Sõadga 11:6 - WẼNNAAM SEBRE 2014

⁶ La tõnd sẽn be ka wã, tõnd tara faagr bala. Sã n ka mandã, d ka tar rɩɩb a to ye.

SEBR SÕNGO

⁶ Dũnna d zĩime tɩ d vɩɩma ka le wẽnd ye, d ka le tar bũmb ye. D nin sẽn ne bala yaa man, ka-mi-sẽn-ya-lã.»

Sõadga 11:6 Iomraidhean Croise

2 Sãmwɛlle 13:4

Dẽ, a Yonadaab soka a Amno yaa: «Yaa a wãn tɩ fo kẽnd daar fãa wa nimbãan-neda, n yaool n yaa na-biiga? Togs maam yell ning sẽn tar foom.» A Amno togsa a Yonadaab tɩ yaa a ba-biig a Absalom yao-bi-pugl a Tamaar la yẽnda rata.

Zeremi 44:18

La sẽn sɩng ne wakat ning tõnd sẽn bas n ka leb n yõogd wisd la d maand bõn-yũudl kũun n kõt saasẽ dĩm-poakã, tõnd konga bũmb fãa, la zabr sʋʋg ne kom kʋʋ tõndo.»

Sõadga 21:5

Dẽ, Israyɛll nebã sɩngame n yẽgem ne Wẽnnaam, la ne a Moyiis n yeele: «Bõe yĩng tɩ yãmb yiis tõnd Ezɩpt tẽngã tɩ d na n wa ki weoogẽ ka? Bur ka be ka, koom me ka be ka. La tõnd yamã me yaa n yii ne mandã sẽn yaa nin-bãan-dɩɩbã»