Sõadga 11:13 - WẼNNAAM SEBRE 2014

¹³ Mam na n yãnda nemd yɛɛnẽ n kõ nin-bãmbã fãa? Bala, bãmb yãbda ne maam n yetẽ tɩ rẽnd mam kõ bãmb nemd tɩ b wãbe.

SEBR SÕNGO

¹³ Yɛɛlẽ la m na n yãe nemdo n kõ zãma sẽn ta woto fãa la sẽn pʋgd-m ne nintãm la a maanẽ: Kõ-d nemd tɩ d wãbe?

Sõadga 11:13 Iomraidhean Croise

2 Rĩm-dãmba 4:43

A Eliize rakõorã yeelame yaa: «Mam na n maana a wãn n tõog tɩ yõwã sek neb koabg rɩlgre?» Dẽ, a Eliize yeel-a lame: «Rɩk n kõ nebã tɩ b rɩ. Bala, Sẽn-Ka-Saab yetame: ‹Yãmb na n dɩ n tɩgame tɩ kelle.› »

2 Rĩm-dãmba 7:2

Dẽ, wed-kɩɩm-naab ning sẽn tũud-a rĩmã yeela Wẽnnaam dao a Eliize yaa: «Gese, baa Sẽn-Ka-Saab sã n wurg sa-gãongã, bũmb a woto ka tõe n zĩnd ye.» La a Eliize yeel-a lame yaa: «Beneere, fo nin na n yãnda bõn-kãnga, la f kõn dɩ-a ye.»

Sõadga 11:20

Yãmb na n wãba nemdã kiuug tõre. Y na n wãb-a lame t'ɩ loog-yã, hal n wa yit y yõ-bogdẽ wã, tɩ y yamã yi-a. Bala yãmb basa Sẽn-Ka-Saab sẽn be ne yãmbã, n yẽgem n yeel tɩ maana a wãn tɩ b yiis yãmb Ezɩpt tẽngã.»

Sõadga 11:21

A Moyiis leoka Sẽn-Ka-Saab yaa: «Nebã sẽn be ne maam n kẽndã sõor taa neb tus kobs-yoobe. Yãmb tagsdame tɩ y na n tõog n yãnda nemd n kõ-b tɩ b wãb kiuug tõre!

Sõadga 11:22

Baa tõnd sã n kʋ d piisã, ne d bʋʋsã, la d niigã fãa n kõ-ba, ka tõe n sek-b ye. La baa tõnd sã n dag n tõe n yõg zĩmã fãa sẽn be ko-kãsengã pʋgẽ wã, baoosgo, yõwã ka tõe n sek ye.»

A Matiye Sõng 15:33

Karen-biisã soka bãmb yaa: «Tõnd na n maana a wãn n paam bur weoogẽ ka sẽn sekd tɩ nin-kãensã fãa rɩ n tɩge?»

A Mark Sõng 8:4

Bãmb karen-biisã sok-b lame yaa: «D na n yãa bur yɛɛnẽ weoogẽ ka tɩ sek nin‑bãmbã fãa?»

A Mark Sõng 9:23

A Zeezi yeela yẽnda yaa: «Yãmb sã n tõe? Ned ning fãa sẽn tẽed tõee bũmb fãa.»