Sõadga 11:20 - WẼNNAAM SEBRE 2014

²⁰ Yãmb na n wãba nemdã kiuug tõre. Y na n wãb-a lame t'ɩ loog-yã, hal n wa yit y yõ-bogdẽ wã, tɩ y yamã yi-a. Bala yãmb basa Sẽn-Ka-Saab sẽn be ne yãmbã, n yẽgem n yeel tɩ maana a wãn tɩ b yiis yãmb Ezɩpt tẽngã.»

SEBR SÕNGO

²⁰ na n yɩɩ kiuug tõre t'a wa yit y yõe bogdẽ, t'a yʋʋr sã n pʋde bɩ y rat n wʋbe. Na n yɩɩ boto tɩ y basa Soaala kɛɛnga la bãmb yaool n be-la y sʋka. Na n yɩɩ boto tɩ y saag n yeelame: Bõe yĩng tɩ y pʋs n yiis-d Ezipt tẽnga?› »

Sõadga 11:20 Iomraidhean Croise

2 Sãmwɛlle 12:10

Beneere, sẽn sɩng ne moasã, toog ka na n tol n kong fo yirã ye. Bala, fo sẽn dɩk Hɛt rao a Uuri pagã yĩnga, fo paooga maam.»

Yɩɩn‑sõamyã 106:15

Wẽnnaam kõo bãmb b sẽn kosã, la b tʋm bãag n kɩt tɩ b faage.

Yikri 16:13

Zaabr sẽn ta, kodens n wa n lud sik zĩigã. La vẽkembeoogo, meenem n gãneg zĩigã fãa sẽn gilg sik zĩigã.

Yikri 16:3

Israyɛll nebã yeela bãmb yaa: «Sẽn-Ka-Saab sã n dag n kʋẽ tõnd Ezɩpt tẽngã wakat ning tõnd sẽn dag n ket n zĩ nemdã rʋgd sɛɛgẽ, la tõnd sẽn dag n dɩt n tɩgdã n são! Bala, yãmb sẽn tall tõnd n wa we-ra-kãngã pʋgẽ wã yaa sẽn na n yɩlẽ tɩ kom kʋ kʋʋn-kãngã fãa!»

Yikri 16:8

La a Moyiis yeelame: «Zaabrã, Sẽn-Ka-Saab na n kõo yãmb nemd tɩ y wãbe, la beoog yibeoogo, bãmb na n kõo yãmb dɩɩb tɩ y rɩ n tɩge. Bala, Sẽn-Ka-Saab wʋma yãmb sẽn yẽgemd ne bãmbã. La tõndo, tõnd yaa bõe? Yãmb ka yẽgemd ne tõnd ye, yaa ne Sẽn-Ka-Saabo.»

Yelbũna 27:7

Ned sã n dɩ n tɩge, a zãgsda sɩɩdo, la kom sẽn tar-a soab getame tɩ bõn-tɩɩsg buudã fãa yaa noogo.

Malasi 1:6

Saasẽ-Pãng-Soabã yetame: «Biig waoogda a ba, tɩ yamb waoogd a Zu-soabã. Sã n yaa tɩ mam yaa yãmb Ba, waoogr ning b sẽn tog n waoog maamã bee yɛɛnẽ? La sã n yaa tɩ mam yaa yãmb Zu-soaba, zoees ning yãmb sẽn tog n zoe maamã bee yɛɛnẽ? Yãmb a maan-kʋʋdbã paoogda mam yʋʋrã, n yaool n sokdẽ: ‹Tõnd maana bõe n paoog yãmb yʋʋrã?›

Sõadga 11:13

Mam na n yãnda nemd yɛɛnẽ n kõ nin-bãmbã fãa? Bala, bãmb yãbda ne maam n yetẽ tɩ rẽnd mam kõ bãmb nemd tɩ b wãbe.

Sõadga 11:19

La ka daar a ye bɩ a yiib bal la yãmb na n paam nemdã n wãb ye. Leb n ka rasem a nu, bɩ rasem piiga, wall rasem pisi tɛk bal ye.

Sõadga 11:21

A Moyiis leoka Sẽn-Ka-Saab yaa: «Nebã sẽn be ne maam n kẽndã sõor taa neb tus kobs-yoobe. Yãmb tagsdame tɩ y na n tõog n yãnda nemd n kõ-b tɩ b wãb kiuug tõre!

Sõadga 14:3

Yaa bõe tɩ Sẽn-Ka-Saab talld tõnd n na n kẽes tẽng a woto pʋgẽ? Tõnd na n kii zabrẽ wã, tɩ b wʋk d pagbã ne d kambã. Tõnd sã n lebg n leb Ezɩpt tẽngã n são.»

Sõadga 14:4

Dẽ, bãmb goma ne taab n yeele yaa: «Wa-y tɩ d yãk ned t'a yɩ d taoor soaba, tɩ d lebg n leb Ezɩpt tẽngã!»

Sõadga 16:13

Fo yiisa tõnd tẽng sẽn pid ne bĩisim la sɩɩd wʋsg pʋgẽ, n tall tõnd n wa weoogã pʋgẽ ka tɩ d na n ki, tɩ rẽndã ka sek foom ye, tɩ f leb n dat n modg tõnd n soog-do!

Sõadga 20:4

Bõe yĩng tɩ y tall tõnd sẽn yaa Sẽn-Ka-Saab nebã n wa weoogẽ ka, tɩ tõnd ne d rũmsã na n ki?

Sõadga 21:5

Dẽ, Israyɛll nebã sɩngame n yẽgem ne Wẽnnaam, la ne a Moyiis n yeele: «Bõe yĩng tɩ yãmb yiis tõnd Ezɩpt tẽngã tɩ d na n wa ki weoogẽ ka? Bur ka be ka, koom me ka be ka. La tõnd yamã me yaa n yii ne mandã sẽn yaa nin-bãan-dɩɩbã»

Tʋʋma 13:41

‹Nin-kɩɩsdba, ges-y-yã, la y yɛɛs n menem, bala, mam na n maana tʋʋmd yãmb belmã wakate. Yaa tʋʋmde, tɩ b sã n dag n yeel yãmba, y kõn tol n tẽ ye.› »

1Tesalonik Rãmba 4:8

Woto, ned ning sẽn kɩɩsd-a tõ-kãensã, ka ninsaal la a kɩɩsd ye, la yaa Wẽnnaam, soab ning sẽn kõ-a yãmb bãmb Sɩɩg-sõngã me la a kɩɩsda.

Zozuwe 24:27

Dẽ, a Zozoe yeela nebã yaa: «Ade, kug-kãngã na n yɩɩ kaset tõnd yĩnga, bala, kugrã wʋma goam nins fãa Sẽn-Ka-Saab sẽn gom ne tõndã. Dẽ wã, a na n yɩɩ kaset tõnd yĩnga, tɩ yãmb da wa kɩɩs y Wẽnnaamã ye.»

1 Sãmwɛlle 10:19

La rũndã, yãmb kɩɩsa y Wẽnnaamã sẽn fãagd yãmb y toogã la y sũ-sãamsã pʋgẽ wã, n yetẽ tɩ b bao rĩm n kõ-y t'a soog-yã. Moasã, bɩ y kolg Sẽn-Ka-Saab taoore, buud-buudu, la roog-roogo.»

1 Sãmwɛlle 2:30

Beneere, maam a Sẽn-Ka-Saab sẽn yaa Israyɛll Wẽnnaamã yetame yaa: «Mam dag n yeelame tɩ yãmb doogã ne y yaab-rãmbã roog na n maana mam tʋʋmdã wakat fãa yĩnga. La moasã, maam a Sẽn-Ka-Saab yetame tɩ kãab-kãngã kõn tol n leb n paam pidsg yɛs ye. Bala, mam waoogda neb nins sẽn waoogd maamã, la neb nins sẽn paoogd maamã na n paama paoogre.»