Sõadga 12:3 - WẼNNAAM SEBRE 2014

³ La a Moyiis yaool n dag n yaa sik-m-meng soab hal wʋsgo, n yɩɩd ninsaalbã fãa sẽn be dũniyã zugã.

SEBR SÕNGO

³ A Moyiiz ra yaa sulg-m-meng soaba, tẽng zug ka, ned sulg-m-meng ka yɩɩg a rẽnd ye.

Sõadga 12:3 Iomraidhean Croise

Yɩɩn‑sõamyã 147:6

Sẽn-Ka-Saab zẽkda naong rãmba, la b sikda nin-wẽnsã n tãag tẽnga.

Yɩɩn‑sõamyã 149:4

Bala, Sẽn-Ka-Saab sũur nooma ne b nebã. Bãmb fãaga naong rãmbã, n waoog-ba.

Sõadga 12:4

La tao-tao bala, Sẽn-Ka-Saab yeela a Moyiis ne a Aarõ la a Miryam yaa: «Bɩ yãmb y tãabã fãa yik n wa sɛk roogẽ wã.» La bãmb yikame n kẽnge.

A Matiye Sõng 11:29

Rɩk-y mam yubl-balgr n pidi, la y sak mam zãmsgã. Bala, mam yaa nin-bʋgsgo, la m yaa sũ-mar soaba, la yãmb na paam vʋʋsgo.

A Matiye Sõng 21:5

«Yeel-y Sɩyõ nebã yaa: Ges-y-yã! Yãmb Rĩmã zaoo bõn-yãanga, bõn-bila, rũng b sẽn zombd biiga, n wat yãmb nengẽ ne sũ-bʋgsem wʋsgo.»

A Matiye Sõng 5:5

Bark bee sũ-maasem dãmbã zutu, bala b na n sooga dũniyã.

2 Korẽnt rãmba 10:1

Maam a Poll kota yãmb ne sũ-bʋgsem, Kiris sõmblmã pʋgẽ, mam sẽn yaa nin-bʋgsgo, m sẽn wat n be ne yãmba, la m ya nin-toaag m sẽn wat n zãr ne yãmbã.

2 Korẽnt rãmba 11:5

La mam yaool n tẽedame tɩ m ka yɩ poorẽ soab bũmb baa a fʋɩ pʋgẽ, ne tẽn-tʋmdb nins sẽn yet b mens tɩ b yaa tẽn-tʋmd-kãsemsã ye.

2 Korẽnt rãmba 12:11

Yãmb modga maam tɩ m yɩ yalma. Sɩd me, yaa yãmb n da tog n gom n sõng maam. Bala, b sẽn boond-b rãmb tɩ tẽn-tʋmd-kãsemsã pʋs n ka yɩɩd maam ye, baa ne mam sẽn ka baa fɩ wã.

1Tesalonik Rãmba 2:7

La tõnd sẽn zĩnd yãmb sʋkã, tõnd pida ne sũ-bʋgsem. A wa pag sẽn get a kamb yellã,

Zake 3:13

Ãnda yãmb sʋkã n yaa yam soaba, t'a yam weke? Bɩ a yel-manesem-sõngã wilg a tʋʋm sẽn yɩt ne bʋgsem la yam.

1 Pɩyɛɛr 3:4

La yãmb tog n baoo neerem ning sẽn solge, n be ned kam fãa sũurẽ, la sẽn ka sãamdã, sẽn yaa sũ-bʋgsem sɩɩga, la sũ-maasem. Ade, yaa bõn-kãensã n tar yõod wʋsg Wẽnnaam nifẽ.