Sõadga 11:12 - WẼNNAAM SEBRE 2014

¹² Yaa maam n dog nin-bãmbã la? Bɩ yaa maam n wa ne-b dũni zugu, tɩ yãmb dat tɩ mam zã bãmb wa bi-yaoond sẽn zãad bi-pɛɛlga, n tall-b n ta tẽng ning yãmb sẽn kãab tɩ y na n kõ b yaab-rãmbã.

SEBR SÕNGO

¹² Maam n dog-b bɩ tɩ y yet-m tɩ m deeg ba m naoẽ wala ma-wubdg sẽn deegd a biiga? La ka yam-yam ka meng ye, yaa y sẽn kãab b ba rãmb tẽng ninga la m na n tall-b n taase.

Sõadga 11:12 Iomraidhean Croise

Sɩngrẽ 13:15

Bala, mam na n dɩka soolem ning fo sẽn ne wã, n kõ foom ne f yagensã tɩ y soog wakat fãa yĩnga.

Sɩngrẽ 24:7

Sẽn-Ka-Saab sẽn yaa saasẽ Wẽnnaamã sẽn kɩt tɩ mam yi n bas m buudã ne m ba-yirã, bãmb sẽn gom ne maam n wẽen n yeel tɩ bãmb na n kɩtame tɩ mam yagensã soog tẽn-kãngã wã, bãmb mengã na n tʋma b malɛɛk t'a lʋɩ fo taoore, la yaa beenẽ la fo na n bao pag n wa kõ mam biigã.

Sɩngrẽ 26:3

Zĩnd sãand tẽn-kãng pʋga, bala, mam bee ne foom, la m na n ning-f-la barka. Bala, mam na n dɩka tẽn-bãmb fãa n kõ foom ne f yagensã tɩ y sooge. Mam na n maana woto, n pids wẽeneg ning mam sẽn dag n wẽen ne fo ba a Abrahaamã.

Sɩngrẽ 50:24

A Zozɛf yeela a kẽem-dãmbã yaa: «Mam na n wa n kiime! La Wẽnnaam na n wa yiisa yãmb tẽn-kãngã, la yaa bũmb sẽn na n pidsi, la b na n tall-y lame n kẽng tẽng ning bãmb sẽn dag n wẽen n yeel tɩ b na n kõ a Abrahaam ne a Izak la a Zakoobã.»

2 Rĩm-dãmba 10:1

Rĩm a Akaab kom-dibli pis-yopoe n dag n be Samaari tẽnga. A Zehu gʋlsa sɛb n tʋm neb tɩ b kẽng Samaari tẽngã, n tɩ kɩs Zizreyɛll nanambsã, kãsem-dãmbã, ne neb nins fãa sẽn dag n get a Akaab kom-dibli wã yellã. A sẽn gʋls sɛbã pʋgã la woto:

2 Rĩm-dãmba 10:5

La na-yirã balem-naabã ne tẽngã tãb-biis naabã, la kãsem-dãmbã, ne neb nins sẽn get-b a Akaab kom-dibli wã yellã, tʋma ned t'a kẽng n tɩ yeel a Zehu yaa: «Tõnd yaa yãmb tʋmtʋmdba, dẽ wã, yãmb sẽn yeel tõnd tɩ d maan bũmb ning fãa, tõnd na n maaname. La sã n yaa ne koɛɛg ning yãmb sẽn yeel tõndã, tõnd ka na n yãk ned ba a yembr t'a lebg tõnd dĩm ye. Bɩ y maan bũmb ning yãmb sẽn tagsd tɩ yaa sõama.»

Yikri 13:11

«Sẽn-Ka-Saab sã n wa tall yãmb n tɩ kẽes Kana nebã tẽngẽ, wa bãmb sẽn dag n wẽen n yeel tɩ b na n kõo yãmb ne y yaab-rãmbã, b sã n wa kõ yãmb tẽn-kãnga,

Yikri 13:5

Sẽn-Ka-Saab sã n wa kɩt tɩ yãmb kẽ tẽng ning Kana nebã, ne Hɛt nebã, la Amoor nebã, ne Hevi nebã, la Zebuus nebã sẽn beẽ wã pʋga, tẽng ning Sẽn-Ka-Saab sẽn dag n kãab n yeel tɩ b na n kõo y yaab-rãmbã, sẽn yaa tẽng sẽn pid ne bĩisim la sɩɩdã, bɩ y maan minin-kãng ki-kãng pʋgẽ.

Yikri 33:1

Sẽn-Ka-Saab yeela a Moyiis yaa: «Bɩ foom ne neb nins fo sẽn yiis Ezɩpt soolem pʋgẽ wã yi ka n kẽng tẽng ning mam sẽn dag n kãab a Abrahaam ne a Izak la a Zakoob n yeel tɩ m na n kõo bãmb yagensã.

Yikri 6:8

Mam na n talla yãmb n tɩ kẽes tẽng ning mam sẽn dag n zẽk m nug n wẽen n yeel tɩ m na n kõo a Abrahaam ne a Izak la a Zakoobã. Maam a Sẽn-Ka-Saab na n kõo yãmb tẽngã tɩ y sooge.»

A Ezayi 40:11

Bãmb dɩlgda b nebã wa pe-kɩɩm sẽn wãbenegd a rũmsi, bãmb na n tẽega b nug n tigim b piisã, n kãag-b n mobg b menga. Bãmb lekda pe-yãansã sẽn yẽsemd kambã.

A Ezayi 49:15

Sẽn-Ka-Saab leokame: Pag tõe n yĩma biig ning a sẽn yẽsemdã yell sɩda? Yẽnda ka na n zoe biig ning sẽn yi yẽnda pʋgẽ wã nimbãaneg sɩda? Baa yẽnda sã n tõe n yĩm a yelle, mam kõn tol n yĩm fo yell ye.

A Ezayi 49:23

Rĩm-dãmb n na n yaool fo kambã, la bãmb rĩm-pogsã na n yɩɩ fo kom-yaoondba. Bãmb na n wõgemda fo taoore, n fõgen b nens tẽnga, n lelem fo naoã wubsgã. Dẽ la fo na n bãng tɩ mam yaa Sẽn-Ka-Saabo, la neb nins sẽn dɩk b teegr n teeg maamã kõn paam yãnd ye.»

Ezekiyɛl 34:23

La mam na n yãka pe-kɩɩm a yembr bal sẽn yaa mam tʋmtʋmd a Davɩɩd t'a lʋɩ bãmb taoore, n kɩɩm-ba. Yaa yẽnda n na n yɩ b pe-kɩɩma.

A Zã Sõng 10:11

Maam la pe-kɩɩm-sõngã. Pe-kɩɩm-sõng gẽnegda a yõor a piis yĩnga.

1 Korẽnt rãmba 4:15

Sɩd me, ba yãmb sã n paam tɛtb tus piig Kiris pʋgẽ, yãmb ka tar ba-rãmb wʋsg ye. Bala, yaa maam n dog yãmb a Zeezi Kiris pʋgẽ, koe-noogã maasem yĩnga.

Galat Rãmba 4:19

Mam kamba, rogem toog leb n tara maam yãmb yĩnga, hal n na ta wakat ning yãmb sẽn nan wẽneg Kirisã.

Yaoolem 1:31

Weoogã pʋga, yãmb yãnda Sẽn-Ka-Saab sẽn yaa yãmb Wẽnnaamã sẽn buk yãmb wa ned sẽn buk a biiga, kẽndã fãa pʋgẽ hal tɩ yãmb wa tãag zĩ-kãngã wã.

1Tesalonik Rãmba 2:7

La tõnd sẽn zĩnd yãmb sʋkã, tõnd pida ne sũ-bʋgsem. A wa pag sẽn get a kamb yellã,