Sõadga 11:1 - WẼNNAAM SEBRE 2014

¹ Daar a yembre, Israyɛll nebã yẽgma wʋsg ne Sẽn-Ka-Saabo. La Sẽn-Ka-Saab sẽn wʋm bõn-kãnga, b sũurã puuga wʋsgo, tɩ b kɩt tɩ bugum sig n dɩ sik zĩigã kɩrengã.

SEBR SÕNGO

¹ Daar a ye Israyɛl kamba waa n yik n guglma wʋsgo ne Naaba-Wẽnde. La Soaala-Wẽnd sẽn wʋme, pa ta b yam ye. Soaala-Wẽnd sũura puugame tɩ bugum sig tẽnga n yõog neba la a rɩ sika kɩrenga.

Sõadga 11:1 Iomraidhean Croise

Sɩngrẽ 38:10

La yẽnda sẽn dag n maan bũmb ningã rag n ka noom Sẽn-Ka-Saab sũur ye. La Sẽn-Ka-Saab kɩtame tɩ yẽnda me ki.

2 Sãmwɛlle 11:27

La a Betseba sẽn yãb a sɩdã kʋʋr n sɛ, a Davɩɩd tʋmame tɩ b tɩ peeg-a n wa. Woto, a Davɩɩd rɩk-a lame t'a lebg a paga. Rẽ zugẽ, a Betseba roga a Davɩɩd bi-ribla. A Davɩɩd sẽn maan bũmb ningã sãama Wẽnnaam sũuri.

2 Rĩm-dãmba 1:12

A Eli leoka yẽnda yaa: «Mam sã n sɩd yaa Wẽnnaam daoa, bɩ bugum yi yĩngr n sig n dɩ foom ne f tãb-biis pis-nu wã!» La bugum yii yĩngr n sig n dɩ bãmb fãa.

A. Zoobe 1:16

Nin-kãng sẽn nan ket n gomda, ned a to n wa n yeel-a yaa: «Wẽnnaam bugum n yi yĩngr n sig n dɩ piisã ne tʋmtʋmdbã n sãam-ba. Yaa maam m yembr bal n põs n wa n na n togs-yã.»

Yɩɩn‑sõamyã 106:18

Bugum dɩɩ bãmb nebã. Bug-witim dɩɩ nin-wẽnsã.

Yɩɩn‑sõamyã 78:21

Sẽn-Ka-Saab wʋmame, la b sũurã puugame. La bugum widgame n zab ne a Zakoob yagensã. Wẽnnaam sũur yika ne Israyɛll nebã,

Yɩɩn‑sõamyã 78:63

Bugum dɩɩ bãmb kom-bɩɩsã, la b kom-pugli wã ka paam pẽgr ye.

Yikri 16:7

La beoog yibeoogo, yãmb na n yãnda Sẽn-Ka-Saab ziiri. Bala, bãmb wʋma yãmb sẽn yẽgemd ne bãmbã. La tõndo, tõnd yaa bõe tɩ yãmb yẽgemd ne tõndo?»

Yikri 16:9

A Moyiis yeela a Aarõ yaa: «Yeel Israyɛll zama wã fãa yaa: ‹Kolg-y Sẽn-Ka-Saab taoore. Bala, bãmb wʋma yãmb yẽgengã.› »

A Ezayi 10:17

Israyɛll vẽenemã na n lebga bugum, tɩ yẽnda Pʋ-Peelem Soabã lebg bug-witim, n dɩ Asiiri gõosã ne a gõpayãndsã n sãam-b zãng daar a yembr pʋgẽ.

A Ezayi 30:33

Bala, b zoe n segla wʋngã n sɛ. B vigla wʋngã rĩmã yĩnga, wʋngã zulmame, a yalmame. Yẽnda wʋngã pida ne bugum la raad wʋsgo. Sẽn-Ka-Saab vʋʋsmã rɩt-a-la wa kidbr ko-soogo.

A Ezayi 33:14

Rabeem kẽe yel-wẽn-maandbã sẽn be Sɩyõ wã, wẽn-kɩɩsdbã rigdame. Ãnda n be tõnd sʋkã n tõe n yals bugum ning sẽn dɩt-a wã taoore? Ãnda n be tõnd sʋkã n tõe n yals bug-saal ning sẽn ka tol n kiidẽ wã taoore?

Kʋʋr yɩɩla 3:39

Yaa bõe tɩ nin-vɩɩg yẽgemdẽ? Bɩ ned kam fãa yẽgem a meng yel-wẽn yĩnga.

Ezekiyɛl 20:36

Mam sẽn bʋ ne y yaab-rãmbã Ezɩpt we-raoogã pʋgã, mam na n bʋʋ ne yãmb me. Maam a Zu-soab a Sẽn-Ka-Saab n yeele.

Maan‑kʋʋre 10:2

Dẽ, bugum yii Sẽn-Ka-Saab nengẽ n dɩ bãmba. Bãmb kii zĩig pʋgẽ Sẽn-Ka-Saab taoore.

A Nahum 1:5

Sẽn-Ka-Saab kẽnda tãmsã zut tɩ b miimdẽ, tɩ kunkubã sirgdẽ. Bãmb tabda tẽn-gãongã t'a wʋgemdedẽ, dũniyã gill fãa ne a nebã rigda bãmb taoore.

Abakuk 3:5

Bã-longds n dengd bãmb taoore, tɩ yĩn-wɩngr pʋgd b poore.

Sõadga 10:33

Dẽ, Israyɛll nebã yii Sẽn-Ka-Saab tãngẽ wã, la b kẽna rasem a tãab kẽnde. La Sẽn-Ka-Saab kaoolã koglgã rag n bee bãmb taoore, n na n bao sik zĩig n kõ-ba.

Sõadga 11:18

Dẽ yĩngã, bɩ f yeel Israyɛll nebã yaa: yɩlg-y y mens tɩ beoogo, y na n paama nemd n wãbe. Bala, yãmb yẽgmame n yeel tɩ y na n maana a wãn n paam nemd n wãbe, la y yeel tɩ yãmb sẽn dag n be Ezɩpt tẽngã, bũmb da ka paoogd yãmb ye.» Dẽ, Sẽn-Ka-Saab wʋmame, la b yeelame: «Ka nemd la yãmb dat la? Y na paam nemd n wãbe.

Sõadga 12:2

Bãmb yeelame yaa: «Ka a Moyiis a ye bal la Sẽn-Ka-Saab gom ne ye. B goma ne tõnd me» La Sẽn-Ka-Saab wʋma a Aarõ ne Miryam goamã.

Sõadga 14:2

Dẽ, bãmb yẽgma ne a Moyiis la a Aarõ n yeel-b yaa: «Tõnd sã n dag n kiẽ Ezɩpt tẽngã, bɩ weoogã pʋg n são.

Sõadga 14:27

«Mam wʋma Israyɛll nebã sẽn yẽgemd ne maamã. La nin-wẽn-kãensã na n yẽgma ne maam hal tɩ ta dabʋre?

Sõadga 14:28

Ade, kẽng-y n tɩ yeel-b tɩ maam a Sẽn-Ka-Saab sẽn vɩ wã meng wẽendame n yetẽ: Mam na n maana bãmb wa sẽn zems b no-goamã.

Sõadga 16:11

Foom ne f poorẽ dãmbã sẽn maan woto wã wilgdame tɩ yãmb naaga taab noor a yembr n kɩɩs Sẽn-Ka-Saabo! Bala, ka ne a Aarõ la yãmb sẽn yẽgemdã ye.»

Sõadga 16:35

La Sẽn-Ka-Saab kɩtame tɩ bugum wa rɩ neb kobs-yi la pis-nu wã sẽn dag n zãad b wisd yõogr laasã n yasẽ wã.

Sõadga 17:5

Woto, kud-pakles-kãens rag n tẽegda Israyɛll nebã tɩ sã n ka a Aarõ yagensã bala, nin-zẽng ka tar noor tɩ yõog wisd Sẽn-Ka-Saab taoor ye. La ned sã n kɩɩs tõ-kãngã, sɩbgr ning sẽn paam a Koore ne a poorẽ dãmbã na n paama a soaba, wa Sẽn-Ka-Saab sẽn dag n yeel a Moyiis t'a yeel a Aarõ wã.

Sõadga 21:5

Dẽ, Israyɛll nebã sɩngame n yẽgem ne Wẽnnaam, la ne a Moyiis n yeele: «Bõe yĩng tɩ yãmb yiis tõnd Ezɩpt tẽngã tɩ d na n wa ki weoogẽ ka? Bur ka be ka, koom me ka be ka. La tõnd yamã me yaa n yii ne mandã sẽn yaa nin-bãan-dɩɩbã»

1 Korẽnt rãmba 10:10

Da yẽgm-y wa bãmb neb kẽer sẽn maane, tɩ sãamdã sãam-ba ye.

Yaoolem 25:18

Yãmb sẽn dag n yɛ n ka leb n tar pãngã, bãmb sega yãmb sorã zug n zab ne yãmba. La bãmb kʋʋ yãmb neb nins sẽn dag n be poorẽ wã n ka zoe Wẽnnaam ye.

Yaoolem 32:22

Bala, mam sũ-puugrã bugum widgame. A na n dɩɩme hal n ta kɩɩm-kulgu. A na n dɩɩ tẽngã ne a koodã fãa. A na n dɩɩ n tãaga tãmsã yẽbgrẽ.

Yaoolem 9:22

Yãmb leb n kɩtame tɩ Sẽn-Ka-Saab sũur yik ne yãmb Tabeera ne Masa la Kibrot-Taava me.

Ebre rãmba 12:29

Bala, tõnd Wẽnnaamã yaa bugum sẽn dɩt me.

Zake 5:4

Ade, tẽn-tʋmdb nins sẽn tigs yãmb koodã tɩ yãmb yaool n ka yao-bã kelemdame. Tigsdbã kelems zẽk n taa pãn-kẽemd soabã tʋbẽ.

A Zʋʋde 1:16

Bãmb yaa neb sẽn nong yẽgengo, sũ-pa-noom-dãmb sẽn tũud b yĩnsa ratem tɩ b noyã gomd wilg-m-meng goamã, n belsd nebã n dat n paam bũmbu.»