la b rees buls b sẽn zoe n tu. Bãmb reesa reezẽ tɩɩs pʋt ne oliiv tɩɩs pʋto, la b rees tɩɩs wʋsg sẽn womd biisi. Yãmb sõmblmã sẽn yaa kãsengã yĩnga, bãmb dɩɩme n tɩg n nobe, la b vɩɩmda naar pʋga.

A Neemi 9:35

Bãmb sẽn dag n wa n ket n be b soolmẽ wã, n be bãmb bõn-sõama nins fãa yãmb sẽn kõ-bã pʋgã, yãmb kɩtame tɩ bãmb zĩnd tẽn-yaleng sẽn yaa bʋgsg pʋgẽ, la bãmb ka sak n wẽnemd n bas b manesem-wẽnsã n tũ yãmb ye.

Ezekiyɛl 34:14

M na n talla bãmb n kẽng yam-sõmy zĩisẽ. La bãmb zĩig na n yɩɩ Israyɛll tãmsã zutu. Beenẽ b na n paama vʋʋsg la yam-maas zĩiga.

A Dãniyɛlle 11:24

Yẽnda na n kẽe tẽngã zĩis nins sẽn yaa zĩ-sõama wã tɩ ka tũ ne zabr ye. La yẽnda na n maana bũmb a ba-rãmbã ne a yaab-rãmbã sẽn zɩ n maane. A na n wʋka te-zɛɛdmã, laogã, ne arzegsã yẽnda sẽn dag n paamã n pʋɩ nebã, la a maan sɩlem, n tõog tẽms nins sẽn tar pãngã. La bõn-kãng na n kaoosa wakat bilf bala.

A Miise 7:1

Toog tara maam, bala, mam yaa wa ned sẽn wa n na n wob tɩ-biisi, sɩpaolg wẽnde, la wa ned sẽn wa reezẽ yiisgu, reezẽ wobr poore. Tɩ reezẽ gĩnd ba a ye ka be sẽn na n dɩ ye, la kankam-dẽems nins mam sẽn nongã ba a ye ka be ye.

Sõadga 13:19

La y ges tẽng ning pʋg b sẽn be wã sã n yaa sõama, bɩ a ka sõama. La y ges b tẽmsã sã n tara lals sẽn gũbgi, bɩ b ka tare.

Yaoolem 1:24

Woto, bãmb lebgame n dʋ tãmsã n kẽng n ta Ɛskoll ko-soogã n ges tẽngã.

Yaoolem 1:25

Bãmb yãka tẽngã tɩɩs biis n tall n wa kõ tõndo, la b yeele: «Tẽng ning Sẽn-Ka-Saab sẽn yaa tõnd Wẽnnaamã sẽn kõ tõndã yaa sõama.»

Yaoolem 31:23

Sẽn-Ka-Saab yeela a Nun biig a Zozoe yaa: «Nang pãnga, keng f sũuri. Bala, yaa foom n na n tall Israyɛll nebã n kẽ tẽng ning mam sẽn dag n wẽen tɩ mam na n kõo bãmbã. La mam mengã na n zĩnda ne foom.»

Ebre rãmba 13:6

Dẽnda n kɩt tɩ tõnd tõe n yeel ne raood tɩ: Zu-soabã yaa mam sõangda, mam kõn zoe dabeem ye. Bõe la ninsaal tõe n maan maam?

Zozuwe 1:6

Keng f meng n paam daoodo. Bala, yaa foom n na n kɩt tɩ m nebã soog tẽng ning mam sẽn wẽen n yeel b yaab-rãmbã tɩ m na n kõ-b lame wã.

Zozuwe 1:9

Mam ka yeel foom tɩ f keng f meng n paam daood la? Da zoe rabeem ye, da yɛɛs ye. Bala, Sẽn-Ka-Saab sẽn yaa fo Wẽnnaamã na n zĩnda ne foom zĩig ninga fãa fo sẽn na n kẽnge.»

Zozuwe 2:1

A Nun biig a Zozoe zĩnda Sitim n tʋm tẽn-gũusdb a yiib n yeel-b yaa: «Kẽng-y n tɩ soos-y n ges-y Zeeriko tẽngã, n bãng a yell neere.» Bãmb kẽngame, la b tɩ siga pʋg-yoodr a yembr yʋʋr sẽn boond t'a Rahaab zakẽ, n yõg gãag sobendo.

Zozuwe 2:3

Dẽ, Zeeriko rĩmã tʋmame tɩ b tɩ yeel a Rahaab yaa: «Kɩt tɩ raop nins sẽn wa n sig fo zakẽ wã yi, bala, b waame n na n gũus tẽngã fãa n bãng a yell neere.»