Sõadga 10:9 - WẼNNAAM SEBRE 2014

⁹ Yãmb sã n wa be y tẽngẽ wã, n yi n na n tɩ zab ne y bɛɛbã, bɩ y peeb y tãntãadã ne pãnga, la maam a Sẽn-Ka-Saab sẽn yaa yãmb Wẽnnaamã na n tẽega yãmb yell n fãag yãmb y bɛɛbã nugẽ.

SEBR SÕNGO

⁹ Y sã n wa be y tẽngẽ wã, tɩ y bɛɛba wa kaoog zabr ne-yã, y na kɩt tɩ tõntõoda peeb yãang la raaga. Woto y na nek Wẽnnaam y Soaala pʋ-tẽere tɩ b wa zãag-y ne y bɛɛba.

Sõadga 10:9 Iomraidhean Croise

Sɩngrẽ 8:1

Wẽnnaam tẽega a Nowe ne we-rũmsã ne yir dũmsã fãa sẽn dag n be ne yẽnda koglgã pʋgẽ wã yelle, dẽ, b kɩtame tɩ sobg fʋʋs dũniyã zugu, la koomã boogame.

2 Kibayã 13:12

La ade, Wẽnnaam n yaa tõnd naaba, la tõnd tara bãmb maan-kʋʋdbã ne tãntãadã sẽn tar n peebdẽ wã n na n peeb n zab ne yãmba. Dẽ, Israyɛll kamba bɩ y ra zab-y ne Sẽn-Ka-Saab sẽn yaa yãmb yaab-rãmb Wẽnnaamã ye. Bala, yãmb ka na n tõog ye.»

2 Kibayã 13:14

Dẽ, yɩɩ tɩlɛ ne Zʋʋda nebã tɩ b wẽnemd n na n zab ne nebã poorẽ, la taoore. Woto, bãmb kelmame n bool Sẽn-Ka-Saabo, la maan-kʋʋdbã peeba bardã.

Yɩɩn‑sõamyã 106:4

Sẽn-Ka-Saabo, tẽeg-y m yelle, yãmb sẽn maand y nebã neerã pʋga! Wa-y n sõng-y maam n fãag-ma,

Yɩɩn‑sõamyã 106:42

Bãmb bɛɛbã namsa bãmba, n kɩt tɩ b paam paoogre.

Yɩɩn‑sõamyã 136:23

Tõnd sẽn wa n be d yembdã pʋgã, Sẽn-Ka-Saab tẽega tõnd yelle, bala, bãmb nonglmã paada wakat fãa!

A Ezayi 18:3

Yãmb fãa sẽn be dũni zugu, yãmb dãmb sẽn be tẽng zugu, b sã n wa tilg tãb-kaoorã tãngã zugu, yãmb na n yãame. La b sã n wa peeb baorgã, yãmb na n wʋmame.

A Ezayi 58:1

Wɩk f meng n kelem la f ra sĩnd ye! Zẽk f koɛɛg wa baorg n togs mam nebã b beegrã, togs a Zakoob yagensã b yel-wẽnã!

Zeremi 4:19

M pʋg zabda! M pʋg zabda! M sũur zabdame n dat n pusgi! Mam sũur digdame tɩ m ka tõe n sĩnd m noor ye. Bala, mam wʋmda baorg peebgo, la zabr kaasgo!

Zeremi 4:21

Mam na n yãta tãb-kaoore, la m wʋmd baorg peebg hal tɩ ta dabʋre?

Zeremi 4:5

«Moon-y Zʋʋda nebã koe-kãngã la y kɩt tɩ Zeruzalɛm nebã wʋme. Peeb-y baorg tẽngã pʋgẽ, zẽk-y y koees n yeel nebã yaa: ‹Zoe-y n tɩ tigm-y tẽms nins sẽn gũbg ne lalsã pʋsẽ!

Zeremi 49:2

Bõn-kãng yĩnga, maam a Sẽn-Ka-Saab yetame: Wakat n wate, tɩ mam na n kɩt tɩ b wʋm zabr kelems Raba sẽn yaa Amo nebã na-tẽngã. A na n sãamame n lebg tom dʋya, la a tẽn-kɩremsã na n dɩɩ bugum. Dẽ, Israyɛll nebã na n leb n deega b tẽngã neb nins sẽn dag n dig bãmb n deeg-a wã nugẽ. Maam a Sẽn-Ka-Saab n yeele.

Zeremi 6:1

Benzame buudu, zoe-y n yi-y Zeruzalɛm! Tɩ bao-y zĩig n soonde! Peeb-y baorg Tekoa. Zẽk-y tãb-kaoor Bet-Hakerɛm pʋgẽ! Bala, toog yita wĩndg sẽn lʋɩtẽ dɩtg n watẽ, na n yɩɩ sãoon-kãsenga!

Zeremi 6:17

Sẽn-Ka-Saab yetame: Mam yãka gũudb yãmb yĩnga, n yeel-b tɩ b maan gũusg tɩ baorgã peebg ra wa ling-b ye. La bãmb yeelame: «Tõnd ka na n gũus ye.»

Ezekiyɛl 7:14

B peebda baorgo, b segl n sɛɛme, la ned ba a yembr ka kẽnd zabr ye. Bala, mam sũ-puug-kãsengã yika ne tẽngã arzegs fãa.

A Ooze 5:8

Peeb-y baorg Gɩbeya, la y peeb baorg Rama! Kaas-y zabr kaasg Bɛt-Avɛn! Benzame nebã, gũus-y y poorẽ!

Maan‑kʋʋre 23:24

«Yeel Israyɛll nebã yaa: ‹Kiuug a yopoe soabã pipi daarã na n yɩɩ vʋʋsg yãmb yĩnga. Bɩ y tigim taab n tẽegd a yelle. Yaa tigr sẽn welg toore.

A Amoose 3:6

Kũng na wẽ tẽng pʋgẽ tɩ neb pɛleng ka yɩke? Yel-beed tõe n paama tẽng tɩ Sẽn-Ka-Saab zɩ tiiri?

Sofoni 1:16

Badaare, tãb-biis na n peeba bardo, n kaas zabr kaasgo, n zab ne tẽms nins sẽn gũbg ne lalsã, la b zab ne b lalsã gõdsẽ gãs-bɛdã.

Sõadga 31:6

Dẽ, a Moyiis kɩtame tɩ b fãa kẽng zabrã zĩigẽ, la a Eleyazaar biig a Fineyaas tũu bãmba. La yaa a Fineyaas n dag n zãad sɛk roogã teedo, n paas zabrã tãntãado.

1 Korẽnt rãmba 14:8

Baorg sã n peebd tɩ ka vẽenega, ãnda n na n segl a meng zabr yĩnga?

Yaoolem 20:1

Yãmb sã n yi n na n tɩ zab ne y bɛɛbã n yãnd tɩ b tara wiid la saar-dãmb la tãb-biis wʋsg n yɩɩd yãmb sẽn tarã, bɩ y ra zoe bãmb ye. Bala, Sẽn-Ka-Saab sẽn yaa yãmb Wẽnnaamã sẽn yiis yãmb Ezɩptã bee ne yãmba.

Zozuwe 6:5

La yãmb sã n wʋm baorgã peebg rãamde, bɩ nebã fãa zẽk b koees n kaas ne koe-kãsenga. La wakat-kãng bala, tẽngã lalg na n sirgame n lʋɩ a toore, la ned kam fãa na n kell n tũu zĩig ning a sẽn beẽ wã n kẽ.»

Bʋ-kaoodba 10:12

Sɩdõ nebã, ne Amalɛk-rãmbã, la Mawõ-rãmbã me sẽn wa n namsd yãmbã, tɩ yãmb kelem n bool maamã, mam ka fãag yãmb b nusẽ sɩda.

Bʋ-kaoodba 10:8

Yʋʋm-kãnga, bu-bãmb namsa Israyɛll nebã wʋsgo. Bãmb namsa Israyɛll nebã sẽn dag n be Zʋrdẽ kʋɩlgã rʋʋndã sẽn yaa Amo nebã tẽng sẽn be Galaadã, n kaoos yʋʋm piig la nii.

Bʋ-kaoodba 2:18

Sẽn-Ka-Saab sã n dag n yãk bʋ-kaood n kõ Israyɛll nebã, Sẽn-Ka-Saab meng n dag n be ne bʋ-kaoodã a vɩɩm tɛka, n sõngd-a t'a tõogd n fãagd Israyɛll nebã ne b bɛɛbã. Bala, bãmb wõosgã pʋga, la neb nins sẽn maand bãmb pãng n namsd-bã yĩnga, Sẽn-Ka-Saab zoeta bãmb nimbãanega.

Bʋ-kaoodba 3:27

Yẽnda sẽn ta beenẽ, yẽnda peeba baorg Efrayiim soolem ning sẽn be tãmsã sʋka. La Israyɛll nebã yi n babsa yẽnda tãngã zug n tũ-a n sigi, la yẽnda rag n bee b taoore.

Bʋ-kaoodba 6:34

Sẽn-Ka-Saab Sɩɩgã kẽ a Zedyõ, la a peeba baorg n bool a Abiyezɛɛr roogã neb fãa tɩ b wa yãag-a.

Bʋ-kaoodba 6:9

Mam fãaga yãmb Ezɩpt nebã nugẽ, la m fãag yãmb neb nins fãa sẽn dag n namsd yãmbã nusẽ. Mam dig-b lame n kõ yãmba, la m kõ yãmb b tẽmsã tɩ y sooge.

1 Sãmwɛlle 10:18

la yẽnda yeela Israyɛll nebã yaa: «Ad Sẽn-Ka-Saab sẽn yaa Israyɛll Wẽnnaamã sẽn yeta: «Yaa maam n yiis Israyɛll nebã Ezɩpte. Mam fãaga yãmb Ezɩpt nebã nugẽ, la ne soolem-dãmb a taab nins fãa sẽn dag n namsd yãmbã nugẽ.