Sõadga 11:17 - WẼNNAAM SEBRE 2014

¹⁷ Mam na n siga beenẽ n gom ne foom. La mam na n yãka Sɩɩg ning fo sẽn tarã bilfu, n kõ bãmba, tɩ b tõe n sõng foom n zã nebã. Dẽ, fo ka na n leb n yɩ f yembr ye.

SEBR SÕNGO

¹⁷ Be la m na n wa gom ne foo. M na yãk kũun ning f sẽn paama bilfu n kõ-ba la b na naag foom n tʋk zɩɩbã, fo kõn le zɩ-a f ye ye.

Sõadga 11:17 Iomraidhean Croise

Sɩngrẽ 11:5

Sẽn-Ka-Saab sigame n na n ges tẽngã ne gãosgã ninsaalbã kamb sẽn dag n metã.

Sɩngrẽ 17:22

Wẽnnaam sẽn gom woto ne a Abrahaam n sɛ, bãmb basa a Abrahaam n looge.

Sɩngrẽ 17:3

La a Abram lʋɩɩme n fõgen a neng tẽnga. La Wẽnnaam yeela yẽnda yaa:

Sɩngrẽ 18:33

Sẽn-Ka-Saab sẽn gom a woto ne a Abrahaam n sɛ, b loogame. La a Abrahaam lebg n kuila a yiri.

2 Rĩm-dãmba 2:15

No-rɛɛsdbã karen-biis nins sẽn be Zeeriko tẽngã noorã sẽn yãnd a Eliize sẽn maanã, b yeelame: «A Eli pãngã siga a Eliize zugu!» La bãmb kẽng n tɩ sega a Eliize, n wõgemd a taoor n fõgen b nens tẽnga.

2 Rĩm-dãmba 2:9

La bãmb sẽn ta kʋɩlgã rʋʋnde, a Eli yeela a Eliize yaa: «Kos maam bũmb ning fo sẽn dat tɩ m maan n kõ-fo, sẽn deng b sẽn na n zẽk maam tɩ m loog n bas foomã.» A Eliize leokame: «Mam kotame tɩ y kõ maam sɩɩg ning yãmb sẽn tarã naoor a yiibu.»

A Neemi 9:20

Yãmb sõmblmã yĩnga, yãmb kõ-b-la yãmb yam-sõngã, tɩ b tõe n paam bãngre, la yãmb kõo bãmb mandã tɩ b rɩ, la y kõ-b-la koom tɩ b yũ n yiis b ko-yũudu.

Yikri 18:18

Foom ne neb nins fãa sẽn be ne foomã na n gɩmbame. Bala, tʋʋmdã yɩɩda fo pãnga. Foom f yembr ka tõe n maan yõwã ye.

Yikri 18:22

Bɩ nanamb-kãens kaood nebã bʋʋd wakat fãa. Sã n yaa yel-kãsemse, bɩ b tall n wa fo nengẽ, la bɩ b mens kao yel-bãoonegã bʋʋdo. Sak tɩ b sõng foom n boog f zɩɩbã.

Yikri 19:11

Bɩ b segl b mens rasem a tãabẽ soabã yĩnga. Bala, rasem a tãabã daare, Sẽn-Ka-Saab na n siga Sinayi tãngã zug nebã fãa nifẽ.

Yikri 19:20

Sẽn-Ka-Saab siga Sinayi tãngã zugu. Sẽn-Ka-Saab boola a Moyiis t'a wa tãngã zugu. La a Moyiis rʋʋ tãngã.

Yikri 34:5

La Sẽn-Ka-Saab siga sawaodgã pʋgẽ n yals beenẽ ne yẽnda. Yẽnda pʋʋsa ne Sẽn-Ka-Saab yʋʋre.

A Ezayi 44:3

Bala, mam na n pʋdga koom tẽn-gãong sẽn kʋɩ zugu, la m kɩt tɩ kʋɩls koom zoe tẽn-koɛɛng zugu. Mam na n pʋdga m sɩɩgã yãmb kambã zugu, la m pʋdg m barkã yãmb yagensã zugu.

A Ezayi 63:11

Woto, bãmb nebã tẽega wakat sẽn loogã yelle, bãmb tẽega a Moyiis wakatẽ wã yell n sokdẽ yaa: «Soab ning sẽn kɩt-a tɩ bãmb pe-kɩɩmbã ne bãmb piisã pɩʋʋg ko-kãsengã n loogã bee yɛɛnẽ? Soab ning sẽn dag n kɩt-a tɩ b Sɩɩgã be bãmb pʋsã bee yɛɛnẽ?

Sõadga 11:25

La Sẽn-Ka-Saab siga sawad-taokã pʋgẽ, n gom ne a Moyiisi. La bãmb yãka Sɩɩg ning sẽn da be ne a Moyiisã bilfu, n kõ kãsem-dãmb pis-yopoe wã. La wakat ninga Sɩɩgã sẽn sig bãmb zutã, b sɩngame n gomd pĩnd-n-bãngr goamã, la b ka leb n gom a buud nindaar ye.

Sõadga 12:5

Dẽ, Sẽn-Ka-Saab siga sawad-taokã pʋgẽ n yals sɛk roogã noore. La bãmb boola a Aarõ ne a Miryam. La bãmb b yiibã kolgame.

Sõadga 12:8

Mam gomda ne yẽnda neng ne nenga. Mam ka solgd m meng n gom ne yẽnda ye. La yaa bõe tɩ yãmb ka zoe rabeem tɩ wɩd mam tʋmtʋmd a Moyiisi?»

Sõadga 27:18

Sẽn-Ka-Saab leoka a Moyiis n yeela yaa: «Yãk a Nun biig a Zozoe n tik-a ne f nusi, bala mam Sɩɩgã be a zugu.

Sõadga 7:89

A Moyiis sã n mi n kẽ sɛk roogã pʋgẽ n na n gom ne Sẽn-Ka-Saabo, a rag n wʋmda Sẽn-Ka-Saab koɛɛgã sẽn yit Serubẽ-rãmb a yiibã sẽn be kaoolã koglgã limdã zugã sʋka, n gomd ne yẽnda.

A Zã Sõng 3:13

Ned baa a yembr ka rʋ saasẽ ye, sã n ka sẽn yi-a arzãn n wa wã: ‹yaa Ninsaal Bi-riblã.›

A Zã Sõng 7:39

A Zeezi dag n goma Sɩɩg-sõngã neb nins sẽn tẽed bãmbã sẽn na n deegã yelle. Bala, b dag n nan ka kõ nebã Sɩɩg-sõngã ye, a Zeezi sẽn dag n nan ka paam waoogrã yĩnga.

Rom Dãmba 8:9

Ne yãmba, yĩngã ratem ka leb n so yãmb yɛs ye, yaa Sɩɩgã n so yãmba, sã n yaa tɩ Wẽnnaam Sɩɩgã bee yãmb pʋse. Ned sã n ka tar Kiris Sɩɩgã, a ka bãmb dẽnd ye.

1 Korẽnt rãmba 2:12

Tõnd yaool n ka reeg dũni sɩɩg ye, la yaa Sɩɩg sẽn yit Wẽnnaam nengẽ, tɩ tõnd tõe n bãng bũmb nins Wẽnnaam sẽn kõ tõndo, b nimbãan-zoeerã yĩnga.

1Tesalonik Rãmba 4:8

Woto, ned ning sẽn kɩɩsd-a tõ-kãensã, ka ninsaal la a kɩɩsd ye, la yaa Wẽnnaam, soab ning sẽn kõ-a yãmb bãmb Sɩɩg-sõngã me la a kɩɩsda.

1 Pɩyɛɛr 1:22

Yãmb sẽn sak sɩdã n yɩlg y mensã, sẽn na n yɩlẽ n paam nonglem meng-meng ba-biisã yĩngã, bɩ y nong taab wʋsg ne y sũyã fãa,

A Zʋʋde 1:19

Ad yaa, bãmb n wat ne welgre, n yaa neb sẽn vɩ yĩngã yĩnga, tɩ Wẽnnaam Sɩɩg ka b pʋgẽ ye.

1 Sãmwɛlle 10:6

Wẽnnaam Sɩɩgã na n kẽe foom la fo me na n naaga bãmb n maan no-rɛɛs manesem, la fo na n tekame n lebg ned a to.