Sõadga 10:29 - WẼNNAAM SEBRE 2014

²⁹ A Moyiis yeela a rɛɛmb a Rehuyɛll sẽn yit Madiyã wã biig a Obaab yaa: «Tõnd dabda tẽng ning Sẽn-Ka-Saab sẽn dag n kãab n yeel tɩ b na n kõ-d lame wã pʋgẽ. Dẽ wã, wa tũ tõndo, tɩ d na n kɩtame tɩ f naag tõnd n paam maan-neer ning Sẽn-Ka-Saab sẽn dag n kãab Israyɛll nebã.»

SEBR SÕNGO

²⁹ A Moyiiz yeela Madiã raoa la a rɛɛmba a Reowɛl biig a Obab: «D sẽn dabd tẽng ninga yaa Soaala-Wẽnd sẽn wilg tɩ b na n dɩka a soaba n kõ tõndã. Wa yãag-do! F na naag tõnd n dɩ yõod ning Soaala sẽn kãab a Israyɛl.»

Sõadga 10:29 Iomraidhean Croise

Sɩngrẽ 12:7

Sẽn-Ka-Saab puka b meng ne a Abram n yeele: «Mam na n kõo fo yagensã tẽn-kãngã tɩ b sooge.» La a Abram mee tẽn-kugr beenẽ, Sẽn-Ka-Saab sẽn puk b meng ne yẽnda wã yĩnga.

Sɩngrẽ 13:15

Bala, mam na n dɩka soolem ning fo sẽn ne wã, n kõ foom ne f yagensã tɩ y soog wakat fãa yĩnga.

Sɩngrẽ 15:18

Badaare, Sẽn-Ka-Saab maana kaool ne a Abram n yeele: «Mam kõta fo yagensã tẽn-kãngã tɩ b sooge. Yaa sẽn sɩng ne Ezɩpt kʋɩlgã, n tall n tɩ tãag Efrat kʋɩl-kãsengã.

Sɩngrẽ 17:8

Mam na n kõo foom ne f yagensã sẽn na n pʋgl foom f loogr zugẽ wã Kana soolmã. Yaa soolem ning fo sẽn yaa sãan a pʋgẽ wã, la mam na n kõ-f tɩ f soog wakat sẽn kõn sɛ yĩnga, la mam na n kell n yɩɩ bãmb Wẽnnaam.»

Sɩngrẽ 32:12

Woto yĩngã, mam kot-y lame, tɩ y fãag maam m kẽem a Ezayu nugẽ! Bala, mam zoeta rabeem t'a na n wa kʋ maam ne m pagbã ne b kambã!

Yɩɩn‑sõamyã 100:1

Zaamẽ beoog pʋʋsg yɩɩlle. Dũni gilli, wẽ-y nug-pogs Sẽn-Ka-Saab yĩnga!

Yɩɩn‑sõamyã 34:8

Sẽn-Ka-Saab malɛɛkã gũuda sẽn zoet-b bãmbã, n fãagd-ba.

Yɩɩn‑sõamyã 95:1

Wa-y tɩ d kaas ne sũ-noog Sẽn-Ka-Saab yĩnga! D zẽk d koees n pẽg pĩigã sẽn yaa d fãagdã.

Yikri 18:1

A Moyiis rɛɛmb a Zetro sẽn yaa Madiyã maan-kʋʋdã wʋma bũmb nins fãa Wẽnnaam sẽn maan n kõ a Moyiis ne Israyɛll dãmbã sẽn yaa bãmb nebã. Yẽnda wʋma Sẽn-Ka-Saab sẽn yiis Israyɛll nebã Ezɩpt tẽngã.

Yikri 18:12

Dẽ, a Moyiis rɛɛmb a Zetro maana maoong sẽn yõogd bugum ne maand a taab n kõ Wẽnnaam. A Aarõ ne Israyɛll kãsem-dãmbã fãa wa n lagma a Moyiis rɛɛmbã n dɩ Wẽnnaam taoore.

Yikri 18:27

Dẽ, a Moyiis basa a rɛɛmbã t'a looge, la a rɛɛmbã lebg n kuila a tẽngẽ.

Yikri 2:18

Bãmb sẽn lebg n kẽng b ba a Rehuwɛll nengẽ, yẽnda soka bãmb yaa: «Maana a wãn tɩ yãmb lebg n wat tao-tao a woto rũndã?»

Yikri 2:21

A Moyiis sakame n na n zĩnd rao-kãng yirã. La a Rehuwɛll rɩka a bi-pugl a Sefoora n kõ-a t'a maan a paga.

Yikri 3:1

A Moyiis rag n kɩɩmda a rɛɛmb a Zetro sẽn yaa Madiyã maan-kʋʋdã rũmsi. Yẽnda talla rũmsã n kẽng we-raoogã wã n ta Horɛɛbe, Wẽnnaam tãngẽ wã.

Yikri 3:8

Mam sigame n na n fãag bãmb Ezɩpt nebã nusẽ, la m yiis bãmb soolem-kãng pʋgẽ n tall bãmb n kẽng tẽn-sõng sẽn yaa bedr pʋgẽ. Yaa tẽng sẽn pid ne bĩisim la sɩɩd wʋsgo. Yaa tẽng ning Kana-rãmbã ne Hɛt-dãmbã la Amoor-dãmbã ne Ferɛɛz-rãmbã la Hevi-rãmbã ne Zebuus-rãmbã sẽn be wã.

Yikri 6:4

La mam maana kãabg ne bãmb n yeel-b tɩ mam na n kõ-b-la Kana tẽngã, tẽng ning bãmb sẽn dag n yaa sãamb a pʋgẽ wã.

A Ezayi 2:3

Neb kʋʋng na n dabda beenẽ la b yetẽ: «Wa-y tɩ d rʋ Sẽn-Ka-Saab tãngã zugu, a Zakoob Wẽnnaamã roogẽ! Bãmb na n wilga tõnd b soayã, la tõnd na n tũu bãmb so-bugsã. Bala, tõogã na n yii Sɩyõ n wa, Sẽn-Ka-Saab gomdã na n yii Zeruzalɛm n wa.

Zeremi 50:5

Bãmb na n soka Sɩyõ zĩiga, n wẽnemd b nens n tees beenẽ n yeele: «Wa-y tɩ d rɩk d mens n kõ Sẽn-Ka-Saabo, n maan kaool sẽn paad wakat fãa, ned sẽn kõn tol n yĩm ye!»

Sõadga 10:28

Dẽ, Israyɛll nebã sẽn yik sull-sull n loogã yɩɩ woto.

Sõadga 23:19

Wẽnnaam ka ninsaal n yagd zĩrẽ ye, La bãmb leb n ka ninsaal n tekd yam ye! Bãmb sã n yeel bũmbu, b pidsd-a lame.

Tʋʋma 7:5

La Wẽnnaam ka kõ a Abrahaam zĩig ba sẽn sekd naoor rɩglg tɩ yɩ a pʋɩɩr tẽn‑kãngã pʋgẽ ye. La Wẽnnaam kãabame tɩ b na n kõo bãmb ne b yagensã tẽngã tɩ b soog-a, a Abrahaam loogr poore. La rẽ t'a Abrahaam nan ka tar biig ye. Wẽnnaam da gomame n yeel a Abrahaam a woto:

Yaoolem 30:5

Sẽn-Ka-Saab sẽn yaa yãmb Wẽnnaamã na n talla yãmb n wa tẽng ning yãmb yaab-rãmbã sẽn dag n so wã n kõ yãmb tɩ y sooge. Sẽn-Ka-Saab sẽn yaa yãmb Wẽnnaamã na n maana yãmb neere, n kɩt tɩ y lebg wʋsg n yɩɩg y yaab-rãmbã.

Yaoolem 4:40

Woto yĩnga, sak-y bãmb no-tũudsã ne b tõodã mam sẽn kõ yãmb dũndã wã, tɩ yãmb ne y kambã vɩɩm tõe n yɩ noogo, la tɩ yãmb tõe n vɩɩmd n kaoos tẽng ning Sẽn-Ka-Saab sẽn yaa yãmb Wẽnnaamã sẽn kõ yãmb tɩ y soog wakat fãa yĩngã pʋgẽ.»

A Titi 1:2

wẽn-tũudum, n paam tẽeb pidsg gũudum ne vɩɩm sẽn kõn sa wã, Wẽnnaam sẽn yaa sɩd soabã sẽn dag n kãab hal tɩ dũni nan ka naana.

Ebre rãmba 6:18

Yɩɩ a woto tɩ ne bũmb a yiibã sẽn ka na n viigã, la Wẽnnaam sẽn ka tõe n yag zĩrẽ b pʋgẽ wã, bɩ tõnd paam raood paoosg wʋsgo. Bala, zĩig a yembr tãa tõnd sẽn tõog n kẽ n paam põsã, yaa d sẽn gãd saag-sõng ning Wẽnnaam sẽn da kõt tõndã.

Vẽnegre 22:17

Sɩɩg-sõng ne pʋg-paalã yetame yaa: Wa-y-yã! Bɩ ned ning sẽn wʋmd-a yeel tɩ: Wa-y-yã! Bɩ ko-yũud sẽn tar‑a soab wa, la sẽn dat-a bɩ a reeg vɩɩm koom zaalem!

Bʋ-kaoodba 1:16

A Moyiis rɛɛmbã sẽn yaa Kɛn nedã yagensã tũu Zʋʋda yagensã n yi komsã tẽngã, n kẽng Zʋʋda weoogã sẽn yegd Araad goabgã, n tɩ zĩnd Amalɛk rãmbã sʋka.

Bʋ-kaoodba 4:11

Kɛn ned a Hebɛɛr sẽn yaa a Moyiis rɛɛmb a Hobaab biigã rag n welgame n bas Kɛɛb nebã n tɩ tilg a fu-roogã Sanayim tɩ-kãsengã sɛɛgẽ, n pẽneg Kedɛɛse.

1 Sãmwɛlle 15:6

A Sayull yeela Kɛn nebã yaa: «Yi-y n zãag-y ne Amalɛk-rãmbã tɩ m da wa naag-y ne bãmb n sãam ye. Bala, yãmb maana Israyɛll nebã fãa neer wakat ning b sẽn wa n yi Ezɩptã.» La Kɛn nebã yiime n bas Amalɛk nebã.