Sõadga 13:2 - WẼNNAAM SEBRE 2014

² «Tʋm neb tɩ b tɩ ges Kana tẽngã mam sẽn na n kõ Israyɛll nebã. La bɩ b yãk Israyɛll buud fãa pʋgẽ nanambsã sʋk nin-yɛnga, n kɩt tɩ b kẽnge.»

SEBR SÕNGO

² «Tʋm neb tɩ b reng taoore n bãng Kanaã tẽnga nenga tɩ yaa tẽn-kãng la m dɩk n kõ Israyɛl kamba. Y na n yãka ned a ye sak fãa pʋgẽ, ned faa ne a ba-biisi. Y na n tũus-b-la Israyɛl nin-tɩɩsa sʋka.»

Sõadga 13:2 Iomraidhean Croise

Yikri 18:25

A Moyiis yãka nin-yẽesens Israyɛll nebã fãa sʋka, n kɩt tɩ b lebg neb tusr-tusr nanambse, neb koabg-koabg nanambse, neb pis-nunu nanambse, la neb piig-piig nanambse.

Sõadga 1:4

La buud fãa pʋgẽ, b na n yãka taoor soab a ye t'a sõng yãmba.

Sõadga 11:16

Sẽn-Ka-Saab yeela a Moyiis yaa: «Bɩ f yãk neb pis-yopoe Israyɛll kãsem-dãmbã sẽn yaa nanambsã sʋka, n tall-b n wa kɩt tɩ b yals mam taoor ne foom sɛk roogã noore.

Sõadga 13:16

A Moyiis sẽn tʋm neb nins tɩ b tɩ ges Kana tẽngã, yʋy yɩɩ woto. La a Moyiis pʋda a Nun biig a Ooze yʋʋr t'a Zozoe.

Sõadga 13:3

Dẽ, a Moyiis maana wa Sẽn-Ka-Saab sẽn yeelã, n tʋm neb tɩ b yi Paarã weoogã n na n kẽnge, la nin-bãmb fãa rag n yaa Israyɛll buudã nanambse.

Sõadga 32:8

Yãmb ba-rãmbã me maana a woto, wakat ning mam sẽn zĩnd Kadɛɛs-Barneya n tʋm-b tɩ b kẽng n tɩ ges Kana tẽngã.

Sõadga 34:18

La buud fãa pʋgẽ yãmb na n yãka naab a ye t'a wa sõng bãmba.

Yaoolem 1:15

Dẽ, mam dɩka yãmb buudã kãsem-dãmbã sẽn tar yam la neb nins nebã sẽn mi sõama wã, n lʋɩɩs yãmb taoore, n kɩt tɩ kẽer lebg neb tusr-tusr nanambse, tɩ kẽer lebg neb koabg-koabg nanambse, tɩ kẽer lebg neb pis-nunu nanambse, tɩ kẽer lebg neb piig-piig nanambse, tɩ kẽer yɩ seb-gʋndb yãmb buudã toor-toorã pʋse.

Yaoolem 9:23

Sẽn-Ka-Saab sẽn wa n kɩt tɩ yãmb yi Kadɛɛs-Barneya wã, bãmb yeela yãmb yaa: «Yik-y n kẽng-y tẽng ning mam sẽn kõ yãmbã n tɩ zab n deeg-a n sooge.» La yãmb kɩɩsa Sẽn-Ka-Saab sẽn yaa yãmb Wẽnnaamã noore, yãmb ka tẽ bãmba, la y ka sak bãmb koɛɛgã ye.

Zozuwe 3:12

Moasã, yãk-y raop piig la a yiib Israyɛll buudã sʋka, la buud fãa pʋgẽ yaa rao a yembre.