Sõadga 11:2 - WẼNNAAM SEBRE 2014

² Dẽ, nebã kelem n kosa a Moyiis t'a sõng-ba. La a Moyiis pʋʋsa Sẽn-Ka-Saab bãmb yĩnga, la bugmã kiime.

SEBR SÕNGO

² Neba kelma a Moyiiz tɩ yẽ yõk Soaala-Wẽnd sɛɛga, tɩ bugma ka le kẽng taoor ye.

Sõadga 11:2 Iomraidhean Croise

Yɩɩn‑sõamyã 106:23

Wẽnnaam yeelame tɩ b na n menes-b lame, la b nin-tũusdg a Moyiis bal n na n põse. A Moyiis yõka Wẽnnaam sɛɛga, n na n kos-b tɩ b sik b sũuri, la b ra sãam nebã ye.

Yikri 10:18

Dẽ, a Moyiis yii Faarõ nengẽ n looge, la yẽnda tɩ yõka Sẽn-Ka-Saab sɛɛga.

Yikri 34:9

La yẽnda yeelame: «M Zu-soaba, yãmb sã n nonga maam, baa nebã sũyã sã n yaa kegemse, mam kotame tɩ y yãag tõndo. La y kõ tõnd sugr d kongrã ne d yel-wẽnã yĩnga. La tõnd na n yɩɩ yãmb dẽnda.»

A Ezayi 37:4

Daar ninga, Sẽn-Ka-Saab sẽn yaa yãmb Wẽnnaamã na n wʋma goamã Asiiri rĩmã sõgen-kãsengã b sẽn tʋm t'a wa tʋʋs Wẽnnaam sẽn vɩ wã to-to wã. Tõeeme tɩ Sẽn-Ka-Saab sẽn yaa yãmb Wẽnnaamã na n sɩbg-b-la goam nins yẽnda sẽn gom tɩ bãmb wʋma yĩnga. Woto wã, bɩ y pʋʋs Wẽnnaam neb nins sẽn ketã yĩnga.»

Zeremi 15:1

Sẽn-Ka-Saab yeela maam yaa: «Ba a Moyiis ne a Sãmwɛll sã n wa yals mam taoore, mam ka na n zoe nin-bãmbã nimbãaneg ye. Rig-b tɩ b menem mam taoor n bao zĩiga.

Zeremi 37:3

Rĩm a Sedesiyaas tʋma a Selemiya biig a Yukall ne maan-kʋʋd a Maaseya biig a Sofoni, tɩ b tɩ kos Wẽnnaam no-rɛɛs a Zeremi t'a pʋʋs Sẽn-Ka-Saab sẽn yaa bãmb Wẽnnaamã bãmb yĩnga.

Zeremi 42:2

n yeel Wẽnnaam no-rɛɛs a Zeremi yaa: «D wẽed-f-la kãntɩɩga, tɩ f wʋm tõnd se-yõkrã. Pʋʋs Sẽn-Ka-Saab sẽn yaa fo Wẽnnaamã tõnd ne neb nins fãa sẽn ketã yĩnga. Bala, tõnd sõorã rag n yaa wʋsgo, la fo neeme tɩ moasã, yaa tõnd bilf bal n kete.

Sõadga 12:11

Dẽ, a Aarõ yeela a Moyiis yaa: «M zu-soaba, y sugri! Tõnd beegame, la d kot-y lame tɩ y ra sɩbg tõnd d kongrã yĩng ye.

Sõadga 12:13

Dẽ, a Moyiis pʋʋsa Sẽn-Ka-Saab n yeel yaa: «Mam Wẽnnaam, mam kot-y lame tɩ y maag a Miryam!»

Sõadga 21:7

La neb nins sẽn ket-bã kẽnga a Moyiis nengẽ n tɩ yeel-a yaa: «Tõnd beegame! Bala, tõnd yẽgma ne Sẽn-Ka-Saabo, la ne foom. Dẽ yĩngã, bɩ f pʋʋs n kos Sẽn-Ka-Saab tɩ b kɩt tɩ wiisã loog n bas-do.» Dẽ, a Moyiis pʋʋsa nebã yĩnga.

Tʋʋma 8:24

A Sɩmo yeel-b lame yaa: Yãmb mens pʋʋs Zu-soabã mam yĩnga, tɩ bũmb nins yãmb sẽn yeelã ba a yembr da paam maam ye.

Ebre rãmba 7:26

Yaa maan-kʋʋd kãsem a woto la tõnd sɩd tog n paame: Ned sẽn welg toor Wẽnnaam yĩnga, n ka tar yelle, ned sẽn ka rog-b ye, n bak ne yel-wẽn-maandbã, la b zẽk-b lame n kẽng saasẽ.

Zake 5:16

Woto yĩngã, vẽneg-y n togs-y taab y yel-wẽna, la y pʋʋs taab yĩnga, tɩ y tõe n paam maagre. Nin-tɩrg pʋʋsgo, a sẽn pʋʋs ne a sũur fãa tara tõogr wʋsgo.

1 Zã 5:16

Ned sã n yãnd a ba-biig sẽn maan yel-wẽnd sẽn ka wat ne kũum, bɩ a pʋʋse, la Wẽnnaam na kõ-a vɩɩm. Yaa neb nins sẽn maand-b yel-wẽn sẽn ka wat ne kũumã yĩnga la y tog n pʋʋse. Yel-wẽnd n be n wat ne kũum, ka yel-wẽn‑kãng yĩng la mam sẽn yet tɩ y pʋʋsã ye.